Zẹkaraia 1:14 - Edo Bible (E Baibol Ẹdo) Version 1996

¹⁴ Odibosa keghi tama mwẹ wẹ ne I ya mu ẹmwẹ ne Nọyaẹnmwa ne Oghodua ta ẹe ni go wẹẹ, “I mwẹ aho kevbe ẹnina nọkhua ghe Jerusalẹm ne ẹvbo mwẹ nọhuanrẹn.

Zẹkaraia 1:14 ပူးပေါင်းရင်းမြစ်များ

Aizaia 37:32

Emwa gha rre Jerusalẹm kevbe Oke Zaiọn ni gha miẹn uhunmwu, rhunmwuda e Nọyaẹnmwa ne Oghodua tae mu olọ yan rẹn nẹ ighẹ erriọ ọ re ọ gha sunu.

Aizaia 38:22

Ẹre Hẹzekaia ne ọba na nọ wẹẹ, “Ama vbo ne I ya rẹn wẹ I gha sẹtin yo Ọgua Osa?”

Aizaia 40:1

Erriọ Nọyaẹnmwa khare, “Wa fu avbe emwa mwẹ ẹko rre. Wa fu iran ẹko rre!

Aizaia 40:2

Wa rhie igiọdu ne ivbi e Jerusalẹm wa khama iran ighẹ iran rrii oya kpee sẹ nẹ, ighẹ a ya orukhọ iran bọọ iran nẹ nian. I rrii iran oya sọkẹn ye orukhọ iran hia nẹ.”

Aizaia 40:6

Urhu ọkpa keghi tu ladian wẹẹ, “Ya tama iran!” Mẹ keghi nọ wẹẹ, “De emwi ne I ra tama iran yi?” “Tama iran wẹ te emwa nagbọn hia ye vbe irunmwu; iran i vbe tọ sẹ obobo oha.

Aizaia 42:13

E Nọyaẹnmwa ladian ne ọ ya gbinna zẹ vbe ovbiyokuo ọ mu egbe nẹ, te ọ ghi khẹ nene okuo, ọ tu utumwẹ okuo, ugomwẹ igbinna ọ rhie ẹtin ẹnrẹn ma vbe egbe avbe eghian rẹn.

Aizaia 59:17

Ọ gha mu ẹmwata yọ zẹ vbe ẹwu ematọn okuo, kevbe akhọnmiotọ zẹvbe ẹrhu ẹgere. Ọ gha ye amuegbe ne a ya dọlọ emwi hia yi yọ egbe ẹre ẹwu kevbe ne a ya rri emwa oya ne a ya rria ikhi ye emwi dan ne a ru emwa ẹre.

Aizaia 63:15

E Nọyaẹnmwa, gbearoghe odẹ ne ima ye ke ẹrinmwi gha dee, ehe ne uwẹ ye vbe uwu uhuanmwẹ kevbe uyi ruẹ. Ẹnina nọkhua ne u mwẹ ghe ima vboo? Ẹtin ruẹn vbo? Ahoẹmwọmwa kevbe itohan ruẹn vbo? Ghẹ yangbe mwa.

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Ezikiẹl 36:5

“Mẹ ne Nọyaẹnmwa ne Udazi, vbene ohu wa ya mu mwẹ ọ re I ya gu avbe ẹvbo ni yin lẹga ẹre guan, kpataki Idọm. Iran keghi ye ọpakharha kevbe a i zama ọmwa khọn otọe mwẹ, iran na vbe munọ avbe ehe ne aranmwẹ na rria ni rrọọ.

Hozia 11:8

“Vbe I a ghi ra he uwẹ fua hẹ Izrẹl? Vbe I a ghi ra sẹtin fi iyeke gbuẹ hẹ? Mẹ gha sẹtin fuẹn uwẹ ua zẹ vbe Adma ra? Ra ne I ru uẹ vbene I ru Zẹboim? Ekhọe i sẹ mwẹ ya ru ẹe ahoẹmwọmwa mwẹ ghe ruẹ kpọlọ gbe.

Joẹl 2:18

E Nọyaẹnmwa mu ẹmwẹ otọe ẹre ro, ọ tohan emwa irẹn.

Nahum 1:2

E Nọyaẹnmwa i zẹdẹ kue ne ọmwaikọmwa gu ẹe mwa ẹrrẹe; te ọ rri iran ni gbe odan ghe ẹre oya. Ọ ha ẹre werriegbe ne iran vbe ohu ẹre.

Zẹkaraia 1:13

E Nọyaẹnmwa keghi ye avbe ẹmwẹ ni fu ọmwa ẹko rre rhie ewanniẹn ne odibosa nii.

Zẹkaraia 1:17

Odibosa nii keghi vbe tama mwẹ wẹ ne I ya ta ẹe ladian ma emwa wẹẹ, “E Nọyaẹnmwa ne Oghodua khare wẹ agbọn gha ma emwa vbe avbe ẹvbo irẹn nekhua hia, kevbe wẹ rẹn gha dọlegbe ye gha dee do yi e Jerusalẹm obọ, ne ọ vbe ya ẹvbo nii khian ọghe obọ irẹn.”

Zẹkaraia 1:9

I keghi nọ rẹn wẹẹ, “Dọmọ o, de emwi ne a ya avbe ẹsin na kha yi?” Rẹn keghi wanniẹn wẹẹ, “I gha ta emwi ne a ya iran kha ma ruẹn.

Zẹkaraia 4:1

Odibosa nii ne ọ gha gunmwẹ guan usin keghi rre, ọ keghi huẹn mwẹ kpaegbe vbe ne a miẹn wẹ te I te vbiẹ.