Zẹkaraia 1:11 - Edo Bible (E Baibol Ẹdo) Version 1996

¹¹ Iran keghi do na iyẹn ma odibosa nii wẹẹ: “Ma la agbọn na hia khinkhian, ma keghi miẹn wẹ te agbọn na hia wa khian ne egbe wọre kevbe ne a siẹnrhu ginna otọ.”

Zẹkaraia 1:11 ပူးပေါင်းရင်းမြစ်များ

Job 1:7

E Nọyaẹnmwa keghi nọ rẹn wẹẹ, “Vbe uwẹ a ke dee vbọ?” Esu keghi wanniẹn wẹẹ, “I hẹ yo hẹ rre zozo lele otọe agbọn khian.”

Psalm 68:17

E Nọyaẹnmwa tuorre ke Sainai gha dee ke irẹn kevbe ikẹkẹ okuo nekhua arriaisẹn inu ne ọ khin gha rrie uwu ehe ne ọ huanrẹn ọghọe.

Aizaia 14:7

Banbanna nian, te otọ uhunmwu ghi fu otọ agbọn hia rre, te iran ghi miẹn ehe na hẹwẹ, ihuan oghọghọ ọ re dọmwadẹ ọghọe ghi so.

Daniẹl 10:20

Rẹn keghi tama mwẹ wẹẹ, “U rẹn emwi ne ọ zẹe ne I na bu ruẹ gha dee ra? Te I rre do ma ruẹn emwi ne a gbẹnnẹ ye Ebe Ẹmwata. Banbanna nian, I gha werriegbe gha khian ne I ya gu odibosa ne ọ su Pẹsia gbinna. Vbe iyeke ọnii, odibosa ne ọ su e Gris gha rre. Ọmwa ọvbehe i rrọ ne ọ gha yọmwẹ obọ gberra e Maikẹl ne odibosa ne ọ su Izrẹl.

Zẹkaraia 1:10

Te Nọyaẹnmwa gie iran ne iran ya rhuan otọe agbọn ghe.”

Zẹkaraia 1:15

Ohu avbe ẹvbo nii ne ọfurre kevbe ne ọfumwegbe ye wa mu mwẹ. Rhunmwuda, ẹghẹ ne imẹ na gha si egbe vbe ẹmwẹ ohu emwa mwẹ ne ọ mu mwẹ, avbe uhunmwu ẹvbo na kegha tua oya nẹ emwa mwẹ re sẹẹ ayọ.

Zẹkaraia 1:8

Mẹ keghi bẹghe odibosa ọkpa ọghe Nọyaẹnmwa, ọ keghi hini ẹsin ne ọ baa. Ọ keghi yakọ vbe uwu ẹbu erhan eso vbe iya, avbe ẹsin ọvbehe eso keghi vbe rre ọre iyeke, ni baa, ni gbẹnnẹ ekẹnnẹkẹnnẹ, kevbe ni fuọfua.

Zẹkaraia 6:7

Avbe ẹsin nii gbẹnnẹ ekẹnnẹkẹnnẹ ghi wa ladian, ọ ke wa gha fi iran egbe wẹ iran ra ya rhuan otọ agbọn ghe. Odibosa nii keghi tama iran wẹẹ, “Wa gha khian ya rhuan otọ agbọn ghe,” iran keghi gele ru vberriọ.

Matiu 13:41

Ovbi Ọmwa gha gie avbe odibo ẹre ladian, iran ghi ya silo emwa ni si emwa fi orukhọ, kevbe avbe emwa dan hia ke uwu Arriọba ẹre ladian.

Matiu 13:49

Erriọ zẹ ọre ọ gha ye vbe ẹdẹ okiekie, avbe odibo Osanobua gha ladian ya koko emwa dan hin uwu ẹbu emwa esi rre.

Matiu 25:31

“Ovbi Ọmwa ghẹ ghi rre zẹ vbe ọba ke irẹn kevbe avbe odibosa ẹre, rẹn ghi miẹn dia vbe uhunmwu ẹkete ọba ẹre.

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.

II Tẹsalonaika 1:7

Ọ ghi fannọ uwa ni sẹ usẹ ẹghẹ na kua, kevbe ima ba ẹre. Ẹghẹ ne ọ gha na ru emwi na, ọrọre ẹghẹ ne Nọyaẹnmwa Jesu gha na rhie egbe ma ke ẹrinmwi rre, irẹn kevbe avbe odibo Osa ẹre nekhua.

Arhie Maan 1:1

Emwi ne a gbẹn ye ebe na ọrọre avbe emwi ne Jesu Kristi viọ ne a miẹn. Osanobua ọre ọ viọ avbe emwi na nẹẹn ne ọ viọ ma avbe eguọmwadia Osanobua, avbe emwi ne ọ ra do sunu vbe ọ ma he kpẹe. Jesu keghi gie odibosa ne ọ ya viọ avbe emwi na ma e Jọn ne ọguọmwadia ẹre.