Zẹfanaia 3:8 - Edo Bible (E Baibol Ẹdo) Version 1996

⁸ E Nọyaẹnmwa khare wẹẹ, “Wa zin egbe, wa ziengbe khẹ ẹdẹ ne I gha guakpao ba avbe uhunmwu ẹvbo ifi ẹzọ. I ta ẹe nẹ wẹ, I gha si avbe uhunmwu ẹvbo kevbe avbe arriọba koko ne iran miẹn ehe na họn obọ ohu mwẹ vbe egbe. Erhẹn ohu mwẹ nọkhua, gha giẹn agbọn na hia.

Zẹfanaia 3:8 ပူးပေါင်းရင်းမြစ်များ

Psalm 12:5

Sokpan, e Nọyaẹnmwa khare wẹẹ, “Eban nian, mẹ dee, rhunmwuda, a zẹ iran ne ẹi mwẹ kpokpo. Iran ne a zẹ kpokpo gha viẹ eve obalọ. I gha do ru ẹe ne ẹkun sẹ iran otọ, ne egbe rọkhọ iran zẹ vbe ne iran ho.”

Psalm 123:2

Zẹ vbene ọguọmwadia ye egbe yan arowa ẹre, zẹ vbene ọguọmwadia okhuo ye egbe yan aro wa ẹre nokhuo, erriọ ma khian gha ghe ruẹ obọ Nọyaẹnmwa Osanobua mwa a te do miẹn wẹ u tohan mwa.

Psalm 27:14

Mu ẹtin yan e Nọyaẹnmwa, gha mwẹ iyayi ghẹ gie ẹtin fo uẹ mu ẹtin yan e Nọyaẹnmwa.

Psalm 37:34

Hẹnhẹn idaehọ ruẹ yan e Nọyaẹnmwa gha mu uhi ẹre sẹ ọ gha mu otọe ni ne uẹn. Ne ọ ya mu ọghọ yuẹ egbe. U gha vbe miẹn ọẹn vbe a gha khulo emwa dan ladian.

Psalm 37:7

Zin egbe ne u rhie ẹghẹ ne Nọyaẹnmwa ya winna. Ghẹ si osi ye ẹmwẹ iran ne agbọn maa rẹn, ra ye emwa ne iro dan ne iran zẹ dunna na.

Psalm 62:1

I hẹko ya izin egbe mudia khẹ Osanobua ne ọ do miẹn mwẹ fan. Rẹn okpa kẹkan ọre I mu ẹtin yan.

Psalm 62:5

Osanobua okpa ọ re I ya egbe yan idaehọ mwẹ vbe rre ọghọe.

Psalm 79:5

Nọyaẹnmwa, u gha wa mu ohu ima rhinrin ẹdẹdẹmwẹdẹ ra? Ohu ruẹ gha wa gha giẹn khian zẹ vbe erhẹn ra?

Psalm 79:6

Werriẹ aro ohu ruẹ da avbe uhunmwu ẹvbo ni i ga a, ghe avbe emwa ni i na erhunmwu ghe ruẹ.

Itan 20:22

Ghẹ wa kha wẹ u ra ya rria ikhi ne egbe ruẹ. Mu ẹtin yan e Nọyaẹnmwa, ọ gha dọlọ ẹe yi.

Ihuan Ne Ọ Sọọ Ihuan Hia 8:6

Ghẹ gie ẹmwẹ ọmwa la ruẹ aro gberra ogho mwẹ ghẹ sikan mu obọ ọmwa ọvbehe gberra ọghọ mwẹ, ahoẹmwọmwa wa mwẹ ẹtin zẹvbe uwu, orriarria wa vbe mwẹ ẹtin zẹ vbe uwu tobọ ọre, te ọ mu erhẹn, ọ ghi vbe gha giẹn emwi khian zẹvbe okperhẹn.

Aizaia 14:26

Emwi ne I mwamwa ẹn vbe ekpa agbọn na ọ re ọnii khin, I niẹn obọ mwẹ ladian nẹ, ne I ya rri avbe uhunmwu ẹvbo oya.”

Aizaia 30:18

Sevba e Nọyaẹnmwa ye mudia ne ọ tohan uwa. Ọ mu egbe ne ọ ya tohan uwa, rhunmwuda emwi ne ọ gbae ọ re irẹn ru vbe ẹghẹ hia. Ọmakin iran ni mu ẹtin yan e Nọyaẹnmwa.

Aizaia 34:2

E Nọyaẹnmwa wa mu ohu avbe uhunmwu ẹvbo hia kevbe avbe iyokuo iran. Ọ tae nẹ ighẹ te iran hia ra fuan.

Aizaia 63:6

Vbe uwu ne ohu na mu mwẹ nii, I keghi, ya owẹ rrilo avbe uhunmwu ẹvbo ginna otọ I keghi duẹ iran an, I keghi hihiẹẹ, esagiẹn arrọọ iran yotọ.”

Jerimaia 10:25

Mu ohu ruẹ aro da, avbe uhunmwu ẹvbo ni ma ga a, kevbe avbe emwa ni he uwẹ yotọ. Iran gbele avbe emwa ruẹn uan iran fuẹn ima an fẹẹrẹ, iran keghi ye ẹvbo ima khian itowa.

Hozia 12:6

Rhunmwuda ọnii nian, wa ne ivbi uniẹn e Jekọb wa mu ẹtin yan Osanobua uwa ne uwa vbe hu ẹre gha dee. Wa mudia ẹse, wa gha ru emwi ẹmwata ne uwa ya i ziengbe mudia khẹ Osanobua uwa ne ọ guan yọ.

Joẹl 3:2

I gha si avbe uhunmwu ẹvbo hia si koko, I ghi viọ iran gha die Iya Ibuohiẹn. Evba nii ọ re I ra na bu ohiẹn iran vbe ekpa emwi ne iran ru emwa mwẹ re. Iran zagha ivbi Izrẹl kua, lele ẹvbo ẹrrẹe, iran keghi ghae Izrẹl ne otọe mwẹ.

Maika 7:7

Sokpan, mẹ gha rhie aro ye odẹ khẹ Nọyaẹnmwa. I gha ya iziengbe diakhẹ Osanobua, ọmwa ne ọ gha miẹn mwẹ fan. Osanobua mwẹ gha họn ọghomwẹ.

Habakọk 2:3

Gbẹnnẹ ọẹn ye otọ rhunmwuda, ọ ma he sẹ ẹghẹ ne ọ gha ya sunu. Sokpan ẹghẹ nii dee ẹgiẹgiẹ, emwi ne I mu ma ruẹn na, te ọ gha sunu. Ọ sẹtin yevbe ne okhian i kẹ ọre vbene ọ ya dee hẹ, sokpan, ziengbe diakhẹ ọre, ẹ i mwẹ ọ ma sunu, ẹ i ra vbe kpẹe.

Zẹfanaia 1:18

Vbe ẹdẹ nii ne Nọyaẹnmwa gha rhie izohu ẹre maa, igoru kevbe esiliva iran hia ne ọ gha sẹtin miẹn iran fan, ẹ i rrọọ. Erhẹn ohu ẹre gha fuẹn agbọn na hia a. Ọ gha rhie ufomwẹ udomwurri ye ẹmwẹ emwa ni rre agbọn na hia.

Hagai 2:22

I ghi ya avbe arriọba kevbe ẹtin iran uhunmwu rhu, I gha ya avbe ikẹkẹ okuo kevbe iran ni hin iran uhunmwu rhu, avbe ẹsin gha wulo, iran ni hin iran khian gha gbele egbe ua.

Matiu 25:32

A ghi do si emwa ni rre agbọn na hia si koko ye odaro ẹre. Rẹn ghi do wannọ iran ye oka eva zẹ vbene Ọsuohuan hannọ ohuan hin uwu ẹbu ẹwe rre.

II Pita 3:10

Sokpan Ẹdẹ Nọyaẹnmwa gha rre zẹ vbe oyi. Vbe Ẹdẹ ne ẹdẹnẹdẹrriọ, uwu owogho ne ọ khẹkhẹ ehọ, ọre a ra na ho iso bẹkun, avbe emwi ni wie yo wie rre vbe ideghedeghe aro iso ghi giẹn uan, ehia ghi la ọrhiae rrie, agbọn ke ẹe kevbe emwi ni rre uwu ẹre hia, ghi khian ne a ho bẹkun.

Arhie Maan 16:1

I keghi họn vbe ọmwa ọkpa wa vannọ okan ke uwu Ọgua Osa gu avbe odibosa ihinrọn nii guan wẹẹ, “Wa ya rhurhẹ ọkpa ihinrọn ọghe izohu Osanobua nii yan agbọn!”

Arhie Maan 16:14

Iran na ọrọre avbe orhiọn esu nii, ne ọ winna iwinna ọyunnuan. Avbe orhiọn eha nii, keghi ladian bu avbe ọba ni rre otọ agbọn gha khian, ne iran ya silo iran koko khẹ okuo Ẹdẹ nọkhua ọghe Osanobua ne Oghodua.