Zẹfanaia 3:6 - Edo Bible (E Baibol Ẹdo) Version 1996

⁶ E Nọyaẹnmwa khare wẹẹ, “I ka gbe iyaẹvbo eso ogbefo yi. I dunmwu avbe okpẹvbo iran an, I keghi sẹ ekẹn iran kevbe owa ọkhẹ iran rae ye itowa. Emwa lẹ hin okpẹvbo iran rre, emwa i ghi rre ore iran, orhiọnkpa ma ke ẹe vbọ.

Zẹfanaia 3:6 ပူးပေါင်းရင်းမြစ်များ

Aizaia 14:26

Emwi ne I mwamwa ẹn vbe ekpa agbọn na ọ re ọnii khin, I niẹn obọ mwẹ ladian nẹ, ne I ya rri avbe uhunmwu ẹvbo oya.”

Aizaia 37:36

Odibosa e Nọyaẹnmwa keghi la agọ ivbi Asiria, ọ keghi gbele ivbiyokuo arriaisẹn isẹn yan iyi ihinrin (185,000). Ẹdẹ ghi gbe vbe owiẹ ne ọ lelẹe, ehia keghi wulo lele otọe bẹẹrẹ!

Aizaia 6:11

Mẹ keghi nọ wẹẹ, “Inu ẹghẹ ọ re ọ ra gha ye vbenian la vbe otọe yi e Nọyaẹnmwa?” Rẹn keghi wanniẹn wẹẹ, “Rhinrin avbe okpẹvbo nii tedo rẹnkhẹn uan ne ehia vbe dihoi rua, a te do miẹn wẹ avbe owa nii khian ne ẹvbo i ghi ye, a te do miẹn wẹ avbe otọe nii hia dihoi rua, ne ehia la ọrhiae rrie.

Jerimaia 9:12

Mẹ keghi nọ wẹẹ, “Nọyaẹnmwa, vbọzẹ ne a na rẹnkhẹn ẹvbo ni uan, ne ọ na ghi wa ka zẹ vbe ato, sẹrriọ ne a i ghi na miẹn emwa ni la ẹe gberra. De ọmwa ne ọ mwẹ ẹwaẹn sẹ ne ọ gha sẹtin rẹn otọ ọnọna? De ọmwa ne u rhan otọ ẹre ma, ne irẹn sẹtin ta ẹe ma emwa ọvbehe?”

Levitikọs 26:31

I gha ya ẹvbo uwa hia khian ni rẹnkhẹn uan, I gha guọghọ ehe ne uwa na ga. I ghi vbe he ese ne uwa zọre.

Zẹfanaia 2:5

Ọghe uwa fo nẹ, ivbi e Filistin, avbe uwa ni yin eghute. E Nọyaẹnmwa bu ohiẹn gbe uwa nẹ. Te ọ ra fuẹn uwa a, ọkpa i ra vbe kẹe vbe uwu uwa.

Zẹkaraia 7:14

I keghi kpolo iran gha rrie zẹ vbe ẹhoho ne iran ya gha rre ẹvbo ẹrrẹe. A keghi sẹ otọe esiesi na rae vbe ihoi vbe ne ọmwarhọkpa i na rrọ.”

Matiu 23:38

Banbanna nian, ẹvbo ruẹ khian evba he!

I Kọrinti 10:11

Emwi na hia sunu ne a ya rhie igie emwi ne emwa ọvbehe, a keghi gbẹnnẹ ọẹn ye otọ zẹ vbe ne a ya bu ima ude. Rhunmwuda, ẹghẹ ima keghi re ẹghẹ ne ufomwẹ na sẹ otọ fo nẹ.

I Kọrinti 10:6

Igie emwi ọre a ye avbe emwi na hia rhie ne ima, na a ya yan ma ima ne ima ghẹ gha gualọ emwi dan zẹ vbene iran ru.

Jọsua 23:4

Wa danmwehọ, I ghae avbe ẹvbo ni ghi dekẹe ne avbe ẹwae uwa nẹ ne ọ gha re ọghe uwa, erriọ vbe nọ ne avbe ẹvbo ne I munọ ẹn ke Ẹzẹ Jọdan vbe odẹ ahọ kpao ya sẹ Okun Meditẹrrenian vbe odẹ orrie.