Zẹfanaia 3:5 - Edo Bible (E Baibol Ẹdo) Version 1996

⁵ Sokpan, e Nọyaẹnmwa ye rre ore ẹvbo, emwi ne ọ gbae ọ re ọ ru, ẹ i vbe zẹdẹ ru emwi ne ọ ma gba. Rẹn i ba ẹe ku vbe owiowiẹ ne ọ ya ru enọkhẹke ne emwa rẹn. Sevba, emwa ne ẹ i re emwata ni rre evba ghi ye gha ru emwi ne ọ ma gba khian vbene ekhue i na mu iran.

Zẹfanaia 3:5 ပူးပေါင်းရင်းမြစ်များ

Gẹnẹsis 18:25

Vbe na i na gbe awẹawẹ u i ra gbe ni ma rukhọ ba eni rukhọ. Ọnii i gia ru wẹ i sẹtin ru vberriọ. Ẹghẹ nii, a ghi rri eni ma rukhọ oya zẹ vbe eni rukhọ. Ọnii i gia ru, enọbuohiẹn otọ agbọn hia, te ọ gha ru emwi nọkere.”

Job 34:10

“Wa danmwehọ mwẹ, wa ni rẹn otọ emwi, Osanobua ne Udazi gha ru emwi ne ọ ma gba ra?

Job 7:18

Owiẹ owiẹ u ya rhuan ẹnrẹn ghe, u ghi vbe gha danmwẹ ọẹn kugbakẹghẹrẹ.

Job 8:3

Osanobua i bu eku, ẹ i mwẹ ọ ma ru vbene ọ kei yi.

Psalm 145:17

Ọmwata ọ re Nọyaẹnmwa khin vbe emwi ne ọ ru hia, ọ vuọn ne itohan vbe iwinna rẹn hia.

Psalm 37:6

Ọ gha vbe ya ẹmwata ruẹ wan uwanmwẹ zẹvbe owẹn oghọghọ.

Psalm 92:15

Ọna rhiema wẹẹ ọmwata ọre Nọyaẹnmwa khin kevbe wẹ abakuru i vbe rre obọ ọmwa ne ọ gbe aro ghe mwẹ.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 28:19

Ọ gha kinmwi uwa yan egbe yan egbe owiẹ owiẹ, wa ghi vba ẹre vbe egbe ke avan kevbe asọn. Dọmwadẹ uhunmwu ọgbọn ne Osanobua gie rre, ọ re ọ gha vbe gha si ugborrirri ọgbọn rre.

Aizaia 33:2

E Nọyaẹnmwa, tohan mwa. Wẹ ọ re ima mu ẹtin yan. Gha degue mwa ẹdẹgbegbe, ne u vbe miẹn ima fan vbe ẹghẹ ibaro.

Aizaia 45:21

Wa larre, wa do ta ne unu uwa vbe iko, wa tama iran ne a gu ẹzọ ne iran mu iro vba egbe. Gha ọ ta emwi ne ọ gha he kue sunu yotọ ke ẹkpo nii gha dee? Ẹre mẹ ne Nọyaẹnmwa nọ, mẹ ne Osanobua ne ọ miẹn emwa rẹn fan? Osa ọvbehe i rrọọ.

Aizaia 50:4

E Nọyaẹnmwa ne Udazi tama mwẹ ẹmwẹ ne I gha ta nẹ, ne I miẹn ehe na rhie ẹtin ne ne egbe wọre. Owiẹ owiẹ ọ re ọ ya gie ẹe gha bọbọmwẹ egbe ne I họn ẹmwẹ ne ọ gha ma mwẹ re.

Jerimaia 3:3

Ọnii ọ re ọ sii ẹe ne a na wẹ ne amẹ ghẹ rhọ, ne amẹ ahọ orhọ ma na ghi rhọ. Te uwe wa yevbe ebabotu, ekhue i vbe mu ẹẹn.

Jerimaia 6:15

Te ekhue ghi mu iran ra rhunmwuda ẹkẹkhẹrhẹ ne iran ru? Hiehiere, ekhue ma zẹdẹ mu iran. Iran ma rẹn vbene emwi gbe ọmwa egbe hẹ. Rhunmwuda ọnii, iran gha dele, zẹ vbene emwa ọvbehe ka vbe dele yi evba nii ọ re ọ ghi ra gha re ufomwẹ iran. Mẹ ne Nọyaẹnmwa taa ẹe nẹ.”

Jerimaia 8:12

Wa ne emwa mwẹ, ekhue mu uwa yọ ra vbe uwa ru ẹkẹkhẹrhẹ na? Hiehiere! Ekhue ma zẹdẹ mu uwa. Wa ma kue rẹn vbene emwi gbe ọmwa egbe hẹ. Rhunmwuda ọnii, wa gha dele zẹ vbene emwa nekpa vbe dele. I gha rri uwa oya, ọnii ọ re ọ khian gha re ufomwẹ uwa. Mẹ ne Nọyaẹnmwa taa ẹe nẹ.

Eve Orriara 3:23

ọ ye rọkhọọ vbe owiẹ, ọ keghi vbe re ne ẹ i baku zẹvbe ne owẹn yanrre.

Ezikiẹl 18:25

“Sokpan wa keghi kha wẹẹ, ‘Emwi ne Nọyaẹnmwa ne Udazi ru ma khuia.’ Wa danmwehọ mwẹ, wa ne ivbi Izrẹl, wa ro wẹ odẹ ne I ru emwi la ma khuia.

Ezikiẹl 48:35

Utanmwẹ ekẹn nii hia vbe igienenẹ ọghe ore ẹvbo nii keghi re ibata eha iyenẹ yan arriaisẹn igbe (10,080). Eni ne a ghi ra gha tie ore ẹvbo nii ke ẹghẹ na kpao keghi re, “E Nọyaẹnmwa Rre Emwa Na.”

Hozia 14:9

Te emwa ne ẹwaẹn gba na gha rẹn otọ ẹmwẹ ne a gbẹnnẹ ye emwana, ọ ghi vbe la iran ekhọe. Odẹ ne ọ kere ọ re odẹ e Nọyaẹnmwa khin, evba nii ọ re emwa ẹmwata vbe la khian vbe ẹdagbọn iran. Sokpan, emwa orukhọ rrua owẹ, iran keghi dele rhunmwuda, iran ma ka ẹe yọ.

Hozia 6:5

Ọnii ọ si ẹe ne I na gie avbe akhasẹ mwẹ bu uwa gha dee, ne iran do gu uwa guan vbekpa ibuohiẹn kevbe ọfuan. I ma vbe rhie emwi ne I ho vbe obọ uwa lẹre, te I wa taa ẹe ladian gboo.

Maika 3:11

Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Maika 7:9

Ma ru orukhọ ghe Nọyaẹnmwa nẹ, rhunmwuda ọnii, te ọ kere ne ima ziengbe ohu ẹre vbe omwa ẹghẹ eso, sokpan, vbe okiekie, ọ gha mu ẹzọ ima gui, ọ ghi kpe ima oya emwi ne a ya ru ima khọ ua.

Habakọk 1:3

Vbe u a ghi na gunmwẹ miẹn ọlọghọmwa vbenian hẹ yi? Vbe uwẹ ra sẹtin ziengbe gha ghe amaruẹse vberriọ hẹ yi? Omurhia kevbe uyinmwẹ ọkpankpan lẹga mwẹ; igbinna kevbe ẹzọ wa vbe rre ehe hia.

Zẹfanaia 2:1

Ẹvbo ne ekhue i mu, wa gie aro hian uwa vbe uhunmwu nian,

Zẹfanaia 3:13

Ivbi Izrẹl ni miẹn uhunmwu vbọ i fu ọmwa, iran i ra tọlọ ọmwa, iran i ra ta ohoghe ra ne iran mu ọmwa rẹrẹ. Agbọn gha ma iran, ẹkun gha vbe sẹ iran otọ vbene iran i na mu ohan ọmwa ikọmwa.”

Zẹfanaia 3:15

E Nọyaẹnmwa dobọ oya ne a rriọ ẹre yii nẹ, Ọ viọ avbe eghian ruẹn hia kpaa. E Nọyaẹnmwa ne ọba Izrẹl guẹ rrọọ, emwi ne u gha gu gha mu ohan i ghi rrọ nian.

Zẹfanaia 3:17

E Nọyaẹnmwa ne Osanobua mwẹ rrọ yaba ruẹ, ẹtin ẹnrẹn ọ re ọ rhie akhọnmiotọ nuẹn. Ẹko ruẹ gha rhiẹnrhiẹn e Nọyaẹnmwa kevbe uwu aho ẹmwẹ ọmwa ẹnrẹn, ọ gha rhie arrọ agbọn ne uẹn. Ọ gha so ihuan, ọyẹnmwẹ ruẹn ghi vbe gha sẹ ọe.

Zẹkaraia 2:5

E Nọyaẹnmwa tobọ ẹre tae nẹ wẹ te irẹn ra gha re ekẹn erhẹn lẹga ẹvbo nii ne irẹn gha degue ẹre, kevbe wẹ tẹ irẹn ra gha rre evba ke irẹn kevbe uyi irẹn hia.”

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Iyẹn ne ọ Maan Ọghe Luk 12:2

Emwi hia ne a gue ginna otọ, a gha we ẹre rua, emwi ẹkhokho hia gha dinna azagba.

Ebe ne Pọl gbẹẹn gie emwa Rom 2:5

Sokpan ẹkoko udu ne ọ ze kevbe ne ọ wo vbe egbe ọre u mwẹ. Rhunmwuda ọnii te u yae kpọlọ yọ ighẹ oya ne a gha rriọ re vbe ẹdẹnẹdẹrriọ ne izohu Osanobua kevbe ihuohiẹn emwata ẹre gha rhie egbe maa.

Ebe ne Pọl gbẹẹn gie emwa Rom 3:26

Sokpan banbanna nian, vbe ẹghẹ ne a ghi ye na, ọ rhuan orukhọ emwa ne agbọn ghe, ne ọ miẹn ehe na rhie maa iran ighẹ rẹn ya emwa khian emwata vbe odaro irẹn. Odẹ vbe nian ọre Osanobua ya rhie maa ighẹ ọmwata ọre irẹn tobọ ẹre khin, kevbe wẹ ọmwaikọmwa ne ọ mu ẹtin yan Jesu, te irẹn ya ẹe khian ọmwata.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

Diuteronomi 23:14

Wa gie agọ ọghe uwa gha re ne awua i ye rhunmwuda e Nọyaẹnmwa Osanobua uwa deba uwa rre agọ, ne ọ gha degue uwa kevbe ne ọ rhie akhọnmiotọ ne uwa vbe uhunmwu eghian uwa. Wa ghẹ ru emwi ohọhọ ne ọ gha ya e Nọyaẹnmwa fi iyeke gbe uwa.

Diuteronomi 32:4

“E Nọyaẹnmwa ọrọre ne ọ khọn ne uẹn nọ wegbe, nọgbae kevbe ẹmwata vbe odẹ ọ re hia; ọmwata kevbe ne ọ ta uhunmwu ẹmwẹ ẹre Osanobua rua khin; emwi ne ọ kere kene ọ maa ọ re ọ ru.

I Pita 1:17

Wa gha na erhunmwu ghe Osanobua, erha ọre uwa tie ẹre re, ọmwa ne ọ ya omwa ọkpa bu ohiẹn emwa hia zẹ vbe iwinna ne dọmwadẹ ọghọe winnaẹn, rhunmwuda ọnii khekherriọ, ẹghẹ ne uwa ghi mwẹ vbe agbọn vbe emwa na, wa ya ẹe gha go wan rẹn.