Zẹfanaia 3:19 - Edo Bible (E Baibol Ẹdo) Version 1996

¹⁹ Ẹghẹ dee! I gha rri iran ni wọ uwa uhunmwu oya; I gha fannọ iran ne arọe ye otọ I ghi viọ iran ni rre iwe gha die owa, I gha ya ekhue iran khian uyi agbọn na hia ghi gha tian iran.

Zẹfanaia 3:19 ပူးပေါင်းရင်းမြစ်များ

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Aizaia 33:1

Ọghe avbe eghian mwa fo nẹ! Iran rhare, iran rhie emwa maa, a gha rhe miẹn wẹ ọmwa rhọkpa ma rha iran ra ne a rhie iran maa sokpan, ẹghẹ ne iran ya rha, ke ne iran ya rhie ọmwa maa gha sẹ ufomwẹ, iran tobọ iran ghi do khian ne a ghi rha ke ne a ghi siuma rẹn.

Aizaia 60:14

Ivbi avbe emwa ni te gha wọ ruẹ uhunmwu gha rre. Iran ghi ya uhunmwu rhanmwẹ otọ ya ọghọ nuẹn. Avbe iran ni te ka gha giọ yi. Gha do ga vbe akharha ruẹ. Iran gha tie ruẹ ‘Ore nọkhua ọghe Nọyaẹnmwa,’ ‘E Zaiọn ne Ore Nọkhua ọghe Osanobua Nọhuanrẹn Izrẹl.’

Aizaia 60:18

A i ghi họn ẹmwẹ ọkhọ vbọ ọvbehe, ọfuan i ghi ra dọlegbe rhia ẹvbo ruẹ ua I gha degue ruẹ I ghi vbe gbinna nuẹn zẹ vbe ekẹn ne a gbe lẹga ẹvbo. Wẹ gha rho mwẹ rhunmwuda, I miẹn ruẹn fan nẹ.

Aizaia 61:7

Ekhue kevbe efaa ọghe uwa sẹ ufomwẹ. Otọe ọghe uwa ọ re uwa ghi ra gha ye a gha viọ ukhukhu eva ba ẹfe uwa oghọghọ uwa ghi gha rrọọ ẹdẹdẹmwẹdẹ.

Aizaia 62:7

Iran i ra gie ẹe hẹwẹ ọ te do rhie Jerusalẹm werriegbe ye ihe ẹre. Ne ọ ya ẹe khian okpẹvbo ne otọ agbọn hia go wan.

Jerimaia 30:16

Sokpan, ebannian, a gha gbele iran re ighẹ, iran ni te gbe uwa re, a gha vbe munọ avbe eghian uwa gha rrie zẹ vbe oghunmwu. A gha wọ iran uhunmwu ighe iran ni wọọ uwa uhunmwu, iran ni fu uwa emwi viọ, a gha fu iran emwi viọ.

Jerimaia 30:19

Emwa ni rre evba gha so ihuan urhomwẹ iran, gha we ne oghọghọ. Rhunmwuda, afiangbe mwẹ, iran gha muan yọ afiangbe mwẹ gha mu ọghọ ye iran egbe.

Jerimaia 31:8

I gha viọ ke odẹ okuọ gha dee, I ghi vbe si iran koko ke ufomwẹ agbọn gha dee, avbe arhuaro kevbe avbe arọe gha lele iran rre, ikhuo ni hanmwa kevbe iran ni gha ra biẹ iran gha werriegbe rre, uhunmwu ẹvbo nọkhua.

Jerimaia 33:9

E Jerusalẹm ghi do gha re ne ọ ya ọyẹnmwẹ sẹ mwẹ, ne ọ mwẹ uyi, kevbe ne ọ ghan, ohan gha mu avbe uhunmwu ẹvbo hia ni rre agbọn na iran ghi vbe gha guọ vbe iran a họn emwi ni maa ne I ru ne Jerusalẹm, kevbe ọmaa ne agbọn ne I viọ la ẹvbo nii.”

Jerimaia 46:28

I gha bu uwa rre, I ghi do miẹn uwa fan I gha fuẹn ehia a ighe avbe ẹvbo ne I zagha uwa kui, sokpan, mẹ i ra fuẹn uwa a. Mẹ i ra sẹ uwa rae vbe ne a i na rri uwa oya hiehiere, sokpan, I gha rrie uwa oya, I gha ru ẹe vbe ne ọ kei yi. Mẹ ne Nọyaẹnmwa guaan nẹ.”

Ezikiẹl 16:27

“Banbanna nian, I tọn obọ mwẹ mu nẹ ne I ya rri uwẹ oya, kevbe ne I miẹn ruẹn afiangbe mwẹ ne ọ te sẹ uẹ obọ. I rhie ruẹ yan avbe Filistin obọ nẹ, emwa ni wa khuiwu ruẹ kevbe ne uyinmwẹ ukẹkẹmwẹ ne u yin wa sọnnọ.

Ezikiẹl 16:57

Vbe ẹghẹ nii ne a ma na he fannọ ọn uhe ua. Banbanna nian, okpa wẹ vbe ọre ghi gba khin, emwi ne iran ta giẹ ighẹ ivbi Idom, ivbi Filistin, kevbe ẹdogbo ruẹ nekpa ne ohu ruẹ mu.

Ezikiẹl 34:16

“I gha gualọ ni wiri vbọ, I ghi viọ iran ni bibi odẹ vbọ werriegbe rre, I gha gbalọ ẹwẹn iran ni kuan egbe vbọ, I ghi vbe sinmwi iran ni khuọnmwi, sokpan, I gha fuẹn ni ti ye egbe kevbe ni wegbe vbọ hin rre, rhunmwuda, ọsuohuan ne ọ ru emwi ne ọ gbae mẹ khin.

Ezikiẹl 39:13

Emwa ni rre otọe nii hia gha ru iyobọ vbe uwu ẹghẹ ne a ya re iran. A gha vbe rhunmwuda ọnii ya ọghọ ne iran vbe ẹdẹ ne I ra khọnmiotọ na. Mẹ ne Nọyaẹnmwa ne Udazi ọ re ọ ta ẹe.

Ezikiẹl 39:26

Iran ghẹ ghi dọlegbe gha rre otọe iran nẹ vbe ne a i na fian afianma, vbe ne a i ghi na miẹn ọmwa ne ọ kpokpo iran orhiọn, iran gha sẹtin mian mian vbene a fa iran an hẹ vbe iran ya mwẹ maa.

Maika 7:10

Ẹghẹ nii, avbe eghian mwa gha miẹn ọẹn, efaa ghi rruan avbe eghian nii ni ye ima gbe ogie wẹẹ, “E Nọyaẹnmwa ne Osanobua uwa vboo?” Aro mwa gha sẹ ọe vbe a gha khọn miẹn iran otọ, a gha ya owẹ rrilo iran mu otọ zẹ vbe ọrho vbe adesẹ ore.

Zẹfanaia 3:15

E Nọyaẹnmwa dobọ oya ne a rriọ ẹre yii nẹ, Ọ viọ avbe eghian ruẹn hia kpaa. E Nọyaẹnmwa ne ọba Izrẹl guẹ rrọọ, emwi ne u gha gu gha mu ohan i ghi rrọ nian.

Zẹkaraia 8:23

Ọ gha sẹ ẹghẹ ne a kha na, erhunmwuyẹn igbe gha bu ovbi e Ju ọkpa rre, iran ghi tama rẹn wẹẹ, ‘Ma ho ne ima vbe ghae vbe uhunmwu ne ọ maa ọghe uwa rhunmwuda ma họẹn ighe Osanobua rrọọ yaba uwa.’ ”

Diuteronomi 26:19

Ọ ghi gie uwa kpọlọ sẹ avbe agbọn ẹvbo hia ne irẹn he yi. Wa ghi gha re emwa nihuanrẹn ọghe ọe, wa ghi gha rhie urhomwẹ kevbe uyi gie eni ẹnrẹn. Wa ghi gha re emwa irẹn, zẹẹ vbe ne irẹn yanrẹn.”

Hibru 12:13

Wa gha la odẹ ne ọ diae khian, ne owẹ arọe nii ghẹ wa khian ne ẹ i ghi mwẹ vbe ọ gie a ya ru sokpan, ne ọ khian ne a mu ẹre egbe rran.

Arhie Maan 20:9

Iran gha egbe gba otọ agbọn hia, iran ke ghae ga agọ emwa Osanobua kevbe ẹvbo ni ne irẹn ho ẹmwẹ ọnrẹn, sokpan, erhẹn ke ẹrinmwi rre, ọ na fuẹn iran uan.

Giọgis 1:7

Adonibẹzẹk keghi kha wẹẹ, “Ọba ekigbesiyenẹ ne a giagia ẹre ikpinhianbọ nogie kevbe ikpinhianwẹ nogie kua ọre ọ rhọ iku evbare re vbe ototọ eteburu mwẹ. Te Osanobua vbe ru imẹ emwi ne I ru iran ẹre.” Iran na mu ẹẹn gha rrie Jerusalẹm, odọ nii ọ re ọ ghi na wu.