Zẹfanaia 3:17 - Edo Bible (E Baibol Ẹdo) Version 1996

¹⁷ E Nọyaẹnmwa ne Osanobua mwẹ rrọ yaba ruẹ, ẹtin ẹnrẹn ọ re ọ rhie akhọnmiotọ nuẹn. Ẹko ruẹ gha rhiẹnrhiẹn e Nọyaẹnmwa kevbe uwu aho ẹmwẹ ọmwa ẹnrẹn, ọ gha rhie arrọ agbọn ne uẹn. Ọ gha so ihuan, ọyẹnmwẹ ruẹn ghi vbe gha sẹ ọe.

Zẹfanaia 3:17 ပူးပေါင်းရင်းမြစ်များ

Gẹnẹsis 1:31

Osanobua keghi ghe emwi hia ne irẹn yi, ẹko ke sẹ ọre ọyẹnmwẹ ẹsẹse. Ẹdẹ ghi gbe ẹdẹ keghi mu, ọnii na gha re ikpẹdẹ ne ogiehan.

Gẹnẹsis 17:1

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

Gẹnẹsis 18:14

Emwi ọkpa rrọ ne ọ lọghọ ne Nọyaẹnmwa ra? Vbe ẹghẹ ne ọ ke yi, vbe uki ihinrin ne ọ dee, I gha dọlegbe bu ruẹ rre, e Sera gha biẹ ọmọ okpia.”

Gẹnẹsis 2:2

Vbe ikpẹdẹ ne ogihinrọn, Osanobua keghi winna iwinna ne ọ gha winna hia fo, ọ keghi dobọ iwinna yi.

Psalm 147:11

Sokpan iran ni ya ọghọ ne ẹẹn ọ re ọ ye ẹko rhiẹnrhiẹn ọẹn iran ni mu ẹtin van aho ẹmwẹ ọmwa rẹn ne ẹ i beghe.

Psalm 149:4

E Nọyaẹnmwa sẹ ọyẹnmwẹ ye ẹmwẹ emwa irẹn, ọ ye akhọnmiotọ ye ọghọ ne emwa irẹn ni mu egbe rriotọ.

Psalm 78:65

Vbe okiekie e Nọyaẹnmwa keghi rhiọrre vbe ne a miẹn wẹ te ọ te vbiẹ, ọ keghi yevbe okpia ne ọ wegbe ne ọ ya ayọn fian ọghae ye uhunmwu.

Aizaia 12:2

Osanobua ọrọre ọmiọnmwafan mwẹ I gha mu ẹtin yan rẹn, I i ghi vbe fian afianma. E Nọyaẹnmwa rhie ẹtin kevbe iwegbe mẹ rẹn ọrọre ọmiọnmwafan mwẹ.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 18:4

E Nọyaẹnmwa tama mwẹ wẹẹ, “I gha hẹko gbaro ghe otọ ke ẹrinmwi rre zẹ vbene evbu ya si koko vbe asọn vbe ẹghẹ emwiorhọ nọ mwẹ ọghae kherhekherhe kevbe zẹ vbene ovẹn gbe ẹkun sotọ yunmwu vbe ẹghẹ ogiavan.

Aizaia 63:1

“Gha ọna khin ne ọ ke Bozra ne Idọm de yi? Gha ọna khin ne ọ ya ododo han yi, ne ọ ze owẹ kẹe kevbe ẹtin deba iwegbe?” “E Nọyaẹnmwa nọ, ọmwa ne ọ mwẹ ẹtin ne ọ ya miẹn ọmwa fan, ọ ra do kha vbene irẹn khọnmiotọ hẹ.”

Aizaia 63:12

De ehe ne Nọyaẹnmwa ghi ye na yi, ọmwa ne ọ ya ẹtin ẹnrẹn la obọ e Mosis winna iwinna nọkhua, ọ keghi wannọ amẹ okun ye ihe eva, ọ na viọ emwa rẹn la uwu odin amẹ nii gberra, ne ọ ya hin usi ẹdẹdẹmwẹdẹ.” Rhunmwuda ne Nọyaẹnmwa na viọ iran khian, okhian ke wa gha kẹ iran zẹ vbe ẹsin oha, iran ma vbe rrua owẹ uhukpa.

Aizaia 65:19

Oghọghọ gha vuọn imẹ tobọmwẹ ẹko rhunmwuda e Jerusalẹm kevbe avbe emwa ni rrọọ. Eve i ra gha rre evba, bu mwẹ rre, bu mwẹ rre i ra vbe gha rrọọ.

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Jerimaia 32:41

I gha wa ye ọyẹnmwẹ gha ru emwi esi ne iran. I ghi vbe gbe iran ẹkun sotọ ẹdẹdẹmwẹdẹ vbe otọe na.

Hozia 14:4

E Nọyaẹnmwa khare wẹẹ, “I gha dọlegbe si emwa mwẹ kẹ egbe. I gha ya ekhọe mwẹ hia hoẹmwẹ iran, ohu iran i ghi mu mwẹ ọvbehe.

Joẹl 2:21

“Wa ne oha, wa ghẹ mu ohan, sokpan, wa gie ẹko gha sẹ uwa ọyẹnmwẹ rhunmwuda emwi hia ne Nọyaẹnmwa ru ne uwa.

Zẹfanaia 3:15

E Nọyaẹnmwa dobọ oya ne a rriọ ẹre yii nẹ, Ọ viọ avbe eghian ruẹn hia kpaa. E Nọyaẹnmwa ne ọba Izrẹl guẹ rrọọ, emwi ne u gha gu gha mu ohan i ghi rrọ nian.

Zẹfanaia 3:5

Sokpan, e Nọyaẹnmwa ye rre ore ẹvbo, emwi ne ọ gbae ọ re ọ ru, ẹ i vbe zẹdẹ ru emwi ne ọ ma gba. Rẹn i ba ẹe ku vbe owiowiẹ ne ọ ya ru enọkhẹke ne emwa rẹn. Sevba, emwa ne ẹ i re emwata ni rre evba ghi ye gha ru emwi ne ọ ma gba khian vbene ekhue i na mu iran.

Nọmbas 14:8

A deghẹ ẹko Nọyaẹnmwa rhiẹnrhiẹn ghe mwa, ọ gha viọ ima gha rrie evba, ọ ghi mu otọ ne ẹfe vuọn kevbe ne ọ maa emwi okọ nii ne ima.

Iyẹn ne ọ Maan Ọghe Luk 15:32

Sokpan ọ kere ne ima gha re ne a gha ghọghọ, rhunmwuda ọtuẹn na te wu, sokpan, ọ rre agbọn nian, ọ te wii, sokpan a dọlọ miẹn ọẹn.’ ”

Iyẹn ne ọ Maan Ọghe Jọn 13:1

A ghi tie ẹre akhuẹ ọrọre Emwiukpo Alagberra, Jesu rẹn nẹ wẹ ẹghẹ sẹe nẹ ne irẹn gha ya kpao vbe agbọn na ne ọ bu Evbavba gha khian. Ọ kakabọ ho ẹmwẹ iran ni re ọghọe vbe agbọn na, te ọ wa ho ẹmwẹ iran ya sẹ ufomwẹ.

Iyẹn ne ọ Maan Ọghe Jọn 15:11

“Te I ta ẹmwẹ na ma uwa ne ọyẹnmwẹ mwẹ miẹn ehe na gha rre uwu uwa kevbe ne ọyẹnmwẹ ne ọ rre uwu uwa gha re ne ọ sẹ otọ ẹko.

Diuteronomi 23:15

“A deghẹ ọviẹn lẹ fe vbe obọ ọmwa ne ọ yan rẹn, ọ na do lẹ gbinna an, ghẹ khu ẹe werriegbe.

Diuteronomi 30:9

E Nọyaẹnmwa gha gie emwi ne uwa ru hia gha dinna odẹ, wa gha mwẹ emọ ni bun kevbe avbe ẹmila ni bun, ugbo uwa ghi gha mọ emwiokọ ni bun ẹsẹse. Ẹko gha rhiẹnrhiẹn ọẹn ne ọ gie uwa gha ma an zẹ vbene ẹko rhiẹnrhiẹn ọẹn gie agbọn ma erha uwa odede.

Hibru 7:25

Rhunmwuda ọnii, te irẹn ghi sẹtin miẹn emwa ni la obọ ẹre bu Osanobua gha dee fan, vbe ẹghẹ na, kevbe ẹghẹ hia, rhunmwuda, rẹn wa rre agbọn ẹdẹdẹmwẹdẹ, ne ọ gha rinmwian ne iran.