Zẹfanaia 3:12 - Edo Bible (E Baibol Ẹdo) Version 1996

¹² I gha sẹ avbe ọmẹhẹ ni mu egberriotọ rae ye evba, iran na ọ re ọ gha do gha nọ iyobọ vbe obọ mwẹ.

Zẹfanaia 3:12 ပူးပေါင်းရင်းမြစ်များ

Ẹzra 9:8

Wanwanna nian e Nọyaẹnmwa, Osanobua mwa, vbe ẹghẹ kherhe, u keghi tohan mwa, u keghi gie eso vbe uwu ima lẹ fe, ma keghi la hin ọviẹn ọmwa rre ne ima do gha rrọọ vbe a i mwẹ ẹbe vbe otọe ne ọ huanrẹn na. U gie ima lahin ọviẹn rre, u na rhie arrọọ ọgbọn ne ima.

Psalm 37:40

Ọ yi iran obọ, ọ ghi vbe miẹn iran fan ọ miẹn iran fan vbe obọ emwa dan rhunmwuda, rẹn ọ re iran lẹ gbinna.

Aizaia 14:30

E Nọyaẹnmwa gha ru ọsuohuan avbe emwa rẹn ne ivbiogue, ọ ghi vbe gie iran gha rrọọ vbe a i mwẹ ẹbe. Sokpan, ọ gha gie ukhunmwu nọkhua gie uwa ne ivbi e Filistin, ẹ i ra vbe sẹ okpa rae ye agbọn vbe uwu uwa.

Aizaia 14:32

Vbe ima ra ya wanniẹn ọre ẹmwẹ hẹ yi ighe ọmwa ne iran gie ẹre uhunmwu ke Filistia gie ima? Ma gha tama rẹn wẹ e Nọyaẹnmwa gbe Zaiọn ẹkun sotọ nẹ kevbe wẹ emwa rẹn ni sẹ usẹ gha di evba ya vbe a i mwẹ ebe.

Aizaia 29:19

Avbe ivbiogue kevbe avbe emwa ni mu egberriotọ gha vbe dọlegbe miẹn ọyẹnmwẹ ne Nọyaẹnmwa ne ọmwa nọhuanrẹn Izrẹl rhie ne ọmwa.

Aizaia 50:10

Wa hia ni ya ọghọ ne Nọyaẹnmwa ni vbe ya ẹmwẹ avbe eguọmwadia ẹre ru emwi, odẹ ne uwa la khian sẹtin wa gele so ebiebi sokpan wa ya egbe yan e Nọyaẹnmwa, wa mu ẹtin uwa yan Osanobua uwa.

Aizaia 6:13

Gia kha wẹ arhiọnkpa kẹkan miẹn uhunmwu vbe uwu arhin igbe vbe otọe nii, te a ra ye vbe fuẹn irẹn uan, ọ ghi yevbe ut ukhunmwu erhan okan ne a tọn gbe otọ nẹ.” (Ut ukhunmwu ni mudia ye omuhẹn ọgbọn ne emwa Osanobua.)

Jerimaia 17:7

“Sokpan mẹ gha fiangbe ọmwa ne ọ mu ẹtin ẹnrẹn yan mwẹ.

Jerimaia 50:20

Ọ gha sẹ ẹghẹ nii, a i ghi ra miẹn orukhọ vbe Izrẹl, ra uyinmwẹ dan vbe Juda rhunmwuda, I gha ya orukhọ bọ avbe emwa ni fi yi vbọ. Mẹ ne Nọyaẹnmwa taa ẹe nẹ.”

Ezikiẹl 6:8

“I gha gie eso vbọ lẹ ugbemwẹ na fe, ne a zagha iran gba avbe uhunmwu ẹvbo hia,

Maika 5:6

Iran gha ya emwi igbinna khọn Asiria mu otọ, otọe nii ne ọ re ọghe Nimrọd, iran gha vbe fannọ ima ye otọ vbe obọ ivbi Asiria vbe iran a mu okuo la otọe ẹvbo mwa.

Nahum 1:7

E Nọyaẹnmwa wa maa ọ degue avbe emwa rẹn vbe ẹghẹ ibaro; ọ gbe aro ghe iran ni lẹ bu ẹre rre.

Zẹkaraia 11:11

Ẹdẹrriọ ọ re a soo nene ile gọ. Iran ni dele, kevbe ni vbe khiẹnnẹ nene ohuan kegha ghe mwẹ, iran keghi vbe rẹn wẹ, te Nọyaẹnmwa ye emwi ne I ru na gie uhunmwu gie emwa.

Zẹkaraia 11:7

Iran ni dẹlẹe kevbe ni vbe khiẹnnẹ avbe ohuan na, keghi rhie mwẹ vbe iwinna, mẹ keghi khian Ọsuohuan avbe ohuan ne a ra ya gbele ua. I keghi viọ ọkpọ eva mwẹ obọ, I keghi tie ọkpa vbọ “Aro ne ọ maa” kevbe nọkpa “Akugbe.” I na gha gbearoghe avbe oghẹn ohuan nii.

Matiu 11:5

Avbe arhu aro bẹghe odẹ, avbe uke khiaẹn, a khue avbe ekhọnmwoti huan, avbe ayin ehọ họn ẹmwẹ, a huẹn avbe ni wulo kpaegbe, a kporhu Iyẹn Ne ọ maa ma avbe ivbiogue.

Matiu 12:21

ehe ne ọ ye ọre emwa hia gha na gha mwẹ idaehọ.”

Matiu 5:3

“Ọ maa ne iran ni rẹnrẹn ighe ivbiogue iran khin vbe orhiọn, iran ọre ọ yan Arriọba ẹrinmwi!

Ebe ne Pọl gbẹẹn gie emwa Rom 15:12

Deba ẹre Aizaia vbe ta ẹe wẹ, “Ọmọ ọkpa gha la uniẹn Jese rre. A gha tọn ẹn mu ne ọ gha khaemwisẹ ya iran ne ẹ i re Ju.”

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.

I Pita 1:21

ekpa ẹre ọre uwa na ya Osanobua yi, ọmwa ne ọ huẹn ọnrẹn kpao vbe orinmwi rre, ọ na rhie uyi nẹẹn, ọre a na miẹn wẹ, iyayi kevbe idaehọ uwa, Osanobua ọre a tua ẹre mu.