Zẹfanaia 2:5 - Edo Bible (E Baibol Ẹdo) Version 1996

⁵ Ọghe uwa fo nẹ, ivbi e Filistin, avbe uwa ni yin eghute. E Nọyaẹnmwa bu ohiẹn gbe uwa nẹ. Te ọ ra fuẹn uwa a, ọkpa i ra vbe kẹe vbe uwu uwa.

Zẹfanaia 2:5 ပူးပေါင်းရင်းမြစ်များ

Aizaia 14:29

Ivbi e Filistia, orhokhua ne ọ ya gbele uwa bunnọ, sokpan, emwi ne uwa gha ghọghọ yi i zẹdẹ rrọọ. Ẹyẹn okpa gha wu, ọvbehe ne ọ rhia sẹẹ ọre ghi rhie ihe ẹre. Ekẹn ẹyẹn ghi gbe Ugbogiorinmwi ne ọ tin ladian.

Aizaia 14:30

E Nọyaẹnmwa gha ru ọsuohuan avbe emwa rẹn ne ivbiogue, ọ ghi vbe gie iran gha rrọọ vbe a i mwẹ ẹbe. Sokpan, ọ gha gie ukhunmwu nọkhua gie uwa ne ivbi e Filistin, ẹ i ra vbe sẹ okpa rae ye agbọn vbe uwu uwa.

Jerimaia 47:7

Sokpan, vbe ọ ghi ra ya hẹwẹ hẹẹ, vbe I waa iwinna ne ẹẹn ne ọ winna? Mẹ Ọ re ọ tama rẹn ne ọ dekun Askẹlọn, kevbe avbe emwa ni rre eghute.”

Ezikiẹl 25:16

Rhunmwuda ọnii, te imẹ ghi ta ẹe na nian ighẹ I gha gu ivbi e Filistin gbinna, I ghi wa wabọ iran an. I gha fuẹn emwa hia ni ghi rre agbọn vbe Otọe ne ọ rriẹe ọghe Filistin.

Emọs 3:1

Wa ne ivbi Izrẹl, wa danmwehọ uhunmwu na ne Nọyaẹnmwa gie vbe ekpa uwa, emwa uhunmwu ẹvbo ni hia fẹẹrẹ ne Nọyaẹnmwa viọ ke Igipt gha dee:

Emọs 5:1

Wa ne ivbi Izrẹl wa danmwehọ ihuan orinmwi ne I ra so yan uwa:

Zẹfanaia 1:11

U gha họn ọnọna, gha go ne u vbe gha viẹ, wa ni rre odẹ iya vbe ẹvbo nii, rhunmwuda, emwa ni do ẹki hia ọ re ọ ra wulo.

Zẹfanaia 3:6

E Nọyaẹnmwa khare wẹẹ, “I ka gbe iyaẹvbo eso ogbefo yi. I dunmwu avbe okpẹvbo iran an, I keghi sẹ ekẹn iran kevbe owa ọkhẹ iran rae ye itowa. Emwa lẹ hin okpẹvbo iran rre, emwa i ghi rre ore iran, orhiọnkpa ma ke ẹe vbọ.

Zẹkaraia 1:6

Avbe eguọmwadia mwẹ i ghẹ avbe akhasẹ ọ re I giee ne a tama avbe erha uwa odede, emwi ne I ho ne iran ru kevbe emwi ne ọ gha he sunu, sokpan, iran ma zẹye rhọkpa, ọre obọ na vba iran. Ẹghẹ nii, iran keghi fi uyinmwẹ werriẹ, iran keghi do miẹnkue wẹ, mẹ ne Nọyaẹnmwa ne Osanobua ọ re ọ rri iran oya vbene ọ ma iran zẹ vbene I ta ẹe wẹ I gha ru ẹe.”

Iyẹn ne ọ Maan Ọghe Mak 12:12

Avbe ọkaolotu e Ju keghi te ho ne iran mu Jesu rhunmwuda iran rẹnrẹn ighẹ rhunmwuda iran ọre ọ na kpa itan na. Sokpan ohan emwa kegha mu iran, iran na rhunmwuda ọnii sọ rae, iran na gha rrie.

Jọsua 13:2

Ena keghi re: otọe Filistin hia kevbe otọe Gẹsiọ hia,

Jọsua 13:3

(do deba otọe Avim hia, gha rrie odẹ ekẹn otọe ne ọ ke ivbi ẹzẹ Sihọ kpao vbe ehe ne otọe Igipt Lae gha rrie odẹ okuọ ya sẹ ehe ne otọe Ẹkrọn lae, a keghi ka ena ba otọe Kenan; iran ni khaemwisẹ yan avbe Filistin kegha rre Gaza, Asdọd. Askẹlọn, e Gat kevbe Ẹkrọn.)

Giọgis 3:3

Iran ne a sẹrae kegha re ẹvbo Filistia isẹn, ivbi e Kenan hia e Saidọn, e Hivi ni rre uhunmwu Oke Lebanọn kevbe Oke Bal rhinrin ya sẹ Ada Hamat.

I Samuẹl 30:14

Ẹvbo Kẹrit ọ re ima na ya khọn kevbe odẹ ekẹn ọghe Juda kevbe otọe ẹwae Kelẹb, ma keghi giẹn e Ziklag sẹ otọ.”