Zẹfanaia 2:14 - Edo Bible (E Baibol Ẹdo) Version 1996

¹⁴ Ọ gha do khian ehe ne avbe oghẹn ohuan, oghẹn ẹmila kevbe avbe aranmwẹ ughughan hia gha na gha lovbiẹ. Esughusughu gha di itowa ẹre ya, iran ghi gha tu la avbe ewindo ẹre ladian. Ẹrekhue ghi gha tu vbe onurho. A gha bannọ erhan isida ni rre owa ẹre hin rre.

Zẹfanaia 2:14 ပူးပေါင်းရင်းမြစ်များ

Psalm 102:6

Te I ghi ye vbe ahianmwẹ oha vbe uwu ato, zẹ vbe esughusughu vbe itowa.

Aizaia 14:23

I gha ya e Babilọn khian otọe ne ọ gbe ẹvbi, avbe esughusughu ọ re ọ ghi gha rre evba. I gha ya owẹ ne ọ gha, kpolo emwi hia gha rrie, kpolo e Babilọn, Mẹ ne Nọyaẹnmwa ne Udazi ọ re ọ tae.”

Jerimaia 22:14

Ọwiri nọ ne ọmwa ne ọ khare wẹẹ, “I gha bọ owa ẹrẹkhẹrẹ ne egbe mwẹ ne ughugha gbadagbada rre odukhunmwu vbọ.” Rhunmwuda ọnii, ọ gia ewindo ye owa ẹre ọ ya isida yi ẹkhu yọ, ọ keghi ya ẹmu ne ọ baa rra ẹre.

Emọs 9:1

I keghi ya bẹghe vbe Nọyaẹnmwa mudia ke Ogiukpo. I keghi vbe họn vbe. Ọ taa ẹe wẹẹ, “Wa kinmwi odukhunmwu orrẹ ni rre Ọgua Osa ne obọ da ẹe sẹrriọ wẹ ne ẹyotọ ẹre mu rueghe. Wa bunnọ ehia kua, ne uwa gie iran dele gbe avbe emwa nii uhunmwu. I gha gbele iran ni dekẹe vbe uwu avbe emwa nii vbe okuo. Ọkpa ne ọ gha rrie i rrọ, ọkpa ne ọ gha miẹn uhunmwu i rrọ.

Zẹfanaia 2:6

Otọe uwa ni rre eghute gha khian oha kẹkan ne avbe ọsuohuan bọlọ eko yi kevbe ehe ne a viọ ohuan yi.

Arhie Maan 18:2

Ọ keghi ya urhu ne ọ la kha wẹẹ, “Ọ de guọghọ ua nẹ! Babilọn nọkhua de guọghọ ua, a vbe orhiọn dan kevbe orhiọn ni ma huan, ọre ọ ghi lọyan yo lọyan rre vbọ. Ahianmwẹ ni gbiruẹn kevbe ọ ghe izohu hia ọre ọ ghi rre uwu ẹre.