Zẹfanaia 2:10 - Edo Bible (E Baibol Ẹdo) Version 1996

¹⁰ Erriọ ọ re a ra ya rri iran oya ighẹ ivbi e Moab kevbe Amọn ba ẹmwẹ uhiomwẹ kevbe itengbemu iran, kevbe ne iran na gha tie ihen ne emwa e Nọyaẹnmwa ne Oghodua.

Zẹfanaia 2:10 ပူးပေါင်းရင်းမြစ်များ

I Krọnikol 16:21

Sokpan, Osanobua ma gie ọmwarhọkpa kpokpo iran, ne ọ ya tan ifuẹn ga iran, ọ yobọ sekhae ne avbe ọba wẹẹ:

Ẹksọdọs 10:3

Ẹre Mosis kevbe Errọn na bu ọba, iran ke tama rẹn wẹẹ, “Vbe nian ọre Nọyaẹnmwa ne Osanobua ivbi e Hibru khare, ‘De ẹghẹ ne uwa gha fieghe uhunmwu ye ẹmwẹ ne I khama uwa la? Gie emwa mwẹ kpao ne iran ya ga mwẹ.

Ẹksọdọs 9:17

Sevba te u ye hio ku emwa mwẹ, u ma gie iran kpao.

Aizaia 16:6

Ivbi e Juda khare wẹẹ, “Ma họn vbene ivbi e Moab hio hẹ, ma rẹnrẹn ighe iran tọn egbe mu, iran ghi gha ya obọ rra ẹwẹe, sokpan, orhuọ ne iran rhuọ, ifianyanegbe nọ.”

Jerimaia 12:14

E Nọyaẹnmwa khare wẹẹ, “I mwẹ ẹmwẹ ne I gha tama avbe ẹdogbo Izrẹl, emwa ni rhia rua a ighẹ otọ ne I mu ne ivbi Izrẹl, ne emwa mwẹ. I gha viọ emwa nii hin ẹvbo iran rre zẹ vbene a vbokho ovbi erhan, I ghi vbe miẹn e Juda fan vbe obọ iran.

Jerimaia 48:14

“Ivbi e Moab, vbe uwa na kha hẹ yi ighẹ ọkhae wa khin? Ivbiyokuo ni din, ne a danmwẹ ghe nẹ vbe okuo.

Jerimaia 48:29

E Moab hio gbe. I họn nẹ vbene iran hio hẹ, ne iran na vbe tọn egbe mu, iran ghi gha ye obọ rra ẹwẹe, ne iran na vbe kha i ghẹ a ma he miẹn egbe iran ẹdẹ.

Eve Orriara 1:9

Te a wa rherhe rẹn wẹ ọ ma huan sokpan, rẹn ma zẹ ye emwi ne ọ sunu vbe egbe irẹn. Udemwẹ ọnrẹn kegha re ne ọ mu ohan; ọmwa ne ọ gha sẹtin fu ẹre ẹko rre i rrọọ. Obọ avbe eghian gba ẹre nẹ, Te ọ ghi tu nọ itohan vbe obọ e Nọyaẹnmwa.

Ezikiẹl 25:6

“Vbenian ọre Nọyaẹnmwa ne Udazi khare: Wa kpee obọ, wa na san ghe ukhunmwu ne oghọghọ. Wa keghi zan otọe Izrẹl.

Daniẹl 4:37

“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”

Obedaia 1:11

Te u mudia gha ghe ughe vbe ẹdẹ ne avbe eghian guọghọ onurho iran kua. Te uwa wa vbe gha re emwa dan zẹ vbene avbe orhunmwuyẹn gha ye, iran ni fu ẹfe Jerusalẹm viọ gha rrie iran na ya gba ghaa ẹre.

Obedaia 1:3

Uhiomwẹ ruẹn ọ re ọ rẹrẹ ọ. Igiogbẹ ẹvbo ruẹ, ẹvbo ne a ya okuta ne ọ wegbe gbe odin ga nọ; owa ruẹ yo vbe uhunmwu oke nọkhua wẹ keghi rhunmwuda ọnii tama egbe ruẹ wẹẹ, ‘De ọmwa ne ọ gha sẹtin si mwẹ gbotọ?’

Zẹfanaia 2:8

E Nọyaẹnmwa ne Oghodua khare wẹẹ, “I họẹn vbe ivbi e Moab kevbe Amọn zan emwa mwẹ iran keghi vbe tie ihen ne iran, iran keghi vbe rhuọ wẹ iran gha miẹn iran otọ iran.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”