Zẹfanaia 2:1 - Edo Bible (E Baibol Ẹdo) Version 1996

¹ Ẹvbo ne ekhue i mu, wa gie aro hian uwa vbe uhunmwu nian,

Zẹfanaia 2:1 ပူးပေါင်းရင်းမြစ်များ

II Krọnikol 20:4

Emwa kegha ke dọmwadẹ ẹvbo ni rre Juda yo e Jerusalẹm ne iran ya gha nọ e Nọyaẹnmwa vbene iran gha ru emwi hẹ.

Nehimaia 8:1

Vbe ọ ghi te sẹ uki ne ogihinrọn, ivbi Izrẹl hia keghi gbe ẹkun sotọ vbe ẹvbo edọmwadẹ ọghọe. vbe uki ne okaro ọghe, uki ni, iran hia ke do si egbe koko vbe Jerusalẹm, vbe ehe ne otọe na vbe aro vbe uwu Urho Amẹ. Iran ke wẹ ne Ẹzra ne ohẹn kevbe ne ọ rẹn uhi ne Nọyaẹnmwa rhie la obọ e Mosis gie ivbi Izrẹl ne ọ mu ebe nene uhi re.

Nehimaia 9:1

Vbe ikpẹdẹ ne ọ ya gba vbe enẹyan ugie vbe uki ọkpa nii, avbe ivbi Izrẹl keghi si egbe koko ne iran do ye aguẹ ya khiẹ ye orukhọ iran. Iran keghi wannegbe iran hin uwu ẹbu avbe ọrriọvbe rre nẹ, iran keghi rhuan ukpọn akhiẹ iran na zẹ ekẹn ye uhunmwu zẹ vbe ama akhiẹ. Iyeke ọnii, iran keghi kpaegbe mudia gha miẹn orukhọ ne iran kevbe avbe erha iran odede ru kue.

Ẹsta 4:16

“Ye si avbe Ju ni rre Susa hia koko, wa yo aguẹ ne uwa gha na erhunmwu mẹ. Wa ghẹ re wa ghẹ da la avan eha kevbe asọn eha. Me kevbe ibiẹka ikhuo ni re eguọmwadia mwẹ, gha vbe ru vberriọ. Vbe iyekọni, I gha bu ọba gha khian, a gha rhe miẹn wẹ uhi ma kha vberriọ. A deghẹ te I gha ghi ye uhunmwu khiẹ ọre rhunmwuda ne I na ru vberriọ, a gunmwẹ ye uhunmwu khiẹ ọre.”

Jerimaia 3:3

Ọnii ọ re ọ sii ẹe ne a na wẹ ne amẹ ghẹ rhọ, ne amẹ ahọ orhọ ma na ghi rhọ. Te uwe wa yevbe ebabotu, ekhue i vbe mu ẹẹn.

Jerimaia 6:15

Te ekhue ghi mu iran ra rhunmwuda ẹkẹkhẹrhẹ ne iran ru? Hiehiere, ekhue ma zẹdẹ mu iran. Iran ma rẹn vbene emwi gbe ọmwa egbe hẹ. Rhunmwuda ọnii, iran gha dele, zẹ vbene emwa ọvbehe ka vbe dele yi evba nii ọ re ọ ghi ra gha re ufomwẹ iran. Mẹ ne Nọyaẹnmwa taa ẹe nẹ.”

Joẹl 1:14

Wa ta ẹe wẹ ne emwa gha rrie aguẹ wa tie emwa si koko! Wa si avbe ọkaolotu, kevbe ivbi e Juda hia, koko ye uwu Ọgua Osa, ọghe Nọyaẹnmwa ne Osanobua uwa, ne uwa kpe tie ẹre.

Zẹfanaia 3:5

Sokpan, e Nọyaẹnmwa ye rre ore ẹvbo, emwi ne ọ gbae ọ re ọ ru, ẹ i vbe zẹdẹ ru emwi ne ọ ma gba. Rẹn i ba ẹe ku vbe owiowiẹ ne ọ ya ru enọkhẹke ne emwa rẹn. Sevba, emwa ne ẹ i re emwata ni rre evba ghi ye gha ru emwi ne ọ ma gba khian vbene ekhue i na mu iran.

Zẹkaraia 11:8

Egbe avbe ọsuohuan eha ọvbehe ni khuiwu mwẹ keghi wọ mwẹ rhunmwuda ọnii, I na ru iran eheha emwi vbe uki ọkpa kẹkan.

Matiu 18:20

Rhunmwuda arhin eva ra eha gha si uhunmwu koko nẹ vbe eni mwẹ, mẹ wa gu iran rre evba.”