Zẹfanaia 1:8 - Edo Bible (E Baibol Ẹdo) Version 1996

⁸ E Nọyaẹnmwa khare wẹẹ, “Ọ gha sẹ ẹdẹ igbemwi nii, I gha rri avbe ekhaẹmwẹ oya, deba avbe ivbi ọba, kevbe emwa hia ni lele uyinmwẹ ne ẹ i re ọghe ẹvbo iran ru emwi.

Zẹfanaia 1:8 ပူးပေါင်းရင်းမြစ်များ

II Ọba 10:22

Ẹre Jehu na tama ohẹn ne ọ gbe aro ghe avbe ẹwu ne ọ viọ ẹwu ladian ne ọ viọ ne iran ni ni ga vbe evba.

Aizaia 10:12

Sokpan, I gha ru emwi ne I ru vbe Oke Zaiọn kevbe Jerusalẹm nẹ, I gha rri ọgbaisi Asiria oya ye orhuọ hia ne ọ rhuọ kevbe uhiomwẹ ne ọ hio.

Aizaia 2:6

E Nọyaẹnmwa, wẹ mianmian avbe emwa ruẹn ne, ighe avbe ivbi e Jekọb. Uyinmwẹ oso ọ re ọ ghi gba otọe nii hia, ke odẹ ahọ yasẹ Filistia. Uyinmwẹ, ẹvbo ẹrrẹe ọ re avbe emwa nii ghi yin.

Aizaia 24:21

Ẹdẹ dee ne Nọyaẹnmwa gha rri avbe ẹtin ni rre odukhunmwu oya deba avbe iran nikhaemwisẹ vbe agbọn.

Aizaia 39:7

A gha viọ eso vbe uwu avbe ivbi uẹ taara kpao, a gha ya iran khian ọghẹrriẹnoguan, ne iran ya gha tae emwi vbe ẹguae ọba e Babilọn.”

Habakọk 1:10

Iran i ghe avbe ọba sẹ ọmwa, te iran wa ye avbe ekhaẹmwẹ gbe ogiẹ. Ogba ne a gba ye odẹ ne ọ gha sẹtin da iran yi i rrọọ. Iran gha mama ekẹn ye evba nẹ, iran ghi khọn mu ẹẹn.

Diuteronomi 22:5

“Ikhuo ghẹ yọ ukpọn ikpia, ikpia ghẹ yọ ukpọn ikhuo. Te Nọyaẹnmwa Osanobua uwa khuiwu emwa ni ru vberriọ.