Zẹfanaia 1:4 - Edo Bible (E Baibol Ẹdo) Version 1996

⁴ “I gha rri emwa ni rre Jerusalẹm oya deba ivbi e Juda hia, I gha fuẹn ọnrẹn uan ighe iyama ọghe Baal ne iran gho vbe evba, a i ghi vbe miẹn ọmwa ne ọ gha ye avbe ohẹn ẹbọ ni gho ẹre rre ọvbehe.

Zẹfanaia 1:4 ပူးပေါင်းရင်းမြစ်များ

II Ọba 21:13

I gha rri e Jerusalẹm oya zẹ vbene I vbe rri e Sameria oya, zẹ vbene I ru Ehab ne ọba Izrẹl ke ẹe kevbe ivbi uniẹn ọnrẹn. Te I ra kpolo emwa ni rre Jerusalẹm hin rre, ọ ghi yevbe ọkpan ne a kpe nẹ, a keghi mu ẹre aro rhu otọ.

II Ọba 23:12

Ogiukpo ne avbe ọba e Juda te ma ye odukhunmwu owa ẹguae vbe ehe ne Ehaz gha a ye, e Josaia ne ọba keghi guọghọe kua, ke ẹe kevbe Ogiukpo eva ne Manasẹ ne ọba mannọ ye ẹghodo eva ne ọ rre Ọgua Osa, ọ keghi wa rẹnkhẹn avbe Ogiukpo ni uan, ọ na kpolo ẹe ku Iya e Kidrọn.

II Krọnikol 34:4

Zẹ vbene ọ gie iran, avbe emwa rẹn keghi guọghọ aro e Baal, iran dunmwu Ogiukpo ne a na giẹn eturari ni dekẹe hia a. Iran keghi lọkọ amazẹ Asiẹrra kevbe avbe amazẹ nekpa hia rẹnkhẹn rẹnkhẹn iran na bọnmwẹ ọẹn lele idin iran ni vbe gha gho iran.

Ẹksọdọs 15:12

U niẹn oberhọmwa ruẹn ladian, otọ keghi minọ avbe eghian re.

Jerimaia 15:6

Wa he mwẹ nẹ, wa keghi vbe fi iyeke gbe mwẹ, rhunmwuda ọnii, ọ re I na niẹn obọ ya rẹnkhẹn uwa a. Rhunmwuda, I ma ghi sẹtin ziengbe ohu ne ọ mu mwẹ.

Jerimaia 6:12

“A gha viọ owa iran ne emwa ọvbehe, erriọ ọre a ra vbe ru ugbo iran kevbe amwẹ iran. Te I ra wa rri emwa ni rre otọe na oya.

Ezikiẹl 25:7

Rhunmwuda ne uwa na ru vberriọ, I gha viọ uwa ne emwa ẹvbo ọvbehe, iran gha rha uwa, iran gha vbe fu uwa emwi hẹ. I gha dunmwu uwa a sẹrriọ wẹ, wa i ghi sẹtin dọlegbe gha re uhunmwu ẹvbo ọvbehe, ra ne uwa ye gha mwẹ otọe ẹvbo ne ọ re ọwua. Ẹghẹ nii, wa gha rẹn ighẹ mẹ ọrọre Nọyaẹnmwa.”

Ezikiẹl 6:14

Vbe ẹmwata, I gha nien obọ mwẹ ladian, I ghi dunmwu ẹvbo iran an, I gha ya ẹe khian otọe ne ọ gbe ẹvbi ke ato ne ọ rre odẹ ekẹn kpao, ya sẹ ore Ribla vbe odẹ okuọ vbene I i ra na vbe sẹ okpa rae vbe uwu ẹvbo hia ne ivbi Izrẹl ghi ye nẹ. Ẹghẹ nii, emwa hia gha rẹn ighe mẹ ọrọre Nọyaẹnmwa.”

Hozia 10:5

Ohan gha mu emwa ni rre ore Sameria, iran ghi vbe gha khiẹ ye ẹmwẹ ẹkhuia ẹmila ne iran ya igoru ma mu ye Bẹtẹl, iran kevbe avbe ohẹn ni gho nene amazẹ gha viẹ ẹsẹse. Iran gha go ugomwẹ eve vbe ẹghẹ ne a gha na bannọ ẹre ose igoru ẹre hẹ kua.

Maika 5:13

I gha guọghọ amazẹ uwa kevbe avbe orre okuta ẹbọ rua, wa i ghi ra dọlegbe gha gho emwi ne uwa ya obọ uwa ru ọvbehe.

Zẹfanaia 2:11

E Nọyaẹnmwa gha runran iran. Ọ gha ye avbe ẹbọ ni rre agbọn khian kẹkan fẹẹrẹ, ẹghẹ nii, avbe uhunmwu ẹvbo ghi do gha ga ẹe, dọmwadẹ ọghọe vbe ẹvbo ẹre.

Zẹfanaia 2:13

E Nọyaẹnmwa gha ya ẹtin ẹnrẹn fuẹn Asiria rua, ọ gha ya ore Ninevi khian itowa ne a lẹ sẹrae, ato ne amẹ i ye.