Zẹfanaia 1:3 - Edo Bible (E Baibol Ẹdo) Version 1996

³ Emwa ne agbọn hia kevbe avbe aranmwẹ oha, avbe ahianmwẹ kevbe avbe ehẹn. I gha ru ẹe ne avbe emwa dan de guọghọ ua. I gha fuẹn emwa ne agbọn uan, ọkpa ne ọ ra kẹe i rrọ. Mẹ ne Nọyaẹnmwa ọ re ọ ta ẹe.

Zẹfanaia 1:3 ပူးပေါင်းရင်းမြစ်များ

Gẹnẹsis 6:7

Ẹre ọ ghi na kha wẹẹ, “I gha fuẹn iran an ighẹ emwa ne I yi, I gha fuẹn iran an ighẹ avbe aranmwẹ kevbe ahianmwẹ rhunmwuda I kpa rẹn I ghẹ yi iran.”

Aizaia 27:9

Sokpan, a gha ya orukhọ Izrẹl bọ ẹe vbe iran a lọ Ogiukpo okuta ọghe avbe ẹbọ iran ni ru ẹbọ nẹ zẹ vbe ebubẹ, ra a ghi miẹn wẹ a i ghi dọlegbe miẹn amazẹ ẹbọ okhuo ne iran tie ẹre Asiẹrra, ra ne Ogiukpo ne iran na giẹn eturari ye kẹe.

Aizaia 6:11

Mẹ keghi nọ wẹẹ, “Inu ẹghẹ ọ re ọ ra gha ye vbenian la vbe otọe yi e Nọyaẹnmwa?” Rẹn keghi wanniẹn wẹẹ, “Rhinrin avbe okpẹvbo nii tedo rẹnkhẹn uan ne ehia vbe dihoi rua, a te do miẹn wẹ avbe owa nii khian ne ẹvbo i ghi ye, a te do miẹn wẹ avbe otọe nii hia dihoi rua, ne ehia la ọrhiae rrie.

Aizaia 6:12

I gha viọ avbe emwa nii gha rrie ehe ne ọ rrei, I ghi ya otọe nii khian ne ọ dihoi rua.

Jerimaia 12:4

Inu ẹghẹ ọ re otọe mwa ra ye hiahia a hia la? Ne irunmwu ni rre oha hia ra na luẹluẹ? Aranmwẹ kevbe ahianmwẹ gha wulo, rhunmwuda ekhọe dan ọghe emwa ima, iran ni kha wẹẹ, “Osanobua i dẹghe emwi ne ima ru.”

Jerimaia 50:3

Uhunmwu ẹvbo okpa ke odẹ okuọ dee do dekun e Babilọn, te ọ ra ya ẹe khian ato. Te emwa nagbọn kevbe aranmwẹ oha! Ra lẹ kua vbọ, a i vbe miẹn emwa ne ọ gha di evba ya.”

Jerimaia 7:20

Rhunmwuda ọnii, mẹ ne Nọyaẹnmwa ne Udazi gha gie ohu mwẹ ne ọ mwẹ ọghae hihiẹn yan Ọgua Osa na. I gha hihiẹ ọe yan emwa nagbọn kevbe avbe aranmwẹ oha, uhin ya sẹ egbe erhan kevbe emwiokọ. Te ohu mwẹ ra ye vbe erhẹn na i miẹn ọmwa ne ọ gha sẹtin dọ ẹre yọ.

Jerimaia 9:10

Mẹ khare wẹẹ, “I gha khiẹ avbe oke nekhua, I gha viẹ oha ne emwirri na rria rhunmwuda, ehia kae, a i ghi miẹn emwa ni lae gberra. A i ghi họn utumwẹ avbe ẹmila vbọ, avbe ahianmwẹ kevbe aranmwẹ oha lẹ ladian vbọ.”

Ezikiẹl 44:12

“Sokpan, rhunmwuda ne a na miẹn wẹ iran ọre ọ gha ru ẹbọ ne ivbi Izrẹl, iran na la odẹ vberriọ silo iran obọ fi orukhọ, mẹ ne Nọyaẹnmwa ne Udazi tae mu olọ yan rẹn nẹ wẹ, te I ra rri iran oya.

Ezikiẹl 7:19

Iran gha filo avbe igoru kevbe esiliva iran kua vbe adesẹ ore zẹvbe iku, rhunmwuda, ke igoru kevbe esiliva, okpa ne ọ gha miẹn iran fan i rrọ vbe ẹdẹ ne Nọyaẹnmwa gha hihiẹ ohu ẹre ladian. Iran i ra sẹtin lo iran ya rhie emwi ne ẹko ho ne ẹko. Igoru kevbe esiliva ọ re ọ si iran la orukhọ ne a ru.

Hozia 14:3

Asiria i sẹtin miẹn ima fan hiehiere, avbe ẹsin okuo i vbe sẹtin degue ima. Ma i ghi dọlegbe tama avbe ẹbọ ima ẹdẹ wẹ iran ọrọre Osanobua mwa. Nọyaẹnmwa, wẹ wa tohan emwa hia ni i mwẹ ọmwa ọvbehe ne ọ ra lẹ bu.”

Hozia 14:8

A i ghi ra dọlegbe tie ivbi Izrẹl ye ẹmwẹ ẹbọ ọvbehe. I gha họn erhunmwu iran, I ghi vbe gha gbearoghe iran I gha mu irhu gue iran zẹ vbe erhan ne ẹ i khuọn ebe kua. Obọ mwẹ ọ re afiangbe iran ke rre.”

Hozia 4:3

Rhunmwuda ọnii, otọe nii gha kakaa, emwi hia ni rrọọ gha vbe wulo. Avbe aranmwẹ oha hia, kevbe avbe ahianmwẹ kevbe avbe ehẹn, ehia gha wulo.”

Zẹkaraia 13:2

Vbe ẹghẹ ne a kha na, I gha viọ eni avbe ẹbọ hin otọe na rre, a i ghi miẹn ọmwa ne ọ gha ye iran rre ọvbehe. I gha rhie ẹre fua ighe ọmwaikọmwa ne ọ rhirhi kha ighe akhasẹ rẹn khin, I gha vbe gbe ukhu ẹre ua ighe ne a na ho ne a gha gho ẹbọ.

Matiu 13:41

Ovbi Ọmwa gha gie avbe odibo ẹre ladian, iran ghi ya silo emwa ni si emwa fi orukhọ, kevbe avbe emwa dan hia ke uwu Arriọba ẹre ladian.

Matiu 23:39

Ne I tama ruẹn nian, ke ẹghẹ na gha rae, u i ghi ra miẹn mwẹ ọvbehe rhinrin u te do kha wẹẹ, ‘Afiangbe Osanobua nọ ne ọmwa ne ọ dee vbe eni Nọyaẹnmwa.’ ”

Arhie Maan 2:14

Sokpan, ghe ibozẹghẹ vbe uwu emwi ne I gui ẹzọ ruẹ baa, eso vbe uwu emwa ni lele iruẹmwi Balam wa guẹ rre evba, ọmwa nọ ma Balak vbene a gha ya ye ivbi izrẹl ru orukhọ hẹ, vbe ekpa ne iran na rri evbare ne a ya ru ẹbọ, kevbe ne iran na gha gbe alama oghẹ.