Zẹfanaia 1:18 - Edo Bible (E Baibol Ẹdo) Version 1996

¹⁸ Vbe ẹdẹ nii ne Nọyaẹnmwa gha rhie izohu ẹre maa, igoru kevbe esiliva iran hia ne ọ gha sẹtin miẹn iran fan, ẹ i rrọọ. Erhẹn ohu ẹre gha fuẹn agbọn na hia a. Ọ gha rhie ufomwẹ udomwurri ye ẹmwẹ emwa ni rre agbọn na hia.

Zẹfanaia 1:18 ပူးပေါင်းရင်းမြစ်များ

Gẹnẹsis 6:7

Ẹre ọ ghi na kha wẹẹ, “I gha fuẹn iran an ighẹ emwa ne I yi, I gha fuẹn iran an ighẹ avbe aranmwẹ kevbe ahianmwẹ rhunmwuda I kpa rẹn I ghẹ yi iran.”

I Ọba 14:22

Ivbi e Juda keghi rukhọ ghe Nọyaẹnmwa, iran keghi ru emwi ne ọ gha gu izohu ẹre kpao ẹsẹse sẹ avbe erha iran odede.

Job 21:30

Ẹdẹ ne ohu gha mu Osanobua, ọ na wẹ rẹn ra rri emwa oya, ọmwa dan ọ re ọ la ban ẹghẹ hia.

Job 3:15

I ghẹ ghi gha vbiẹ zẹ vbe ivbiọba, ni ya igoru kevbe esiliva vuọn owa iran.

Psalm 78:58

Iran ya ehe ne iran na ga ẹbọ ya ohu muẹn iran keghi vbe ya amazẹ iran rhia ẹre ẹko rua.

Psalm 79:5

Nọyaẹnmwa, u gha wa mu ohu ima rhinrin ẹdẹdẹmwẹdẹ ra? Ohu ruẹ gha wa gha giẹn khian zẹ vbe erhẹn ra?

Itan 11:4

Ẹfe i miẹn emwi okpa ru wẹn vbe ẹdẹ ne uwu gha sẹ uẹ egbe, sokpan, uyinmwẹ esi gha sẹtin miẹn orhiọn ruẹn fan.

Itan 18:11

Sokpan emwa ni fe ghi gha mwẹ ọnrẹn vbe ekhọe wẹ te ẹfe iran degue iran zẹvbe ekẹn ne ọ wegbe ne a gbe lẹga okpẹvbo.

Aizaia 1:24

Rhunmwuda ọnii nian, danmwehọ vbene ọ kha hẹ ighe e Nọyaẹnmwa ne Oghodua, Osanobua ne ọ mwẹ ẹtin ọghe Izrẹl: “I gha rria uwa ikhi, wa ne eghian mwẹ, wa i ghi ra gha kpokpo mwẹ ọvbehe.

Aizaia 10:17

Osanobua ne uwanmwẹ Izrẹl gha khian erhẹn, Osanobua Nọhuanrẹn ọghe Izrẹl gha khian ogidi erhẹn ne ọ gha giẹn emwi hia a vbe ẹdẹ ọkpa, ya sẹ egbe ogigban kevbe ọkọsọ.

Aizaia 10:3

Osanobua gha rria uwa ikhi nian, demwi ne uwa ra miẹn ru? Demwi ne uwa ra miẹn ru vbe ọ gha ke odẹ ne ọ rre tie ọfuan yan uwa uhunmwu? De ọmwa ne uwa gha lẹgbinna? De ehe ne uwa gha viọ avbe ẹfe uwa lẹre yi?

Jerimaia 7:20

Rhunmwuda ọnii, mẹ ne Nọyaẹnmwa ne Udazi gha gie ohu mwẹ ne ọ mwẹ ọghae hihiẹn yan Ọgua Osa na. I gha hihiẹ ọe yan emwa nagbọn kevbe avbe aranmwẹ oha, uhin ya sẹ egbe erhan kevbe emwiokọ. Te ohu mwẹ ra ye vbe erhẹn na i miẹn ọmwa ne ọ gha sẹtin dọ ẹre yọ.

Jerimaia 7:34

Otọe nii gha khian ato. I gha dobọ urhu oghọghọ kevbe ọyẹnmwẹ yi vbe avbe okpẹvbo e Juda kevbe ore Jerusalẹm, deba uwemwẹ oghọghọ ọghe evbare irhiọha.”

Jerimaia 9:11

E Nọyaẹnmwa khare wẹẹ, “I gha ya Jerusalẹm khian otiku itowa, ehe ne avbe ekuaghagha dia; avbe okpẹvbo e Juda gha khian ato ehe ne emwarhọkpa i ghi ye.”

Ezikiẹl 16:38

I gha bu ohiẹn gbe uẹ rhunmwuda ọghe kevbe izigha, ke vbe uwu ohu ne ọ mu mwẹ, I gha ya uwu rri ọ oya gbua.

Ezikiẹl 23:25

Rhunmwuda ighe ohu ruẹ mu mwẹ nẹ, I gha gie iran ya ohu ru uẹ emwi. Iran gha giagia ihue ruẹ kevbe ehọ ruẹ kua, iran ghi vbe gbele avbe ivbi uẹ ua. Ẹn, iran gha miẹn ruẹn emọ ikpia kevbe emọ ikhuo, iran ghi sirra a gien iran an, ke iran kevbe ẹmwẹ ne unu.

Ezikiẹl 7:11

Uyinmwẹ ikẹtin do khian ọghe ne a ya ru ọkhọ. Emwi ne ọ re ọghe iran, okpa ne ọ gha kẹe, ẹi rrọọ, ẹi ghi kẹe vbe ẹfe iran, ose iran ra uyi iran.

Ezikiẹl 7:19

Iran gha filo avbe igoru kevbe esiliva iran kua vbe adesẹ ore zẹvbe iku, rhunmwuda, ke igoru kevbe esiliva, okpa ne ọ gha miẹn iran fan i rrọ vbe ẹdẹ ne Nọyaẹnmwa gha hihiẹ ohu ẹre ladian. Iran i ra sẹtin lo iran ya rhie emwi ne ẹko ho ne ẹko. Igoru kevbe esiliva ọ re ọ si iran la orukhọ ne a ru.

Ezikiẹl 7:5

Emwi ne Nọyaẹnmwa ne Udazi khare ọ re ọna khin, “Ọkhọ ra do rruan uwa ke egbe ke egbe.

Zẹfanaia 1:11

U gha họn ọnọna, gha go ne u vbe gha viẹ, wa ni rre odẹ iya vbe ẹvbo nii, rhunmwuda, emwa ni do ẹki hia ọ re ọ ra wulo.

Zẹfanaia 1:15

Ẹdẹ ohu nọkhua khian gha nọ, ẹdẹ ọlọghọmwa kevbe ibaro, ẹdẹ ọrhiae kevbe ọfuan, ẹdẹ ebiebi kevbe akhiẹ, ẹdẹ ne ọ vuọn ne okuku kevbe ne ọ siere ua.

Zẹfanaia 2:2

vbe a te do miẹn wẹ wa luẹluẹ ua, wa keghi vbe wulo zẹ vbe obobo, vbene ohu nọkhua ọghe Nọyaẹnmwa te hihiẹ yan uwa, ọ te do sẹ ẹdẹ nii ne ọ gha rhie ohu ẹre maa.

Zẹfanaia 3:8

E Nọyaẹnmwa khare wẹẹ, “Wa zin egbe, wa ziengbe khẹ ẹdẹ ne I gha guakpao ba avbe uhunmwu ẹvbo ifi ẹzọ. I ta ẹe nẹ wẹ, I gha si avbe uhunmwu ẹvbo kevbe avbe arriọba koko ne iran miẹn ehe na họn obọ ohu mwẹ vbe egbe. Erhẹn ohu mwẹ nọkhua, gha giẹn agbọn na hia.

Matiu 16:26

De ere ne ọ rrọọ ne ọmwa adeghẹ agbọn na hia sẹ ọre obọ vbene ọ na mu orhiọn rẹn fua? Ẹ i mwẹ esa hiehie. Emwi ọkpa i rrọọ ne ọmwa gha ya sẹtin dẹ orhiọn irẹn werriegbe.

I Kọrinti 10:22

Ra te uwa ra ya Nọyaẹnmwa khian ne oya ọmwa da? Wa yayi ighẹ ma wo vbe egbe sẹ ọre ra?

Diuteronomi 31:17

Emwi vberriọ gha sunu, ohu iran gha mu mwẹ, I gha he iran ye otọ, a ghi fuẹn iran an. Ọkhọ ni mu ohan hia gha rruan iran, ẹghẹ nii iran ghi do rẹn wẹ emwi na sunu vbe egbe iran rhunmwuda, mẹ ne Osanobua iran i ghi rrọ yaba iran.