Zẹfanaia 1:17 - Edo Bible (E Baibol Ẹdo) Version 1996

¹⁷ E Nọyaẹnmwa khare wẹẹ, “I gha gie emwi nọ wegbe rruan emwa ne agbọn sẹrriọ wẹ edọmwadẹ ọghe ọe ghi gha ye obọ baba odẹ khian zẹ vbe arhuaro. Iran rukhọ ghe mwẹ nẹ, banbanna nian, te a ghi ra gbe esagiẹn iran ye otọ zẹ vbe amẹ, ikun orinmwi iran ghi vbe gha kẹkẹ ua vbe otọ.”

Zẹfanaia 1:17 ပူးပေါင်းရင်းမြစ်များ

Psalm 83:10

U khọn iran muotọ vbe Ẹndọ, ikun iran keghi kẹkẹ ye otọ.

Aizaia 29:10

E Nọyaẹnmwa ru ẹe nẹ, ne uwa gha vbiẹhunde, te ovbe ghi ra gbele uwa kua na. Avbe akhasẹ ọ re ọ te kei ne ọ gha re aro emwa nii, sokpan, Osanobua rhu iran aro nẹ.

Aizaia 50:1

E Nọyaẹnmwa khare wẹẹ, “Te uwa ro ra ighẹ te imẹ khulo emwa mwẹ kua zẹ vbene okpia khu amwẹ ọnrẹn fua ra? Ebe aheyotọ ne a ghi gbẹn ne ẹẹn vbo khekherriọ? Te uwa ro ighẹ te I khiẹnnẹ wa gha rrie iwe ra zẹ vbe ọmwa ne ọ khiẹnnẹ ivbi ẹre eviẹn? Ẹn o, iran viọ uwa oghunmwu gha rrie rhunmwuda orukhọ uwa. Te a khulo uwa ladian rhunmwuda emwi dan ne uwa ru.

Jerimaia 10:18

Nọyaẹnmwa ra filo uwa kua hin otọe na rre, ọ khian rẹnkhẹn uwa a rhinrin a te do miẹn wẹ ọkpa ma ghi kẹe vbe uwu uwa. E Nọyaẹnmwa tae nẹ.

Jerimaia 15:3

“Mẹ ne Nọyaẹnmwa ta ẹe nẹ wẹ emwi ohan enẹ ọ re ọ ra rruan iran; a gha gbele iran vbe okuo, ekita gha silo ikun iran gha rrie, ahianmwẹ gha rri iran, aranmwẹ oha ghi rhie ni ghi kẹe.

Jerimaia 18:21

Sokpan, banbanna nian Nọyaẹnmwa gie ohan gbele ivbi iran an, gie okuo gbele iran. Gie ọdọ wulo avbe ikhuo ni rrọọ, kevbe emọ. Gie emianmwẹ gbele avbe ikpia ni rrọọ, ne avbe igbama ni rrọọ wulo ye okuo.

Jerimaia 2:17

Izrẹl, obọ ruẹ ọ re u ya sii ọna ye egbe ruẹ egbe! U fi iyeke gbe mwẹ mẹ ne Nọyaẹnmwa ne Osanobua ruẹ, vbe imẹ su uwẹ khian vbe odẹ.

Jerimaia 2:19

Emwi dan uwa ọ re ọ ra rri uwa oya ne uwa na fi iyeke gbe mwẹ ọ re ọ ra bu abe uwa. Wa gha ruẹ vbene ọ rriara hẹ kevbe, vbene ọ ma gba hẹ ne uwa na hee mwẹ yotọ mẹ ne Nọyaẹnmwa ne Osanobua rua; vbene uwa i ghi na vbe ya ọghọ mẹ. Mẹ ne Nọyaẹnmwa ne Udazi, ne Oghodua taa ẹe nẹ.”

Jerimaia 3:25

“Te ọ kere ne ima lovbiẹ ye otọ ne emwiekhue, ne efaa gue mwa. Ẹghẹikẹghẹ ọ re ima vbe avbe erha mwa odede wa ya gha rukhọ ghe Nọyaẹnmwa Osanobua mwa. Ma ma he vbe họn ẹmwẹ ne ẹẹn ẹdẹ.”

Jerimaia 4:18

E Juda, vbene u ya gha yin hẹ kevbe avbe emwi ne u gha ru ọ re u ya sii emwi na ye egbe ruẹ egbe. Orukhọ ruẹ ọ re ọ sii usẹ na rre. Ọ bi agbada ye uwẹ ogiudu nẹ nian.

Jerimaia 8:2

Ne a gha na te si iran koko ne a re iran, a gha zagha ugboloko iran lele otọe zẹ vbe emwi ne a ya ye emwiokọ maa sayọ. A gha wawa iran lele otọ vbe uwu ovẹn, kevbe uki kevbe avbe orhọnmwẹ ne ọ wa yẹ avbe emwa na, kevbe ne iran vbe gha ghoo, ne iran vbe gha gualọ otọ emwi vbe obọ ẹre, kevbe ne iran gha ya uhunmwu rhanmwẹ otọ na.

Eve Orriara 1:14

“Te ọ wa yi orukhọ mwẹ hia ẹro ọ na sele ehia kugbe; ọ mu ẹẹn fi la mwẹ urhu obọ ukhuamwẹ ọnrẹn keghi da mwẹ. E Nọyaẹnmwa rhie mwẹ yan avbe eghian mwẹ obọ, I ma sẹtin ru iran emwi rhọkpa.

Eve Orriara 1:18

“Sokpan, emwi ne ọ khẹke ọ re Nọyaẹnmwa ru, rhunmwuda mẹ ọ re ọ yan ẹẹn zẹ. Wa danmwehọ mwẹ, emwa ni rre ehe hia wa ghe mwẹ vbe uwu obalọ ne I ye. A viọ avbe igbama kevbe avbe uvbi mwẹ oghunmwu gha rrie.

Eve Orriara 1:8

Uyi ne ọ rre ọre egbe fo, te ọ ghi bannuan te a ghi sọnnọẹn. Ọ gha khiẹkhiẹ egbe, te ọ ghi ye ekhue rhie aro lẹre. E Jerusalẹm keghi ya orukhọ dan ya iruẹn wuo egbe.

Eve Orriara 2:21

Ke ibiẹka kevbe eniwanrẹn, ehia wulo lele otọ vbe adesẹ ore ẹvbo. Avbe igbama kevbe ivbialeke ne umozo avbe eghian gbele ua. Ẹdẹ ne ohu mu uwẹ u keghi rẹnkhẹẹn iran an vbe ne a i na mwẹ itohan.

Ezikiẹl 16:38

I gha bu ohiẹn gbe uẹ rhunmwuda ọghe kevbe izigha, ke vbe uwu ohu ne ọ mu mwẹ, I gha ya uwu rri ọ oya gbua.

Ezikiẹl 24:7

Iran de izigha vbe adesẹ ore ẹvbo, sokpan, iran ma gbe esagiẹn ọnrẹn ye ehe ne ebubẹ gha na degue ẹre, iran keghi wa gbe ẹe yan okuta ne ọ kpe yotọ.

Ezikiẹl 24:8

I sẹ esagiẹn ni rae ye evba, ehe ne ai na sẹtin rhie ẹre lẹre, ehe ne ọ gha na si irria ikhi ohu rre.”

Emọs 4:10

“I gie egboghogbogho yan uwa zẹ vbe ne I giee ẹe rrie Igipt. I gbele igbama uwa vbe okuo, I keghi viọ uwa ẹsin kpao. I ye ẹwia orinmwi khiọ uwa ihue vbe agọ uwa. Sevba, wa ma ye bu mwẹ rre.

Maika 7:13

Sokpan otọ agbọn gha khian ato rhunmwuda uyinmwẹ dan ọghe emwa ni rrọọ.

Matiu 15:14

Ghẹ zẹ ye iran re. Arọndẹ ni rhu aro iran khin. Arhuaro gha rhie arhuaro la odẹ uye iran eva ra kharha yi.”

Ebe ne Pọl gbẹẹn gie emwa Rom 11:25

Ẹmwata ọkpa rrọọ. oro wa nọ, sokpan i ho ne uwa rẹn ọnrẹn etẹn mwẹ, ọnii gha kie uwa ukpẹ ne uwa na ro ighẹ uwa wan gbe. Ọre ọnii khin wẹẹ, Izevbudu ivbi Izrẹl, ẹ i re emwi etẹbitẹ, sokpan, ọ gha ye gha khian rhinrin emwa ne ẹ i re Ju ne ogha bu Osanobua rre to do gba.

Ebe ne Pọl gbẹẹn gie emwa Rom 11:7

Vbe a ghi tae hẹ na yi? Obọ ivbi Izrẹl ma vba emwi ne iran te gualọ. Omwa ibozẹghe ne Osanobua hannọ zẹ ọre ọ miẹn ọẹn. Iran nekpa keghi yin ehọ vbe Osanobua tie iran.

II Kọrinti 4:4

Iran ma yayi, rhunmwuda ẹbọ dan ọghe agbọn na mu ekhọe iran dee ye uwu ebiebi nẹ. Ọ ma gie iran bẹghe uwanmwẹ ne ọ wan mu iran, uwanmwẹ ne ọ ke Iyẹn Ne ọ maa vbe ekpa uyi Kristi rre, ọmwa ne ọ re ama ne a ya gie Osanobua dandaandan.

II Pita 1:9

Sokpan ọmwa ne ẹ i mwẹ enena, ẹ i ro iro dinmwi, sẹrriọ wẹ, ẹ i vbe bẹghe emwi ọ kevbe mianmian wẹ, a kpe orukhọ ẹre ni gberra kua nẹ.

I Jọn 2:11

Sokpan ọmwa nọ khu iwu ọtiọnrẹn, uwu ebiebi ọre ọ ye, uwu ẹre ọre ọ na khian, ọ ma vbe rẹn ehe ne irẹn rrie, rhunmwuda ebiebi rhu ẹre aro nẹ.

Arhie Maan 3:17

U khare wẹ, ‘I fe nẹ, obọ gue mwẹ, emwi ne I ho gba mẹ.’ Sokpan, u ma rẹn ighẹ agbọn ọrhiae ne a gbe ọsọre na, ọre u ye. Ovbiogue ọre u khin, te u bannọ uan, te u rhu aro.