Zẹfanaia 1:16 - Edo Bible (E Baibol Ẹdo) Version 1996

¹⁶ Ẹdẹ ne ọ vuọn ne owogho okpe okuo, kevbe uvannọmwẹ okuo ọghe ivbiyokuo ni dekun ẹvbo ne a gbe odin gaa kevbe avbe owa ọkhẹ ni yo.

Zẹfanaia 1:16 ပူးပေါင်းရင်းမြစ်များ

Aizaia 27:13

Ọ gha sẹ ẹdẹ ne ẹdẹrriọ, a gha kpe okpe ne a ya tie ivbi Izrẹl hia ni rre iwe vbe Asiria kevbe Igipt gha die owa. Iran gha rre do ga e Nọyaẹnmwa vbe Jerusalẹm, vbe oke ẹre nọhuanrẹn.

Aizaia 32:14

Te a ra lẹ hin uwu avbe ẹguae rre, avbe igiogbẹ hia gha khian ne emwa na lẹkua fẹẹrẹ. Avbe owa kevbe avbe owa ọkhẹ ne a bọlọe ne a na khẹ iran, gha khian itowa ẹdẹdẹmwẹdẹ. Avbe ede ọ re ọ ghi gha gbe ọgọlọbọ vbọ, avbe ohuan ghi ya gha rria vbe evba.

Aizaia 59:10

te ima ghi ya obọ baba odẹ zẹ vbe arhuaro. Te ima ghi rrua owẹ vbe ogiavan ogioghogho vbe ne a miẹn wẹ ẹvbo iran ni wulo nẹ ne ehe hia na so ebiebi ọ re a ye.

Jerimaia 6:1

Uvbi e Bẹnjamin, wa lẹ ne uwa rhie uhunmwu hin ẹbe rre! Wa lẹ ladian vbe Jerusalẹm! Wa kpe okpe vbe Tẹkoa, ne uwa hie erhẹn orhiema ye Bẹt-Hake-rẹm, ọkhọ kevbe omurhia ra ke odẹ okuọ gha dee.

Jerimaia 8:16

Avbe eghian ima sẹẹ ore Dan nẹ, ma họn vbe ẹsin iran hiọnrọn. Ẹvbo ni hia ọ re ọ mu rueghe vbe ẹsin iran a tu. Eghian ima rre nẹ, ne iran do rhia otọ ima kevbe emwi ni rrọọ hia a, ore ẹvbo mwa kevbe emwa ni rrọọ.”

Ezikiẹl 7:7

Ufomwẹ dee ne uwa ni rre otọe nii. Ẹghẹ dee ne ai ghi ra na gha do ugie ọyọ vbe avbe uhunmwu oke, otighi ghi gha rre ehia.

Hozia 5:8

Wa kpe okpe okuo vbe Gibea, wa so okokoko vbe Rama. Wa tu utumwẹ okuo vbe Bẹtẹl! Ivbi e Bẹnjamin, wa la okuo.

Hozia 8:1

E Nọyaẹnmwa khare wẹẹ, “Wa kpe orhu okuo! Avbe eghian wa hẹ bu otọe mwẹ dee zẹvbe avbe oghohọn. Avbe emwa mwẹ rra ile ne imẹ vbe iran gba ta nẹ, iran keghi vbe sọtẹ ghe emwi ne I ma iran re.

Joẹl 2:1

Wa kpe okpe, wa si orhu okuo vbe Zaiọn ne oke nọhuanrẹn Osanobua. Wa gha guọ ivbi e Juda! Ẹdẹ e Nọyaẹnmwa dee ẹgiẹgiẹ.

Emọs 3:6

A gha họn urhu okpe okuo vbe ẹvbo, ne ohan ghẹ mu emwa ni rrọ ra? Ọkhọ vbe sunu vbe ẹvbo ra vbene Nọyaẹnmwa ma na gie?

Habakọk 3:6

Ọ gha demudia agbọn ghi mu rueghe; ọ gha fi aro rre, avbe uhunmwu ẹvbo ghi gha guọ zẹzẹzẹ. A zanzan avbe oke ẹrẹkhẹrẹ ua avbe oke etẹbitẹ kpero la uwu otọ, avbe oke ne irẹn nanaẹn ẹkpo nẹdẹ.

Diuteronomi 28:52

Iran gha mu igbinna la ẹvbo hia ni rre otọe nii ne Nọyaẹnmwa Osanobua rua ra mu ne uwa, avbe ekẹn ne a gbe ni yo ne a ya ru ọkhẹ ne uwa mu ẹtin yan gha de rẹnkhẹn uan.

Jọsua 6:20

Ẹre avbe ohẹn na si orhu, ọwarọkpa vbe avbe emwa nii ghi wa họn ẹẹn, iran keghi kakabọ davan, ekẹn keghi de wiẹghẹ ua. Avbe emwa nii keghi wa rhulẹ la ore ẹvbo nii, iran na khọn rẹn muotọ.