Zẹfanaia 1:12 - Edo Bible (E Baibol Ẹdo) Version 1996

¹² Vbe ẹghẹ ne a kha na, I gha mu ukpa ya gualọ Jerusalẹm. Avbe iran ne ẹko owa iran vuọẹn ke ni ya obọ rra ẹwẹe iran, I gha rri iran oya. Iran ni kha wẹẹ, ‘E Nọyaẹnmwa i ru emwi rhọkpa.’

Zẹfanaia 1:12 ပူးပေါင်းရင်းမြစ်များ

Job 21:15

Iran ro wẹ ẹ i mwẹ esa ne a gha ga Osanobua, ra wẹ ọma ọkpa vbe lae dee, wẹ ne a gha na erhunmwu ghe ẹre.

Psalm 10:4

Ọmwa dan i vbe zẹ ye Nọyaẹnmwa re vbe uwu itengbe mu ẹnrẹn, ọ rorẹe wẹ, Osanobua imwẹ asa ne ọ khin.

Psalm 14:1

Avbe akpa ye ekhọe tae wẹẹ, “Osanobua i rrọ.” Iran hia kẹkẹ ua, iran vbe ru emwi ne ọ mu ohan ọkpa ne ọ ru emwi ẹse i rrọ.

Psalm 94:7

Iran khare wẹẹ, “E Nọyaẹnmwa ma bẹghe ima; Osanobua Izrẹl ma rhie aro yọ.”

Aizaia 5:19

Wa khare wẹẹ, “Wa wẹ Nọyaẹnmwa gie obọ kẹe vbe emwi ne ọ wẹ rẹn ra ru, ne ima miẹn ọẹn. Wa gie Osanobua nọhuanrẹn ọghe Izrẹl ru vbe ne ọ mwamwa ẹn, wa gie a ghe emwi ne ọ rre ọre ekhọe.”

Jerimaia 10:5

Te avbe amazẹ vberriọ yevbe emuẹn muẹn ne a mu ye ugbo ogi, iran i sẹtin guan, te a dada iran khian, rhunmwuda, iran i sẹtin khian, wa ghẹ, gie ohan iran mu uwa, iran i mwẹ emwi okpa ne iran gha ru uwa ẹre iran i vbe sẹtin ru emwi okpa ne uwa.”

Jerimaia 48:11

E Nọyaẹnmwa khare wẹẹ, “Te ẹkun wa sẹ e Moab otọ ẹdẹ, a ma he vbe viọ iran yo iwe ẹdẹ. Te Moab ye vbe ayọn ne a gie ẹe de hẹnhẹn vbe ne a ma na kpokpo ẹe, a ma vbe ruẹn ọnrẹn ke uru okpa ye ọvbehe. A ma he rhia uwinhinmwẹ ọnrẹn uan, Ọ ke wa ye rhiẹnrhiẹn vbene ọ ye ẹdẹ.

Ezikiẹl 8:12

Osanobua keghi nọ mwẹ wẹẹ, “U ma miẹn emwi ne avbe ekaolotu ivbi Izrẹl ru vbe ẹkhokho. Iran gha ga vbe ọgua ne ọvuọn ne avbe akobiẹ. Emwi ne iran wẹ ọ ya iran ru ẹe ọrọre wẹẹ, ‘E Nọyaẹnmwa ma degue ima, ọ fi iyeke gbe ẹvbo ima nẹ.’ ”

Ezikiẹl 9:4

“Wa ya la e Jerusalẹm hia gaa, ne u vinnọ ama ye uharo avbe iran ni viẹ egbe viẹ ẹhi ye ẹmwẹ uyinmwẹ ne ọ zughu ọmwa ẹko ne iran yin vbe ore ẹvbo.”

Ezikiẹl 9:9

Osanobua keghi wanniẹn wẹẹ, “Orukhọ dan ọre ivbi Izrẹl kevbe ivbi e Juda ru. Iran de izigha vbe ehe hia, iran keghi vbe ya orukhọ vuọn Jerusalẹm. Iran wẹ, mẹ ne Nọyaẹnmwa fi iyeke gbe ẹvbo iran nẹ, I i ghi bẹghe iran.

Emọs 6:1

U miẹn vbe ọ gha ba so uwa hẹ, wa ni wa zẹ ọwọbu vbe Zaiọn, kevbe uwa ni kha wẹ vbe nene ẹbe ke dee, ni rre Sameria, wa ne okpemwa ni rre Izrẹl ne okpẹvbo na, wa ne emwa do gha lẹ vba nọ iyobọ!

Obedaia 1:6

Wa ne ivbi uniẹn Isọ, iran fu ẹfe ruẹ hia viọ.

Malakai 2:17

Te egbe etalọ ne uwa talọ ghi wọ e Nọyaẹnmwa. Sokpan, wa ghi vbe nọ wẹẹ, “Vbe ima ya ya egbe wọ ẹre hẹ yi?” Vbe ekpa ne uwa na kha wẹẹ, “E Nọyaẹnmwa ne Oghodua ro wẹ emwa esi ọre emwa hia ni ru; emwi dan khin, vbe ẹmwata, ọ wa ho ẹmwẹ iran.” Ra ne uwa na kha wẹẹ, “Rẹn ghi vbo yi ighẹ nene Osanobua ne a wẹ ẹmwata nọ?”

II Pita 3:4

Iran ghi gha kha wẹ, “Ẹ i re te a wẹ rẹn dọlegbe dee! Rẹn ghi vbo nia? Avbe erha ima hia wulo nẹ, sokpan vbene emwi hia ye ke ne a bu agbọn tue agbọn, ọre ye ye.”

Arhie Maan 2:23

I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.