Zẹfanaia 1:10 - Edo Bible (E Baibol Ẹdo) Version 1996

¹⁰ “Ọ gha sẹ ẹdẹ ne ẹdẹrriọ,” erriọ Nọyaẹnmwa khare, “U gha họn urhu eve vbe Onurho Ehẹn vbe Jerusalẹm. U gha họn ugomwẹ vbe idunmwu ọgbọn ọghe ẹvbo nii, kevbe owogho emwi ne ọ de guọghọ ua vbe avbe uhunmwu oke.

Zẹfanaia 1:10 ပူးပေါင်းရင်းမြစ်များ

II Samuẹl 5:7

(Sokpan e Devid keghi ye khọn odin ọghe Zaiọn, ọna do khian “Ẹvbo e Devid.”)

II Samuẹl 5:9

E Devid keghi di odin ẹvbo nii ya, ọ kegha tie ẹre “Ẹvbo e Devid” Ọ keghi gba ogba ikhẹ igbinna lẹga ẹre ke Iya ne a tie ẹre Mila yasẹ ẹguae.

II Ọba 22:14

Ẹre Hilkaia, Ahikam, Akbọ, Siafan kevbe Asaia na ya gualọ otọ ẹmwẹ na vbe obọ okhuo ọkpa ne a tie ẹre Hulda, akhasẹ nọ, ọ kegha rre vbe a la Jerusalẹm fo. (Ọdafẹn ọnrẹn ighẹ Sialọm ne ovbi e Tikva kevbe eyẹ Hahas, ọ re ọ gha gbearoghe ehe ne a viọ ukpọn ne a ya mu egbe vbe Ọgua Osa yi.) Iran keghi na iyẹn emwi ne ọ sunu ma rẹn.

II Krọnikol 3:1

Erha e Solomọn ne ọba mwamwa ehe ne a gha bọ Ọgua Osa ni yi, ye otọ nẹ. Uhunmwu Oke e Moraia ne ọ rre Jerusalẹm nọ, ehe ne Arauna ne ovbi ẹvbo e Jebus ya ru ehe ne a na wiẹn ọka, e Solomọn ne ọba keghi suẹn ọnrẹn ne a bọ,

II Krọnikol 32:22

Odẹ vbenian ọ re Nọyaẹnmwa ya miẹn Hẹzekaia kevbe ivbi e Jerusalẹm fan vbe obọ e Senakẹrib ne Ọgbaisi Asiria, kevbe vbe obọ avbe eghian iran ọvbehe. Ọ keghi gie emwa nii gha rrọọ vbe ọfumwegbe deba avbe ẹvbo ni lẹga iran.

II Krọnikol 33:14

Vbe iyeke ọnọna, e Manasẹ keghi do mu yan ekẹn ne a gbe lẹga ẹvbo e Devid vbe odẹ ore vbọ vbe obọ ne ọ mu ghe ahọ, ọ na suẹn ọnrẹn vbe ihọkpa vbe iya vbe ọkpẹn ovbi ẹzẹ e Gihọn vbe ẹvbo nii.

II Krọnikol 34:22

E Hilkaia kevbe iran nekpa keghi ru vbene ọba khare, iran keghi bu e Hulda ne akhasẹ ne okhuo ọkpa ne ọ rre obọ ne a da bọlọ vbe Jerusalẹm, ya gualọ otọ ẹre. (Ọdafẹn ọnrẹn ighẹ Sialọm ne ovbi e Tikva kevbe eyẹ Hahas, ọ re ọ gbearoghe ehe ne a viọ ukpọn yi vbe Ọgua Osa.) Iran keghi na iyẹn emwi ne ọ sunu ma okhuo nii.

Nehimaia 12:39

Ma keghi ke evba ya la Urho Ifreim gberra, Urho e Jesiana, Urho Ehẹn, Owa Ọkhẹ Ne gelete ọghe Hananẹl, kevbe Owa Ọkhẹ Ne gelete ọghe iran ne Iyisẹn ya sẹ Urho Ohuan. Ma keghi do mu ẹẹn ye otọ vbe ọkpẹn Urho Ọgua Osa.

Nehimaia 3:3

Ẹwae Hasenaa keghi bọ Onurho Ehẹn, Iran keghi mu egbaha kevbe ẹkhu ye ihẹ iran, iran keghi vbe mu asigbe kevbe ogba yọ ne a ya gha khui ẹre.

Aizaia 59:11

Ma runraẹn, ma keghi gha khiẹ. Ma rhie aro ye odẹ wẹ ne Osanobua do miẹn ima fan vbe obọ azẹ ọmwakpokpo, kevbe aru ọmwa khọ, sokpan, emwi rhọkpa ma sunu.

Jerimaia 39:2

Vbe ikpẹdẹ ne ogihinrin ọghe uki ne ogienẹ, vbe ukpo ne ogiowọrọ ne Zedekaia yae vbe ọba, iran keghi ha ekẹn ne a gbe lẹga ẹvbo gberra.

Jerimaia 4:31

I họn urhu eve ọkpa, ọ yevbe ọghe okhuo, ne emwi ubiẹmwẹ ru, vbe ọ khian biẹ ọmọ okaro. Utumwẹ e Jerusalẹm nọ, ọ gha hẹwẹ ukuke, o nien obọ ladian gha kha wee, “I wiri! Iran ra do gbe mwẹ uan.”

Ezikiẹl 6:13

A gha zagha avbe ikun orinmwi gba ehe ne avbe ẹbọ ye kevbe lẹga ogiukpo, a gha zagha ẹe lele avbe oke ni yo hia, vbe uhunmwu avbe oke nekhua hia, ototọ erhan ni mwẹ ebe hia, kevbe avbe okan ni kọnkọn, vbe ehe hia ne iran ghi na giẹẹn ese ne ẹbọ iran. Ẹghẹ nii, emwa hia gha rẹn ighe mẹ ọrọre Nọyaẹnmwa.

Emọs 8:3

Vbe ẹdẹ ne ẹdẹrriọ, egbọ ne a te viọ vbe uwu ẹguae gha khian utumwẹ akhiẹ. Ikun orinmwi gha gba ehehia. A ghi ya gha la iran kua vbene a i na vbe ta ẹmwẹ ọkpa.”

Zẹfanaia 1:15

Ẹdẹ ohu nọkhua khian gha nọ, ẹdẹ ọlọghọmwa kevbe ibaro, ẹdẹ ọrhiae kevbe ọfuan, ẹdẹ ebiebi kevbe akhiẹ, ẹdẹ ne ọ vuọn ne okuku kevbe ne ọ siere ua.

Zẹfanaia 1:7

Ẹdẹ ne Nọyaẹnmwa gha tota bu ohiẹn dee, rhunmwuda ọnii, wẹ hunwan zẹẹ vbe ehe ne ọ ye. E Nọyaẹnmwa wa mu egbe nian ne ọ ya emwa rẹn zọ ese, Ọ vbe gie ne a tie avbe eghian ne iran do fu emwi viọ vbe Juda.