Zẹfanaia 1:1 - Edo Bible (E Baibol Ẹdo) Version 1996

¹ Uhunmwu ne Nọyaẹnmwa giee Zẹfanaia re ọna khin, vbe ẹghẹ ne Josaia ne ovbi Amọn na gha re ọba e Juda (e Zẹfanaia na, ovbi uniẹn e Hẹzekaia ne ọba ọ re ọ gha khin, vbe obọ ne ọ laghe ọghe Amaraia, Gedalaia kevbe Kusi.)

Zẹfanaia 1:1 ပူးပေါင်းရင်းမြစ်များ

II Ọba 21:18

E Manasẹ keghi wu, a na re ẹre ye ogba ne ọ rre ẹguae ọghe Uza, ẹre Amọn ne ovbi ẹre na rriọba lele ẹe.

II Ọba 21:26

A keghi re Amọn ye idin ne ọ rre ogba Uza, ọ re Josaia ne ovbi ẹre na rriọba lele ẹe.

II Krọnikol 33:20

E Manasẹ keghi wu, a na re ẹre ye ẹguae. Amọn ne ovbi ẹre keghi rriọba lele ẹe.

Jerimaia 1:2

E Nọyaẹnmwa keghi gu e Jerimaia guan vbe ọ rre ukpo iwera ne ọ rriọba ighe Josaia ne ovbi Amọn ne ọ rriọba vbe Juda.

Jerimaia 22:11

E Nọyaẹnmwa keghi kha vbe ekpa ọghe ovbi e Josaia ighe Joahaz ne ọ rriọba e Juda lele erha ẹe wẹẹ, “Ọ kpao vbe emwa na rre nẹ, ẹ i ghi dọlegbe dee ọvbehe.

Jerimaia 25:3

“Ukpo eha yan ugie ọ re ọ ghi ye na, a tie ẹre ukpo iwera ne Josaia ne ovbi Amọn kegha re ọba e Juda gha dee do sẹ ẹdẹnẹrẹ na, ẹre Nọyaẹnmwa ya gha gunmwẹ guan, a ma he vbe miẹn wẹ I ma ta ẹmwẹ ne ọ tae ma uwa. Sokpan wa ma zẹ yọ.

Ezikiẹl 1:3

Vbe ọkpẹn Ẹzẹ e Kiẹba nii, I keghi họn vbe Nọyaẹnmwa gunmwẹ guan, I keghi vbe họn obọ ẹtin ẹnrẹn vbe egbe mwẹ.

Hozia 1:1

Ọna ọrọre uhunmwu ne Nọyaẹnmwa gie ẹre re ighe Hozia ne ovbi e Biẹri vbe ẹghẹ ne avbe Uzaia, Jotan, Ehaz kevbe Hẹzekaia na gha re ọba e Juda, ne Jeroboam ne ovbi e Jehoas na gha re ọba Izrẹl.

II Timoti 3:16

Rhunmwuda, Osanobua ọre ọ rhie ẹre ye iran ekhọe ighẹ emwa ni gbẹnnẹ avbe Ebe nii hia, ọ keghi vbe re emwi esiesi ne a ya ma emwa emwi ẹmwata ni, ne a ya gbe ọmwa hin ọkhọ rre, ne a ya rhie emwi ne a ma ru ẹse ye vbe ne ọ te kei yi, kevbe ne a ya bu ọmwa ude ne a gha yin ẹse.

II Pita 1:19

Rhunmwuda ọnii ọre ima na mwẹ amuẹntinyan ẹsẹse vbe ọghe orhu ne avbe akhasẹ do kpee. Emwi ne ọ gha ke ne uwa nọ, ne uwa mu aro ye ẹmwẹ ọnrẹn, rhunmwuda te ọ ye vbe ukpa ne ọ baa vbe ehe ne ọ so ebiebi rhinrin Ẹdẹ te do gbe, ne uwanmwẹ orhọnmwẹ owiẹ wan vbe uwu ekhọe uwa.