Taitọs 3:9 - Edo Bible (E Baibol Ẹdo) Version 1996

⁹ Sokpan wẹ ghi gha lẹ ne imuan ẹmwẹ oya, eni ne lọghọ ọghe erha odede ne ọ biẹ erha odede, ẹzọ, okhọn ne a khọn ba ẹmwẹ nene Uhi. Emwi oya ne ẹ i mwẹ esa ọre ehia khin.

Taitọs 3:9 ပူးပေါင်းရင်းမြစ်များ

Job 15:3

Ọmwa ne ọ wan ne ọ gha guan vbene uwẹ guan na i rrọọ, ra ne ọ gha ya ẹmwẹ ne ẹ i mwẹ emwi ne a ya ẹe kha zẹ ene unu ẹnrẹn.

I Kọrinti 13:2

Ọ gha khọn rẹn ne a ya we mwẹ wẹ I gha gu emwa guan, ọ ghi hin ehia uhunmwu, ọ gha khọn rẹn ne I rẹn emwi hia kevbe ne I rẹn otọ oro hia, ọ gha khọn rẹn ne I gha mwẹ iyayi hia ne ọ gha sẹ ọmwa ya vu oke mu fua, a deghẹ mẹ i mwẹ aho ẹmwẹ ọmwa, kẹkan ọre I khin.

I Kọrinti 8:1

Vbe ekpa emwi ne a ya ru ẹbọ: Ẹmwata nọ wẹ, “ma hia ọre ọ rẹn emwi,” zẹ vbe ne itan kha re. Sokpan egbe irẹnmwi vberriọ, uhiomwẹ ọre ọ si ye ọmwa egbe, sokpan ahọ ẹmwẹ ọmwa ọre ọ de ọmwa igiẹ.

I Timoti 4:7

Sokpan, u ghi gha lẹ ne umaranmwẹ ne ẹmwata Osanobua i ye nii, emwi ne ọ ma kei ne a gha ta. Tobọ gha ma egbe uẹ emwi ye uyinmwẹ vbe ọghe Osanobua.

II Timoti 2:14

Ye avbe emwa ruẹn emwi na rre, kakabọ yan ma iran vbe odaro Osanobua wẹ, ne iran ghẹ gha khọn ye ẹmwẹ vbene a ta ẹe hẹ. Ẹ i mwẹ ere rhọkpa, emwa ni danmwehọ ọre ọ gbe ẹre okọ ye amẹ.

II Timoti 2:16

Ghẹ mwẹ obọ vbe imuanẹmwẹ akpa ne imuohan Osanobua i ye, emwi ne ọ sua emwa khian rrei ne Osanobua.

II Timoti 2:23

Sokpan, gha lẹ ne igbagbanmwẹ akpa vbe abobo, u rẹnrẹn ighẹ ẹzọ ọre a ya mu ẹn ye otọ.

Taitọs 1:14

Ne iran ghẹ gha lele umaranmwẹ avbe Ju, kevbe iyi ne emwa ne agbọn yi, ne ọ ke obọ iran ni fi iyeke gbe ẹmwata rre.

Jems 4:1

De ehe ne ẹzọ kevbe igbinna la la uwu ẹbu uwa yi? Orriarria uwa, ye orhiẹnrhiẹn ne ọ gu egbe uwa gbinna ẹghẹ hia, ọ re ọ ke rre.