Taitọs 3:3 - Edo Bible (E Baibol Ẹdo) Version 1996

³ Rhunmwuda ẹghẹ ọkpa rrọọ ne ima tobọ ima na te vbe kọn, a i họn ẹmwẹ, a keghi vbe ba emwi ku ru. Orriarria kevbe emwi ni rhiẹnrhiẹn ughughan keghi mu ima oghunmwu. A ke gha lo ẹdẹ mwa hia vbe uwu ikhọẹko, kevbe oya ọmwa da ọmwa, emwa eso kegha khu iwu mwa, ma keghi vbe gha khọ ẹko iran.

Taitọs 3:3 ပူးပေါင်းရင်းမြစ်များ

Gẹnẹsis 38:9

Sokpan Onan rẹnrẹn wẹ ẹ i re irẹn ọre ọ ra yan emọ nii; rhunmwuda ọnii, ẹghẹ hia ne ọ ya miẹn amwẹ ọtiọnrẹn, ọ ghi mu eku ẹre ku otọ, ne ọtiọnrẹn ghẹ miẹn ehe na gha mwẹ urho.

Gẹnẹsis 39:16

Okhuo nii keghi da ukpọn nii yi rhinrin arowa ẹre e Josẹf te do sẹ owa.

Psalm 36:2

Rhunmwuda ukpo ne ọ yo ne ọ ro egbe ẹre yi, rẹn ro wẹ, Osanobua i ra miẹn otọ orukhọ ẹre, ne ọ bu abe gbẹe.

Itan 8:5

Wa ma he ye si uwan ra? Wa ruẹ ne uwa si uwan. Akpa wa khin ra. Wa ruẹ ne uwa gha wan.

Itan 9:6

Ladian vbe uwu ẹbu emwa ni ma rẹn ne a ye, ne u gha rre agbọn. Wẹ lele odẹ irẹnmwi.”

Aizaia 44:20

Ẹwaẹn ne ọ rre emwa ma vbe kpọlọsẹ ọghe ọmwa ne ọ rri emuẹn. Emwi akpa ne ọ rre ọre uhunmwu bibi ẹre odẹ sẹ vberriọ nẹ wẹ ẹ i ghi gia yọre obọ. Ẹ i sẹtin tae ma egbe ẹre wẹ amazẹ ne irẹn mu mwẹ obọ ighe ẹ i re Osanobua hiehiere.

Obedaia 1:3

Uhiomwẹ ruẹn ọ re ọ rẹrẹ ọ. Igiogbẹ ẹvbo ruẹ, ẹvbo ne a ya okuta ne ọ wegbe gbe odin ga nọ; owa ruẹ yo vbe uhunmwu oke nọkhua wẹ keghi rhunmwuda ọnii tama egbe ruẹ wẹẹ, ‘De ọmwa ne ọ gha sẹtin si mwẹ gbotọ?’

Matiu 21:29

Ọ wanniẹn wẹẹ, ‘I i sẹtin yo.’ Sokpan, vbe okiekie ẹre, ọ fi ekhọe werriẹ, ọ na gha khian.

Iyẹn ne ọ Maan Ọghe Luk 21:8

Jesu wanniẹn wẹẹ, “Wa gha ba egbe, wa ghẹ gie ọmwarhọkpa do uwa ọgboi rua. Rhunmwuda emwa ni bun ọre ọ gha rre vbe eni mwẹ do kha wẹẹ, ‘Mẹ nọ’ kevbe wẹ ‘Ẹghẹ sẹ nẹ!’ Sokpan wa ghẹ lele iran.

Iyẹn ne ọ Maan Ọghe Jọn 8:34

Jesu tama iran wẹẹ, “Ẹmwata I tama uwa, ọmwa ne ọ rhirhi ru orukhọ, ọviẹn orukhọ nọ.

Ebe ne Pọl gbẹẹn gie emwa Rom 11:30

Zẹ vbe ọghe uwa ne ẹ i re Ju, wa ma ka họn ẹmwẹ Osanobua ẹghẹ nii, sokpan, banbanna nian, wa miẹn itohan Osanobua rhie, rhunmwuda, ne avbe Ju ma na họn ẹmwẹ.

Ebe ne Pọl gbẹẹn gie emwa Rom 6:12

Ọ ma kei ne orukhọ gha khaemwisẹ yan ikinnegbe uwa ne ọ gha he wu na ọvbehe, ne uwa ghẹ ghi gha ru vbe ne ikinnegbe uwa kẹkan ho.

Ebe ne Pọl gbẹẹn gie emwa Rom 6:17

Rhunmwuda, vbe ẹghẹ ọkpa, eviẹn orukhọ ọre uwa te gha khin, sokpan vbe ne a ghi ye na nian, ekhọe uwa hia ọre uwa ghi ya ru zẹ vbene ẹmwata ne ọ rre uwu emwi ne a ma uwa ẹre khare.

Ebe ne Pọl gbẹẹn gie emwa Rom 6:22

Sokpan, banbanna nian, a fannọ uwa hin obọ orukhọ rre nẹ, eviẹn Osanobua ọre uwa ghi khin nian, rhunmwuda ọnii ẹdẹ agbọn uwa keghi re ne a ya fiohan nẹẹn, vbe okiekie, wa ghi do gha mwẹ ẹfe ne ẹ fo.

Ebe ne Pọl gbẹẹn gie emwa Rom 6:6

Rhunmwuda, ma rẹn ọnọna wẹ a gbe emwi ne ima te khin uan nẹ ba Kristi vbe uhunmwu ugbugbe ẹre, ne a miẹn ehe na fuẹn uan ighẹ ẹtin egbe nọ re ọghe orukhọ, ne ima ghẹ gha re ọviẹn orukhọ ọvbehe.

II Kọrinti 12:20

Afianma fian mwẹ wẹ, I gha sẹ evba, ẹ i re vbene I ho ne uwa gha ye I ra na do vba uwa, wa tobọ uwa ghi vbe miẹn wẹ, ẹ i re emwi ne uwa te ho ne imẹ gha khin ọre I khin. Afianma fian mwẹ wẹ, I gha do vba ẹzọ, oya ọmwa da ọmwa, ọkpankpan, arẹn ne egbe mwa ọkpa, ọtakhọ, kevbe ewẹwẹwẹ, uhiomwẹ kevbe otighi.

Galatia 6:3

A deghẹ orhiọnkpa tie egbe ẹre ọmwa kpataki, ugbẹn vbe ẹ i mwẹ emwi ne ọ khin, egbe ẹre ọre ọ rẹrẹ.

Kọlose 1:21

Vbe ẹghẹ ọkpa, wa keghi te wa khian rrei ne Osanobua, wa na ya eghian su ẹe vbe ekpa emwi dan ne uwa roro kevbe ne uwa ru.

Kọlose 3:7

Uwu ẹbu emwa vberriọ, ọre uwa tobọ uwa te ka la khian yi, ẹghẹ ne a na miẹn wẹ, egbe orriarria vberriọ, ọre ọ hiẹnhiẹn yan ẹdẹ agbọn uwa.

II Timoti 3:13

Sokpan avbe emwa dan kevbe ayunukpaegbe ghi gha rhia yọ rhia yọ, iran ghi gha mu emwa ọvbehe rẹrẹ, a ghi vbe gha mu iran tobọ iran rẹrẹ.

II Timoti 3:6

Eso vbe uwu iran ghi gha la owa, iran ghi ya gha lo iran vbene ọ khọn iran, ighẹ avbe ikhuo ne emitan, ne abe oghẹ orukhọ ne iran ru, yẹnyẹn ginna otọ, kevbe ne aho ughughan khu khian,

Taitọs 1:16

Iran ghi gha ye unu kha ighẹ iran rẹn Osanobua, sokpan uyinmwẹ iran ghi gha kha ighẹ ohoghe nọ. Iran ghi vuọn ne ẹkokhọmwẹ, iran i họn ẹmwẹ, iran i vbe sẹtin ru emwi ne ọ maa rhọkpa.

Taitọs 2:12

Ẹsọhẹ ni ọre ọ ma ima ẹre, ne a gha zobọ vbe avbe uyinmwẹ ne ẹ i re ọghe Osanobua, kevbe orriarria emwi agbọn na hia, ne a gha yin uyinmwẹ a i balọ egbe ne ọ mudia ẹse, kevbe uyinmwẹ ne ọ khọ ọghe Osanobua vbe agbọn na.

Jems 1:26

Deghẹ ọmwaikọmwa ro ighẹ ọmwa ne ọ mwẹ iyayi rẹn khin, a deghẹ ẹ i rhie aranmwẹ kọ ẹho guan, iyayi ẹre i mwẹ esa.

I Pita 1:14

Wa gha họn ẹmwẹ ne Osanobua, wa ghẹ gie a miẹn wẹ avbe emwi ne uwa te rriarria ba ẹghẹ ne uwa na he re ne ọ ma rẹn ne a ye, ye gha ma uwa emwi ne uwa gha ru.

Arhie Maan 12:9

A keghi mu Ugbogiorinmwi ne gẹdẹgbẹ nii fua. Rẹn ọrọre ẹyẹn nẹdẹ nii, ne a tie ẹre Setan, ne ọ mu otọ agbọn hia rẹrẹ. A keghi fi ẹe fi agbọn ke ẹe kevbe avbe odibo ẹre hia.

Arhie Maan 13:14

Ọ keghi ye iwinna ọyunnuan ne a rhie ẹghẹ nẹẹn ya winna mu emwa hia ni rre agbọn rẹrẹ vbe sirra aranmwẹ oha ne okaro nii. Aranmwẹ oha na keghi wẹ ne emwa ne agbọn hia ma amazẹ ọkpa ne a ya ya ọghọ nẹẹn ighẹ aranmwẹ oha nii ne a ya umozo kuan rẹn egbe ne ọ ma wu.

Arhie Maan 18:2

Ọ keghi ya urhu ne ọ la kha wẹẹ, “Ọ de guọghọ ua nẹ! Babilọn nọkhua de guọghọ ua, a vbe orhiọn dan kevbe orhiọn ni ma huan, ọre ọ ghi lọyan yo lọyan rre vbọ. Ahianmwẹ ni gbiruẹn kevbe ọ ghe izohu hia ọre ọ ghi rre uwu ẹre.