Taitọs 3:14 - Edo Bible (E Baibol Ẹdo) Version 1996

¹⁴ Ma emwa ima ẹre ne iran gha lo ẹghẹ iran ya winna iwinna esi, ne iran gha khuan ye emwi ne ọ kere ne a gha mwẹ. Wẹ ne iran ghẹ gha rre agbọn ọ rhiae.

Taitọs 3:14 ပူးပေါင်းရင်းမြစ်များ

Aizaia 61:3

ne I ya rhie ne iran ni khiẹ vbe Zaiọn oghọghọ kevbe ọyẹnmwẹ ye ihe akhiẹ. Ihuan urhomwẹ ye ihe akhiẹ. Iran gha yevbe avbe erhan, ne Nọyaẹnmwa tobọ ẹre kọ. Iran gha ru emwi ne ọ kere a gha vbe rho Osanobua ye iwinna ne ọ winna ẹn.

Matiu 21:19

Rẹn keghi bẹghe erhan ohọ ọkpa vbe ọkpẹn odẹ. Sokpan ọ ma miẹn emwi rhọkpa vbe uhunmwu ẹnrẹn gberra ebe. Rhunmwuda ọnii Jesu tama erhan ohọ nii wẹẹ, “U i ghi dọlegbe mọ ọvbehe.” Erhan ohọ ni keghi kaka ọwarọkpa nii.

Matiu 7:19

Erhan ne ọ ma mọ ọmọ esi, a gha tọẹn gbe otọ, a ghi hiọrọe fi erhẹn.

Iyẹn ne ọ Maan Ọghe Jọn 15:16

Ẹ i re uwa ọre ọ hannọ mwẹ zẹ, mẹ ọre ọ hannọ uwa zẹ, I na vbe wẹ ne uwa ya kakabọ gha mọ, ọmọ ne ẹ i khuọn kua. Emwi ne uwa a rhirhi nọ Erha re vbe eni mwẹ, ọ gha rhie ẹre ne uwa.

Iyẹn ne ọ Maan Ọghe Jọn 15:8

Odẹ vberriọ ọre a ya rhie uyi Erha mwẹ maa, wa ghi kakabọ mọ, wa ghi do gha re erhuanegbe mwẹ.

Iwinna 18:3

Ọ keghi di owa iran ya, ọ na deba iran gha winna, rhunmwuda owa ukpọn ne a bọ ọre irẹn ya rri evbare zẹ vbe ne iran na vbe ye.

Iwinna 20:35

Vbe uwu emwi hia, I rhie ma uwa wẹ vbe nian ọre ọ kere ne I ma kakabọ gha winna ne a miẹn ehe na ye iran ni ma wo vbe egbe obọ. Wa ye ẹmwẹ ne Nọyaẹnmwa Jesu tobọ ẹre ta ẹe rre wẹẹ, ‘Ne a gha rhie ne emwa ọvbehe ọre ọghọ ye sẹ ne a gha ghe emwa ọvbehe obọ.’ ”

Ebe ne Pọl gbẹẹn gie emwa Rom 12:13

Wa gha ghae ne etẹn uwa ne ẹ i mwẹ emwi vbe uwu emwi ne uwa mwẹ, wa gha sẹ oyaya mu erhunmwuyẹn.

Ebe ne Pọl gbẹẹn gie emwa Rom 15:28

I gha ghi winna iwinna na fo nẹ, ighẹ I ghi viọ igho hia ne a koko ne iran ye iran obọ nẹ, I ghi gha rrie Spen, I gha khian nii ọre I gha na do van tuẹ uwa.

Ẹfisọs 4:28

Ọmwa ne ọ te ka rha yi, wẹ ne ọ dobọ oyi ne a rha yi, ne ọ suẹn gha winna, ne ọ miẹn ehe na gha khuan okhuan ne ai gbe ikhan yi ọghe obọ ẹre, kevbe ne ọ sẹtin vbe gha ye ne ẹ i mwẹ obọ.

Filipai 1:11

Ẹdẹ agbọn uwa ghi do vuọn ne avbe emwi ne ọre ne ọ maa, ọghe ẹmwata ne a ghe ginna ọmwa, ne Jesu Kristi ọkpa sẹtin rhie ladian ne uyi kevbe urhomwẹ Osanobua.

Filipai 4:16

Ọ gberra uhukpa ne a miẹn wẹ, ẹghẹ, ne I na i mwẹ iyobọ vbe Tẹsalonaika, wa keghi gie ne a rhie gun mwẹ.

Filipai 4:17

Ẹ i re wẹ emwi ọhẹ ọre ọ gha khọn mwẹ ne a miẹn, sokpan, I kegha ho ne a rhie ere ne a re ba igho ne aroro ye otọ ne uwa.

Kọlose 1:10

Ẹghẹ nii, wa ghi sẹtin do gha yin vbene Nọyaẹnmwa ho, wa ghi vbe gha ru emwi ne ọ yẹ ọre. Ẹdẹ agbọn uwa ghi do gha mọ ọmọ iwinna ne ọ maa ughughan hia, wa ghi vbe gha wan yọ vbe uwu vbe ne uwa rẹn Osanobua hẹ.

I Tẹsalonaika 2:9

Ẹ i mwẹ ne uwa ghẹ yerre etẹn mwẹ, vbene ima winna miẹn ẹsọn hẹẹ. Asọn kevbe avan, ọre ima ya gha winna ne ima ghẹ miẹn ehe na gha re emwi idobọ ne uwa, vbe ẹghẹ ne ima na kpe orhu nene Iyẹn Ne ọ maa ma uwa.

II Tẹsalonaika 3:8

Ma ma miẹn eghọ ọmwaikọmwa vbe ne ima ma na ha osa yọ, vberriọ te ima gha winna, a na gha miẹn ẹsọn, asọn kevbe avan, ọ re ima ya gha winna, ne a ghẹ do khian osa ye ọmwaikọmwa urhu vbe uwu uwa.

Taitọs 2:8

Gha lo ẹmwẹ ne ọ gbae ne ẹ i gia gbe odan ye ọmwa ẹre, ne ekhue miẹn ehe na mu avbe eghian ighẹ iran ma ghi miẹn emwi rhọkpa ya zan ima.

Taitọs 3:8

Ẹmwata ọre ẹmwẹ na khin. I ho ne u kakabọ tua unu mu ẹmwẹ na, ne iran ni ya Osanobua yi miẹn ehe na mu aro ye ẹmwẹ iwinna esi ne a winna. Ena ọrọre emwi ne ọ maa kevbe ne ọ ke ne emwa.

II Pita 1:8

Enena ọrọre emwi ne a gie ọmwa mu ne ọ khẹ ke uwa, a deghẹ wa vbe mwẹ ọnrẹn bun sẹ, ọ gha ya uwa khian ne ọ sẹtin fian emwi gbua, kevbe ne egbe sasa vbe uwu vbene uwa rẹn Nọyaẹnmwa Jesu Kristi hẹ.