Taitọs 3:13 - Edo Bible (E Baibol Ẹdo) Version 1996

¹³ Hia ne u ru iyobọ ne Zenas ne ulaya, ke ẹe kevbe Apọlọs, ne iran ya suẹn okhian iran, u ghi miẹn wẹ, a viọ emwi ne iran gha lo hia ne iran.

Taitọs 3:13 ပူးပေါင်းရင်းမြစ်များ

Matiu 22:35

Ọkpa vbe uwu iran ne ọ vbe re ne ọ ma emwa Uhi keghi fi aranmwẹ ye ọre irho, ọ wẹẹ,

Iyẹn ne ọ Maan Ọghe Luk 10:25

Okpia ne ọ ma emwa Uhi ọkpa keghi do gualọ Jesu ẹmwẹ ne unu, ọ nọ rẹn wẹ, “Ọmamwaemwi, vbe i a gha ru ne a rrọọ etẹbitẹ miẹn ehe na sẹ mwẹ obọ?”

Iyẹn ne ọ Maan Ọghe Luk 11:45

Ọkpa vbe uwu iran ni ma emwa Uhi keghi tama rẹn wẹẹ, “Ọmamwaemwi, vbe ne u tae na, te u vbe zan ima ba ẹre!”

Iyẹn ne ọ Maan Ọghe Luk 11:52

“Ọ sẹ uwa, wa ni ma emwa Uhi! Wa rhie isanhẹn urho irẹnmwi mwẹ, wa tobọ uwa ma la owa, wa ma gie ne ọ ho ne ọ la owa, la owa.”

Iyẹn ne ọ Maan Ọghe Luk 14:3

Jesu keghi yama avbe iran ni ma emwa Uhi kevbe avbe Farisi wẹẹ, “Uhi ima gele kha ne a gha sinmwi ọmwa vbe Ẹdẹ Ikẹtin ra ọ ma kha vberriọ?”

Iyẹn ne ọ Maan Ọghe Luk 7:30

Sokpan avbe Farisi kevbe iran ni ma emwa Uhi ma ye obọ ye emwamwa ne Osanobua ru vbekpa iran, iran ma gie Jọn samẹ ne iran.

Iwinna 15:3

Esọsi keghi do gie iran gha khian, ehe ne iran na la Fonisia kevbe Sameria gberra, iran keghi vbe gha na iyẹn vbene emwa ni ne ẹ i re Ju vbe fiwerriẹ bu Osanobua gha dee hẹ, ẹmwẹ na keghi ye ẹko avbe etẹn hia rhiẹnrhiẹn.

Iwinna 18:24

E Ju ọkpa ne a tie eni ẹnrẹn Apọlọs, ne a biẹe vbe Alẹkzandria kegha die Ẹfisọs. Ọmwa ne ẹmwẹ ma ẹre unu nọ, ọ keghi vbe rẹn Ebe ni ẹsẹse.

Iwinna 19:1

Ẹghẹ ne Apọlọs na gha rre Kọrinti, e Pọl keghi khian la uwu otọ ẹvbo nii, ọ keghi lae do sẹ Ẹfisọs. Rẹn keghi vbe miẹn erhuanegbe eso vbe evba.

Iwinna 21:5

Sokpan ẹghẹ ne ima gu iran gbe ghi gba nẹ, ma keghi kpao, a na la odẹ. Iran hia, emọ kevbe amwẹ keghi su ima ya sẹ ehe ne ẹvbo ni sẹe. Ma hia keghi diguẹ vbe ọkpẹn ẹzẹ, ma na na erhunmwu.

Iwinna 28:10

Iran keghi ya emwi ni bun ha oko gie ima. Ma ghi la okọ, iran keghi viọ emwi ne ọ gha sẹ ima lo vbe okhian ẹzẹ ni ye ima okọ.

Ebe ne Pọl gbẹẹn gie emwa Rom 15:24

I mwẹ idaehọ ighẹ I gha ru vberriọ nian. I gha do miẹn uwa aro vbe i a gha rrie Spen, ne uwa miẹn ehe na ru iyobọ mẹ ne I ya sẹ odọ vbe I gha ghi tuẹ uwa kpẹe nẹ kherhe.

I Kọrinti 16:11

Ọmwa rhọkpa ghẹ ye aro gbe ẹe re, sokpan wa ghi ru iyobọ nẹẹn ne ọ ya si okhian rẹn vbe ọfumwegbe, ne ọ miẹn ehe na dọlegbe bu mwẹ gha dee. Rhunmwuda, te I rhie aro ye odẹ gha khẹ ne irẹn vbe avbe etẹn ne ikpia werriegbe rre.

I Kọrinti 16:12

Ẹn hẹn, vbe ekpa ọghe ọtẹn mwẹ ighẹ Apọlọs, ọ kpẹre ne I kegha kpikpi ẹe ne irẹn vbe etẹn nekpa do tuẹ uwa, sokpan, ọ ma he mu ẹre ekhọe ne ọ rre vbe ẹghẹ na, vbene ọ rhirhi gha ye hẹ, ọ gha miẹn obọ, ọ gha rre.