Taitọs 3:11 - Edo Bible (E Baibol Ẹdo) Version 1996

¹¹ Rhunmwuda, u rẹnrẹn ighẹ te ọmwa vberriọ sakan an, orukhọ ẹre vbe rhie maa ighẹ te ọ ba odẹ ku.

Taitọs 3:11 ပူးပေါင်းရင်းမြစ်များ

Iyẹn ne ọ Maan Ọghe Luk 19:22

Rẹn tama rẹn wẹẹ, ‘Ọguọmwadia dan, ẹmwẹ ne unu ruẹn ọre I ra ya bu ohiẹn gbe uẹ. U rẹnrẹn ighe I wegbe aro, I ghi gha viọ emwi ne I ma yan, I ghi vbe gha rhọ emwi ne I ma kọ,

Iyẹn ne ọ Maan Ọghe Luk 7:30

Sokpan avbe Farisi kevbe iran ni ma emwa Uhi ma ye obọ ye emwamwa ne Osanobua ru vbekpa iran, iran ma gie Jọn samẹ ne iran.

Iyẹn ne ọ Maan Ọghe Jọn 3:18

Ọmwaikọmwa ne ọ ya ọmọ yi, a i ghi bu ohiẹn ọnrẹn sokpan ọmwaikọmwa ne ọ ma ya ẹe yi, a bu ohiẹn ọnrẹn nẹ rhunmwuda ọ ma ya ukpọmọkpa ọghe Osanobua yi.

Iwinna 13:46

Sokpan Pọl kevbe Banabas keghi dọlegbe ya udinmwẹ tua unu muẹn wẹẹ, “Emwi ne ọ kere ẹsẹse te nọ wẹ, wa ọre a gha ka ta ẹmwẹ Osanobua ma, sokpan vbe ne uwa ma ghi na rhan obọ miẹn rẹn nian, wa na wẹ, wa ma ka egbe uwa ye emwa ni ke ye ẹfe ne ẹ i fo, ma gha sẹ uwa rae ne ima bu iran ne ẹ i re Ju.

Iwinna 15:24

Ma họn ẹn wẹ ivbi otu mwa eso bu uwa gha dee, iran keghi do gha guan ẹmwẹ eso ya gha kpokpo uwa, iran na vbe mu uwa orhiọn rueghe. Vbe ne ọ rhirhi gha ye hẹ, ma ma gie iran ne iran do ru emwi vberriọ.

Iwinna 23:25

Ne ọ khaemwisẹ keghi gbẹn ebe vbe nian rhie lele ẹe:

Ebe ne Pọl gbẹẹn gie emwa Rom 3:19

Ma rẹnrẹn wẹ emwa ne ọ yan Uhi ọre emwi ne ọ rre Uhi kan rẹn, ne a miẹn ehe na gbe ukhu aho gui emwa ne agbọn rua, ne a mu agbọn na hia ye obọ ibuohiẹn Osanobua.

II Timoti 2:14

Ye avbe emwa ruẹn emwi na rre, kakabọ yan ma iran vbe odaro Osanobua wẹ, ne iran ghẹ gha khọn ye ẹmwẹ vbene a ta ẹe hẹ. Ẹ i mwẹ ere rhọkpa, emwa ni danmwehọ ọre ọ gbe ẹre okọ ye amẹ.

Taitọs 1:11

Ọ kere ne a da iran obọ ẹmwẹ ne iran guan yi, rhunmwuda, igiowa ni bun ọre iran ye emwi ne ọ ma te kei ne iran ma emwa ẹre, gbe sẹ otọ, ba ẹmwẹ emwiekhue wẹ, te iran gualọ igho.

Taitọs 1:14

Ne iran ghẹ gha lele umaranmwẹ avbe Ju, kevbe iyi ne emwa ne agbọn yi, ne ọ ke obọ iran ni fi iyeke gbe ẹmwata rre.

Hibru 10:26

Rhunmwuda, ese ọvbehe ne ọ gha kpe orukhọ kua i ghi rrọọ, a deghẹ ma ye ma gha ru orukhọ khian, iyeke vbe a rhie nene ẹmwata ma ima nẹ.