Taitọs 2:8 - Edo Bible (E Baibol Ẹdo) Version 1996

⁸ Gha lo ẹmwẹ ne ọ gbae ne ẹ i gia gbe odan ye ọmwa ẹre, ne ekhue miẹn ehe na mu avbe eghian ighẹ iran ma ghi miẹn emwi rhọkpa ya zan ima.

Taitọs 2:8 ပူးပေါင်းရင်းမြစ်များ

Nehimaia 5:9

Ẹre imẹ ghi na kha wẹẹ, “Emwi ne uwa ru na i maa. Ọ te kei ne uwa yọghọ ne Osanobua, ne uwa ru emwi ne ọ kere. Ẹghẹ nii, wa ghẹ i rhie otọ ne avbe eghian mwa, iran ne ẹ i re Ju, ne iran ya gha zan mwa.

Aizaia 66:5

Danmwehọ vbene Nọyaẹnmwa kha hẹ, wa ni mu ohan rẹn, ni vbe họn ẹmwẹ ne ẹẹn: “Rhunmwuda ighẹ wa rhie egbe mu mwẹ, eso vbe uwu avbe emwa khọ ẹko uwa, iran i vbe gu uwa mu obọ hiehiere. Iran ya uwa gbe ogiẹ, iran ghi vbe kha wẹẹ, ‘Wa gie Nọyaẹnmwa rhie ukpọlọmwẹ ọnrẹn ma nian, ne ọ miẹn uwa fan, ne ima miẹn ọẹn vbe uwa a gha ghọghọ.’ Sokpan, te a ra fa iran tobọ iran an.

Iyẹn ne ọ Maan Ọghe Mak 12:17

Jesu wanniẹn tama iran wẹẹ, “Rhunmwuda ọnii, wa rhie emwi ne ọ re ọghe Nọgbaisi nẹ ẹn, ne uwa vbe rhie ne ọ re ọghe Osanobua ne Osanobua!” Ẹmwẹ ọnrẹn keghi wa yan iran unu uan.

Iyẹn ne ọ Maan Ọghe Mak 12:28

Ọkpa vbe uwu iran ni ma emwa Uhi ne ọ rre evba keghi họn imuan ẹmwẹ na. Ugbẹn vbe ọ ghi miẹn vbene Jesu wanniẹn avbe Sadusi ẹmwẹ ẹse hẹẹ, rẹn keghi bu ẹre gha dee do nọ rẹn wẹẹ, “De ne ọ re ne ọkpọlọ sẹ vbe uwu avbe uhi hia?”

Iyẹn ne ọ Maan Ọghe Mak 12:32

Ne ọma emwa Uhi nii keghi wanniẹn tama Jesu wẹẹ, “Ọbevbaru Ọmamwaemwi. Ẹmwata wa nọ zẹ vbene u tae nii wẹẹ, Nọyaẹnmwa ọkpa ọrọre Osanobua kevbe wẹ Osanobua ọvbehe i ghi vbe rrọọ gberra irẹn.

Iyẹn ne ọ Maan Ọghe Mak 12:34

Ugbẹn vbe Jesu ghi miẹn vbene ọ ye ẹwaẹn rhie ewanniẹn yọ hẹẹ, ọ tama rẹn wẹẹ, “U ma ghi khian rrei ne Arriọba Osanobua.” Ama miẹn ọmwa ne ohan ghi gie ẹe nọ Jesu ọta vbe iyeke ọnọna.

Iyẹn ne ọ Maan Ọghe Luk 13:17

Ewanniẹn ne ọ rhie yọ na keghi wa ya ekhue mu avbe eghian rẹn hia, sokpan ẹko kegha sẹ emwa hia ọyẹnmwẹ rhunmwuda iwinna ọyunnuan ne ọ winnaẹn.

II Tẹsalonaika 3:14

Emwa eso sẹtin gha rre evba ne ẹ i ra zẹ ye ẹmwẹ ne ima gbẹnnẹ ye ebe na. A deghẹ ọ ye rriọ, wa ye ẹre ẹro ne uwa ghẹ gu ẹe mu obọ hiehie, ne ekhue miẹn ehe na muẹn.

I Timoti 5:14

Rhunmwuda ọnii, emwi ne I ho ọrọre wẹ ne avbe ẹgbẹ ni re ibiẹka gha rọnmwẹ ọdọ, ne iran biẹlẹ, ne iran gbe aro ghe owa iran, ne a ghẹ rhie otọ ne iran ne eghian mwa ya gha zan mwa.

I Timoti 6:3

Ọmwa ne ọ rhirhi ma emwa emwi ọvbehe, ne ọ ma gu ẹmwẹ ẹmwata ọghe Nọyaẹnmwa Jesu Kristi kevbe iruẹmwi iyayi mwa ro.

Taitọs 3:14

Ma emwa ima ẹre ne iran gha lo ẹghẹ iran ya winna iwinna esi, ne iran gha khuan ye emwi ne ọ kere ne a gha mwẹ. Wẹ ne iran ghẹ gha rre agbọn ọ rhiae.

I Pita 2:12

Wa gie uyinmwẹ ne uwa yin maa sẹ rriọ vbe uwu ẹbu avbe eni ma yayi wẹ, iran gha ba uwa ifi ẹzọ wẹ emwi dan ọre uwa ru, iran ghi vbe tobọ iran kha wẹ, wa vbe ru emwi esi, rhunmwuda ọnii, iran ghi rho Osanobua vbe Ẹdẹ ne ọ ra rre.

I Pita 2:15

Rhunmwuda, vbene Osanobua ho ẹre yi ọna khin: Ọ ho ne uwa ya uyinmwẹ esi uwa gbe ọta ye iran unu, ighẹ iran ni kọẹn ni guan ẹmwẹ ogboi.

I Pita 3:16

Sokpan u ghi ru ẹre ọghe ọghọ vbe ute. Ghẹ gie ekhọe ruẹ bu ohiẹn gbe uẹ hiehiere, a i rẹn deghẹ te a ghi ya ukpẹ sakan uwa, ọmwaikọmwa ne ọ ya unu rhia uwa, vbe ekpa uyinmwẹ ne uwa yin, zẹ vbe ne ọ lele Kristi, ekhue ghi mu iran ba ẹmwẹ ne iran ta.