Taitọs 2:6 - Edo Bible (E Baibol Ẹdo) Version 1996

⁶ Erriọ vbe nọ, u ghi vbe tama avbe igbama ne iran ghẹ gha balọ egbe.

Taitọs 2:6 ပူးပေါင်းရင်းမြစ်များ

Job 29:8

ibiẹka gha bẹghe mwẹ, iran ghi hẹko biegbe, eniwanrẹn ghi gha kpaegbe ya ọghọ mẹ.

Psalm 148:12

Evbokhunvbi kevbe avbe adesusu, avbe ọmaẹn kevbe ibiẹka.

Asan-Ibo 11:9

Wa ne igbama, wa gha zọmọ igbama uwa. Gie ẹko gha sẹ uwa ọyẹnmwẹ vbene uwa he ye rre igbama na. Ru emwi ne u ho ne u ru, vbe rhie obọ lele emwi ne ọ rre orhiọn ruẹn. Sokpan ye rre wẹ Osanobua gha bu ohiẹn ruẹn vbekpa emwikemwi ne u rhirhi a ru.

Asan-Ibo 12:1

Rhunmwuda ọnii, ye Ayi ne ọ yii uẹ rre vbe ne u he na re ọvbokhan na, vbe ẹdẹ oya kevbe ukpo ẹhorriẹ nii ma he rre, ẹghẹ ne u gha na gha kha wẹẹ, “Ehia khan mwẹ nẹ.”

Joẹl 2:28

“Vbe okiekie, I gha hihiẹ orhiọn mwẹ yan dọmwadẹ emwa, ivbi uwa nikpia kevbe ivbi uwa nikhuo ghi gha ta uhunmwu ne I gie; avbe ọmaẹn ghi gha mina, avbe igbama ghi gha miẹn umian.

I Tẹsalonaika 5:6

Rhunmwuda ọnii, ọ ma kei ne ima gha vbiẹ zẹ vbe iran nekpa, ọ kere ne ima rhiọrre, ne aro gbannọ ima vbe uhunmwu.

I Timoti 5:1

Ghẹ gu ọmwa ne ọwan sẹ ruẹ gui, sokpan heko gu ẹe guan vbene a miẹn wẹ erha a nọ. Gha ya obọ mu iran ne u wan sẹẹ, zẹ vbe etuẹn ne ikpia,

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”

I Jọn 2:13

I gbẹn ebe gie uwa, wa ne avbe erha emọ, rhunmwuda, wa rẹn ne ọ rrọọ ke omuhẹn gha dee, I gbẹn ebe gie igbama, rhunmwuda wa mu ẹn gbe otọ nẹ ighẹ Ọmwa Dan ni.