Taitọs 2:15 - Edo Bible (E Baibol Ẹdo) Version 1996

¹⁵ Gha ma emwa avbe emwi na hia, vbe gha lo asẹ hia ne ọ gu ẹe vbe uwu ẹghẹ ne u na rhie igiẹdu ne iran, kevbe ne u na vbe gu iran gui hin ọkhọ rre, ighẹ iran ni danmwehọ ruẹ. Ghẹ gie ọmwa rhọkpa vbe uwu iran ye aro gue uẹ re.

Taitọs 2:15 ပူးပေါင်းရင်းမြစ်များ

Matiu 7:29

Ọ ma ye vbe iran ni ma emwa Uhi. Ẹmwẹ asẹ ọghe obọ ẹre ọre ọ ta.

Iyẹn ne ọ Maan Ọghe Mak 1:22

Unu keghi yan emwa hia ni miẹn ọẹn ye vbene ọ ya ma emwa emwi hẹẹ, ọ ma yevbe iran ni ma emwa Uhi, sokpan ọ kegha ye asẹ ma emwa emwi.

Iyẹn ne ọ Maan Ọghe Mak 1:27

Unu keghi yan emwa hia, iran keghi suẹn gha guegbe guan wẹẹ, “Vbe ọna khin? Iruẹmwi ọgbọn, okpia na wa mwẹ asẹ ne ọ ya tama avbe orhiọn vbene iran gha khian hẹ, iran ghi vbe gha họn ẹmwẹ nẹẹn.”

Iyẹn ne ọ Maan Ọghe Luk 4:36

Unu keghi yan emwa hia, iran keghi kha wẹ, “Vbe a tie ena vbe emwi? Ẹtin kevbe asẹ ọre okpia na ya gu avbe orhiọn esu guan, iran ghi gele ladian.”

I Kọrinti 16:11

Ọmwa rhọkpa ghẹ ye aro gbe ẹe re, sokpan wa ghi ru iyobọ nẹẹn ne ọ ya si okhian rẹn vbe ọfumwegbe, ne ọ miẹn ehe na dọlegbe bu mwẹ gha dee. Rhunmwuda, te I rhie aro ye odẹ gha khẹ ne irẹn vbe avbe etẹn ne ikpia werriegbe rre.

I Timoti 5:20

Gu ọmwa ne ọ ru khọ gui vbe sirra emwa hia ne emwa nekpa miẹn ehe na gha mwẹ imuohan.

II Timoti 4:2

Gha kpe orhu nene ẹmwẹ, mu yan rẹn wẹ, ne a gha ta ẹe, deghẹ ẹghẹ ke yọ, ra ọ ma ke yọ ne u gha yae la emwa ekhọe, ne u gha gu ọmwa gui, ne u gha rhie igiẹdu ne emwa, kevbe ne u gha ye i ziengbe ma emwa emwi.

Taitọs 1:13

Ẹmwata ọre ẹmwẹ ne ọ tae khin, rhunmwuda ọnii, u ghi gha kakabọ gu iran gui ye abakuru iran, ne iran miẹn ehe na gha mwẹ iyayi ne egbe rran rẹn.

I Pita 4:11

Ne ọ kpe orhu, we ne ọ gha kpe orhu ẹmwẹ Osanobua, ne ọ ga emwa ọvbehe, we ne ọ gha ya ẹtin ne Osanobua rhie nẹẹn hia ga, ne a miẹn ehe na miẹn wẹ, vbe uwu emwi hia, te a ghi la ekpa Jesu Kristi rhie urhomwẹ ne Osanobua, ọmwa ne ọ yan ẹtin kevbe uyi ẹdẹ kevbe ẹdẹdẹmwẹdẹ. Isẹ.