Taitọs 2:11 - Edo Bible (E Baibol Ẹdo) Version 1996

¹¹ Rhunmwuda, Osanobua rhie ẹsọhẹ ọghọe ne a miẹn nẹ, vbe ekpa ọghe imiẹnfan emwa hia.

Taitọs 2:11 ပူးပေါင်းရင်းမြစ်များ

Psalm 67:2

Ne agbọn hia miẹn ehe na rẹn iho ruẹ ne agbọn na hia miẹn ehe na rẹn imiẹnfan ruẹn.

Psalm 84:11

E Nọyaẹnmwa ọrọre ne ọ degue mwa, kevbe ọba uyi, ne ọ ya itohan kevbe ọghọ fiangbe mwa. Ẹ i gban emwi ne ọ maa rhọkpa, hin obọ iran ni ru vbene ọ kere rre.

Psalm 96:10

Wa tama agbọn ẹvbo hia wẹẹ, “E Nọyaẹnmwa ọrọre ọba! A mu agbọn na uhe sẹ otọ nẹ gbain vbe ihe ẹre, ai ghi sẹtin werriẹ ọe, ọ gha ye ẹmwata bu ohiẹn avbe emwa nii.”

Aizaia 45:22

“Wa bu mwẹ gha dee nian ne uwa miẹn ehe na fe wa ne emwa hia ni rre agbọn! Mẹ ọkpa ọrọre Osanobua ne ọ rrọọ.

Aizaia 49:6

E Nọyaẹnmwa keghi tama mwẹ wẹẹ, “I mwẹ iwinna ne ọ sẹ ọna ne I wa ye otọ khẹ ruẹ ọguọmwadia mwẹ. Ẹire ne u viọ ivbi Izrẹl ni ghi kẹe werriegbe ye ihe ukpọlọmwẹ ọkpa; sokpan, I gha vbe ya a ru uwanmwẹ, ọghe avbe uhunmwu ẹvbo ne a sẹtin miẹn otọ agbọn hia fan.”

Aizaia 52:10

E Nọyaẹnmwa gha lo ẹtin ẹnrẹn nọhuanrẹn ọ gha miẹn rẹn fan agbọn na hia gha vbe miẹn ọẹn.

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

Zẹkaraia 4:7

Idobo ni ye vbe oke ni yo gha we yo hin odaro ruẹ rre. U gha dọlọ Ọgua Osa bọ. U gha ghi mu ibiriki ne okiekie yọ, emwa hia ghi wee, ‘Imose, imose!’ ”

Matiu 28:19

Wa bu emwa hia gha rrie ehe hia ne uwa ya gha ya iran khian erhuanegbe mwẹ, wa gha samẹ ne iran vbe Eni ọghe Erha, kevbe Ọmọ kevbe ọghe Orhiọn Ne Ọ Huanrẹn.

Iyẹn ne ọ Maan Ọghe Mak 16:15

Ọ tama iran wẹẹ, “wa gha rrie uwu agbọn hia ne uwa vbe ya kpe orhu iyẹn ne ọ maa ma emwa hia.

Iyẹn ne ọ Maan Ọghe Luk 24:47

Kevbe wẹẹ, eni ẹnrẹn ọre a gha ya kpe orhu a roiro fi uyinmwẹ werriẹ kevbe a yabọ orukhọ ma uhunmwu ẹvbo hia, Jerusalẹm ọre a gha ke suẹ ọnrẹn.

Iyẹn ne ọ Maan Ọghe Luk 3:6

Emwa ne agbọn hia gha miẹn imiẹnfan Osanobua!’ ”

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Iyẹn ne ọ Maan Ọghe Jọn 1:9

Ọnọna ọrọre uwanmwẹ ne uwanmwẹ, uwanmwẹ ne ọ rrie agbọn do wan mu emwa hia.

Iwinna 11:23

U gbẹn vbe ọ ghi sẹ evba, ọ keghi miẹn vbene Nọyaẹnmwa fiangbe emwa nii hẹ, ẹko keghi rhiẹnrhiẹn ọẹn ẹsẹse, ọ keghi bu iran ude wẹ ne iran ya ekhọe iran hia mu ẹtin yan Nọyaẹnmwa ne iran vbe gha ga ẹe.

Iwinna 13:43

Avbe emwa ghi kpao vbe iko nii rre nẹ, avbe Ju ni bun kevbe emwa ne ẹ i re Ju ni dẹ egbe la e Ju, keghi lele Pọl vbe Banabas. Avbe ukọ keghi bu iran ude, khama irn wẹ ne iran gha rrọọ vbe uwu ẹsọhẹ Osanobua vbe uyinmwẹ ẹdẹ agbọn iran.

Iwinna 13:47

Rhunmwuda erriọ Nọyaẹnmwa yi ẹre iyi ne ima wẹẹ, “ ‘Mẹ viọ uwa mudia zẹ vbe uwanmwẹ iran ni i re Ju, ne uwa gha re odẹ imiẹnfan ne otọ agbọn hia.’ ”

Iwinna 17:30

Osanobua ma ghi zẹ ye ẹmwẹ ẹghẹ ne emwa ne agbọn ma na rẹn nii, sokpan ẹghẹ na nian, ọ yi ẹre iyi ne emwa hia ni rre ehe hia wẹ ne iran lahin odẹ dan iran rre.

Iwinna 20:24

Sokpan mẹ wa ka uhunmwu mwẹ ye ne ẹ i mwẹ esa, ne I miẹn ehe na khain okhian ne ọ wa mẹ sẹ otọ, ne I vbe winnaẹn fo ighẹ iwinna ne Nọyaẹnmwa Jesu wa mẹ ne I ru, ọnii nọ wẹ ne I ya wewe Iyẹn Ne ọ maa ọghe Ẹsọhẹ Osanobua.

Ebe ne Pọl gbẹẹn gie emwa Rom 10:18

Sokpan ọta ne I mẹ nọ rẹn ọna khin: Iran ma gele họn nene ẹmwẹ ra? Ẹsẹse, iran wa họn, zẹ vbene ebe khare: “Urhu iran la otọ agbọn hia, ẹmwẹ iran sẹ ehe ne agbọn sẹe.”

Ebe ne Pọl gbẹẹn gie emwa Rom 5:15

Sokpan iran eva i re ọkpa, rhunmwuda ẹse ọhẹ Osanobua, ma khọ orukhọ Adam. Ẹmwata nọ wẹẹ emwa ni bun ọre ọ ya uhunmwu ye ẹmwẹ orukhọ ne orhiọnkpa kẹkan ru, sokpan ẹsọhẹ Osanobua kpọlọ sẹ ọre ẹsẹse, erriọ vbe nọ vbe ọghe emwi ọhẹ ne ọ viọ ne emwa ni bun vbekpa ẹsọhẹ ọmwa ọkpa kẹkan ni, Jesu Kristi.

Ebe ne Pọl gbẹẹn gie emwa Rom 5:2

Rẹn keghi ye iyayi viọ ima gha die uwu ẹse ọhẹ Osanobua, ehe ne ima ghi mudia yi na. Rhunmwuda ọnii nian, te ima ghi ghọghọ vbe idanwehọ wẹ ma gha ghae vbe uwu uyi ọghe Osanobua.

II Kọrinti 6:1

Vbe uwu iwinna ne ima vbe Osanobua gba winna, ma rinmwian uwa khekherriọ, wa miẹn ẹsọhẹ Osanobua rhie nẹ, wa ghẹ i gi ẹe gha re ne a mu rhia.

Galatia 2:21

I ma he ẹsọhẹ Osanobua. A deghẹ ekpa nene Uhi ọre a ya ye ọmwa khian ne ọ mudia ẹse vbe odaro Osanobua, ọnii rhie maa ighẹ uwu ne Kristi wu, kẹkan ọre nọ.

Ẹfisọs 2:5

Wẹ ẹghẹ ne ima na re emwa ni wulo vbe ekpa ọghe orhiọn, vbe uwu iyin ehọ mwa, ọ keghi huẹn ima ye agbọn ba Kristi, ẹsọhẹ Osanobua ọre a ya miẹn uwa fan.

Ẹfisọs 2:8

Rhunmwuda, ẹsọhẹ ọghe Osanobua ọre a ya miẹn uwa fan vbe ekpa iyayi, ẹ i re emwi ne uwa ru, sokpan ẹse Osanobua nọ.

Kọlose 1:23

Ne ẹ i mwẹ a ma ru nọ khekherriọ, ne uwa gha mwẹ iyayi khian vbe uhunmwu ẹyotọ ne ọ de ziẹn kevbe ne gbain, ne uwa ghẹ gie a bẹghe uwa hin idaehọ ne uwa miẹn rhie ẹghẹ ne uwa na họn iyẹn ne ọ maa. Iyẹn ne ọ maa na ọre imẹ ne Pọl khian ọguọmwadia ẹre, iyẹn ne ọ maa na ne a kpe orhu ẹre ma emwa hia ni rre agbọn na nẹ.

Kọlose 1:6

Nene iyẹn ne ọ maa rhie afiangbe rre, ọ vbe vẹ gba uhunmwu otọ agbọn hia, zẹ vbene ọ ru vbe uwu uwa ke ẹdẹ ne uwa na họn ẹmwẹ ẹsọhẹ Osanobua gha dee, ne uwa na do rẹn ọnrẹn vbene ọ gele wa ye.

II Tẹsalonaika 2:16

Te Nọyaẹnmwa Jesu Kristi tobọ ẹre, kevbe Osanobua ne Erha mwa ne ọ ho ẹmwẹ mwa, ọ keghi vbe ke uwu ẹsọhẹ ọre rhie igiẹdu etẹbitẹ ne ima, deba idaehọ ne ọ maa.

I Timoti 1:14

Nọyaẹnmwa keghi wa tue ẹsọhẹ ọre ọrhẹnrhẹn yan mwẹ, ọ keghi rhie mẹ ighẹ iyayi kevbe aho ẹmwẹ ọmwa ne ọre ogho mwa vbe uwu a ya egbe ba Kristi Jesu.

I Timoti 2:4

Ọmwa ne ọ ho ne emwa hia fe, ne iran vbe do rẹn ẹmwata nii.

II Timoti 1:10

Sokpan banbanna nian, te a ghi do rhie ẹre ma ima, vbe uwu urremwẹ Kristi Jesu, ne Ọmiọnmwafan mwa. Rhunmwuda, Kristi khuọn ẹtin uwu ua nẹ, ọ keghi vbe la ekpa nene iyẹn ne ọ maa rhie agbọn a i wu ẹdẹ ma emwa.

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.

Hibru 12:15

Wa khẹ ye egbe, ne ọmwaikọmwa ghẹ ya fi iyeke gbe ẹsọhẹ Osanobua. Wa mwẹ ẹwaẹn, ne ọmwaikọmwa ghẹ ya khian utẹzi ne ọ gha wan nẹ, ọ ghi ye obi ẹre gha kpokpo emwa ni bun.

Hibru 2:9

Sokpan ma miẹn Jesu! Vbe ovbi ẹghẹ kherhe, a keghi ru ẹe ne ọ ghẹ vba avbe odibo Osa, ne a miẹn ehe na miẹn wẹ, vbe ekpa ẹsọhẹ Osanobua, ne ọ wu ne emwa hia.