Taitọs 1:9 - Edo Bible (E Baibol Ẹdo) Version 1996

⁹ Ọ ghi gha re ne ọ yobọ da ẹmwẹ nii yi gbangbaangban, ẹmwẹ nii ne ọ gia mu ẹtin yan kevbe ne ọ gu iruẹmwi nii ro. Odẹ vberriọ ọre ọ gha na sẹtin ye iruẹmwi ẹmwata nii, rhie igiẹdu ne emwa ọvbehe, ọ ghi vbe sẹtin rhie ehe ne iran ni gbe odan yọ na ba odẹ ku, ma agbọn.

Taitọs 1:9 ပူးပေါင်းရင်းမြစ်များ

Job 2:3

E Nọyaẹnmwa keghi nọ rẹn wẹẹ, “U ma miẹn ọguọmwadia mwẹ ighẹ Job? Ọrhiọnkpa i rrọ vbe uhunmwu otọ agbọn ne ọ guobọmwẹ kevbe ne ọ vbe maa zẹ vbe ọre. Ọ wa ga mwẹ, ọ keghi vbe hia vbe ẹghẹ hia ne ọ ghẹ ru orukhọ. U nọ mwẹ, I kevbe kue yuẹ ẹre wẹ ne a guẹ hẹ rhu ẹe vbe ne ẹ i na mwẹ emwi rhọkpa ne ọ ru, sokpan, te Job ye guobọmwẹ vbene ọ ka ye dee ẹdẹ.”

Job 27:6

“Te I ra gha ta ẹe khian ighẹ I ma rukhọ; ekhọe mwẹ ma bu abe gbe mwẹ.

Itan 23:23

Emwata, ẹwaẹn, iruẹemwi, kevbe ẹwaẹn esi, ehia wa sẹ ne a ha osa yi, sokpan, emwi ighobioye ne ọ ma kei ne a khiẹn nọ.

Iwinna 18:28

Rhunmwuda, ọ keghi ya imuan ẹmwẹ ọnrẹn ne ọ wo vbe egbe ya avbe Ju rhie obọ gue unu iran, vbe iran a vba egbe vbe ẹbu emwa, ọ keghi ya ẹmwẹ Ebe ni rhie ma wẹ, Jesu ọrọre nene Mẹzaia.

I Kọrinti 14:24

Sokpan wa gha kpe orhu ẹmwẹ Osanobua, ọmwa ne ọ ma yayi ra ọmwa kẹkan gha la owa, ẹmwẹ ne ọ họẹn ghi ya ẹe miẹnkue ighẹ ọmwa orukhọ rẹn gele khin. Ẹmwẹ ne ọ họẹn hia ghi gha bu ohiẹn ọnrẹn.

I Tẹsalonaika 5:21

Wa gha danmwẹ emwi hia ghe, wa ghi gba enọma vbọ mwẹ obọ.

II Tẹsalonaika 2:15

Rhunmwuda ọnii nian etẹn mwẹ, wa mudia gbangbaangban, ne uwa gba ẹe mwẹ ighẹ avbe ẹmwata ne ima ye ikporhu mwa, kevbe ebe ne ima gbẹnnẹ, ma uwa ẹre.

I Timoti 1:10

Iran ni gbe alama oghẹ, iran ne ẹmwẹ oghẹ khian ẹre ọvbehe, iran ni do ọmwa mu, iran ni ta ohoghe, ra ni ta emwi ne aro iran ma sẹ, ra ni ru emwikemwi ne ọ lughaẹn ne iruẹmwi ẹmwata nii.

I Timoti 1:15

Ẹmwẹ ẹmwata ne ọ re ne a gha wa rhan obọ miẹn, ne avbe yae ẹe yi nọ wẹẹ: Te Kristi Jesu rrie agbọn, ne ọ do miẹn emwa oru khọ fan: Mẹ ọrọre ọka ẹrhia ne ọ rrọọ.

I Timoti 1:19

U ghi da iyayi ruẹ yi ba ekhọe ne ẹ i mwẹ ebikhuikhui. Emwa eso ma zẹ ye emwi ne ekhọe iran tama iran, iran keghi wa gbe okọ iyayi iran ye amẹ.

I Timoti 4:9

Ẹmwẹ ẹmwata ọna khin, ne ọ kere ne a wa rhan obọ miẹn kevbe ne a yayi.

I Timoti 6:3

Ọmwa ne ọ rhirhi ma emwa emwi ọvbehe, ne ọ ma gu ẹmwẹ ẹmwata ọghe Nọyaẹnmwa Jesu Kristi kevbe iruẹmwi iyayi mwa ro.

II Timoti 1:13

Wẹ gha rhie owẹ lele ẹmwẹ ẹmwata ne I ma ruẹn re, zẹ vbe igiemwi ne u gha lele, u ghi mudia ye uwu iyayi kevbe aho ẹmwẹ ọmwa ne ọre ọghomwa vbe uwu a ya egbe ba Kristi Jesu.

II Timoti 2:2

U ghi viọ avbe ẹmwẹ nii ne u họẹn vbe I kpe orhu ẹre vbe odaro osẹe ni bun, u ghi viọ ne emwa ne u gha sẹtin mu ẹtin yan viọ mwẹ, emwa ni gha vbe sẹtin ma emwa ọvbehe re.

II Timoti 2:25

Ọmwa ne ọ ya urhu khuẹrhẹ tama ọmwa ne ọ gu ẹe suan, ehe ne ọ na bae ku. Ughaghe Osanobua gha rhie ẹkpotọ ne iran ya fi uyinmwẹ werriẹ, ne iran vbe do rẹn ẹmwata ne ọ rrọọ.

II Timoti 3:14

Sokpan zẹ vbe ọghe uwẹ, u ghi gha lele avbe ẹmwata ne a ma ruẹn re, kevbe ne uwẹ vbe yayi gbain. Rhunmwuda u rẹn emwa ni ma ruẹn emwi.

II Timoti 4:3

Rhunmwuda ẹghẹ dee ne emwa i gha ra na danmwehọ iruẹmwi ẹmwata, sokpan iran ghi lele ne ọ khọn iran, iran ghi silo avbe emamwaemwi gboo ne egbe iran, ne iran gha ta egbe ẹmwẹ ne ohanmwẹ ọnrẹn gbe iran ma iran.

Taitọs 1:11

Ọ kere ne a da iran obọ ẹmwẹ ne iran guan yi, rhunmwuda, igiowa ni bun ọre iran ye emwi ne ọ ma te kei ne iran ma emwa ẹre, gbe sẹ otọ, ba ẹmwẹ emwiekhue wẹ, te iran gualọ igho.

Taitọs 2:1

Sokpan, wẹ ghi gha ma emwa emwi zẹ vbene iruẹmwi ne ọ gbae kha re.

Ebe ne Jud gbẹẹn 1:3

Wa ne ọse mwẹ ni ghan, ẹghẹ ne I na wa gha hia ne I gbẹn ebe gie uwa, vbe ekpa imiẹnfan ne ọre ọghe ima hia, ọre ọ na wa do la mwẹ ekhọe ne I gbẹn ebe gie ua, ne I ya rhie igiẹdu ne uwa, ne uwa gha gbinna nẹẹn khian ighẹ iyayi ni ne Osanobua rhie ne emwa rẹn hia uhukpa nii.

Arhie Maan 2:25

Sokpan, wa ghi ya obọ da emwi ne uwa mwẹ na yi gbain vbene I te do rre.

Arhie Maan 3:11

I dee ẹgiẹgiẹ. Emwi ne ọ gu uẹ, dae yi mwẹ gbain ne ọmwaikọmwa ghẹ ya gbe uẹ miẹn ruẹn igho ọmẹguae ne a se yuẹ obọ.

Arhie Maan 3:3

Rhunmwuda ọnii, ye emwi ne a ma ruẹn re rre, kevbe vbene uwẹ họẹn hẹ, ya ẹe gha ru emwi, ne u fiwerriẹ hin orukhọ ruẹ rre. A deghẹ u ma rhiọrre, I gha fan rhuẹ zẹ vbe oyi, u i ra vbe rẹn ẹghẹ ne I gha ya rre.