Taitọs 1:6 - Edo Bible (E Baibol Ẹdo) Version 1996

⁶ ọ kere ne ọmwa ne ọre ọdiọn gha re ne ẹ i mwẹ abaku ru, okhuo ọkpa ọre ọ kere ne ọ gha mwẹ, ivbiẹre ghi vbe gha re emwa ni yayi, ẹ i re ne a ta ẹmwẹ ọnrẹn khian wẹ iran wa kan ye ẹvbo ra ne ẹ i họn ẹmwẹ.

Taitọs 1:6 ပူးပေါင်းရင်းမြစ်များ

Gẹnẹsis 18:19

I hannọ ọẹn zẹ nẹ ne ọ miẹn ehe na gha yi iyi ne ivbi ẹre kevbe emọ ne ọ gha la uniẹn ọnrẹn rre, ne iran gha họn ẹmwẹ mẹ, ne iran vbe gha ru emwi ne ọ ọhẹnhẹn. Ẹghẹ nii, I ghi do ru nẹ zẹ vbe ne I ve ẹre re hia.”

Itan 28:7

Igbama ne ọ lele uhi ru emwi, umẹwaẹn nọ. Ọmọ ne ọ lele avbe emọ ni kẹkua khian, efaa ọ re ọ khin erha ẹe re.

Ezikiẹl 44:22

Ọ ma kei ne ohẹn rhie okhuo ne ọ kpao sẹ ọdọ ẹre rae, sokpan ovbi Izrẹl ne ọ ma he rẹn okpia, ra amwẹ ohẹn ne ọ dẹgbẹ ọ re ọ kere ne ọ gha rhie.

Levitikọs 21:14

Ẹ i re ẹgbẹe, okhuo ne a khu nẹ ra ne ọ ka re ebabotu. Okhuo ne ọ ma he rẹn okpia vbe uwu avbe emwa ẹvbo ẹre ọ re ọ gha rhie rọnmwẹ.

Levitikọs 21:7

Ohẹn ghẹ rhie okhuo ne ọ ka re ebabotu rọnmwẹ ra okhuo ne ọ rẹn okpia nẹ ra okhuo ne ọ kpao sẹ ọdọ ẹre rae, ọmwa ne ọ huanrẹn rẹn khin.

Malakai 2:15

Ẹre te Osanobua ya uwẹ khian egbe ọkpa kevbe orhiọn ọkpa ba irẹn? De emwi ne ọ ya ẹe ru ọna yi? Emwi ne ọ khin ọrọre wẹ ọ ho ne uwa biẹlẹ emọ ni wa re emwa Osanobua vbe ẹmwata. Rhunmwuda ọnii, wa gia miẹn wẹ a ma miẹn ọmwa ne ọ ma mu eyan ne ọ yan ma ọvbokhan rẹn sẹ.

Iyẹn ne ọ Maan Ọghe Luk 1:5

Ẹghẹ ne Hẹrọd na gha re Ọba Judia, ohẹn ne a tie ẹre Zẹkaraia kegha rrọọ vbe oka ne ọ laghe uviẹn Abija. A kegha tie eni ọvbokhan rẹn Elizahẹt, Okhuo na keghi vbe re ọmwa ne a biẹe vbe uniẹn ne a na rri ohẹn.

Ẹfisọs 5:18

Ghẹ da ayọn gbe egbe, rhunmwuda te ọ ra miẹn ruẹn uhunmwu, sokpan gha re ne ọ vuọẹn ne Orhiọn.

I Tẹsalonaika 5:14

Ma kakabọ tua unu muẹn ma uwa etẹn mwẹ, wa gha ye obọ sa ekhae ne iran ni si oroho, wa gha rhie udinmwẹ ne iran ni ma din, wa gha ye iran ni ma wo vbe egbe obọ, wa gha mu ẹmwẹ emwa hia wo egbe.

I Timoti 1:9

Sokpan, ọ kere ne a yerre wẹ, emwa ne a rhunmwuda ẹre yi uhi i re avbe emwata, sokpan avbe iran ni de iyi, kevbe izigan, iran ne ẹ i mu ohan Osanobua, kevbe emwa orukhọ, iran ne ẹ i zẹ ye ẹmwẹ ugamwẹ, ra emwi orhiọn, iran ni gbele erha kevbe iye iran uan, avbe izigha.

I Timoti 3:12

Ọmwa ne ọ ru iyobọ vbe uwu esọsi, okhuo ọkpa ọre ọ kere ne ọ gha mwẹ, ọ ghi gha gbe aro ghe egbe kevbe ivbi ẹre ẹse.

Taitọs 1:10

Rhunmwuda emwa ni bun ọre ọ sọtẹ, iran ghi vbe gha ya ẹmwẹ nọ ma khian rẹn iran, rẹrẹ emwa ọvbehe, kpataki iran ne a fi ẹre ekhọe werriẹ hin ugamwẹ avbe Ju nẹdẹ rre.

I Samuẹl 2:11

Ẹre Ẹlkana na werriegbe gha rrie Rama, sokpan, ọmọ okpia nii keghi tota vbe Silo, ọ kegha ga e Nọyaẹnmwa vbe ototọ Elai ne Ohẹn.

I Samuẹl 2:22

Elai keghi do khian ọmaẹn ẹsẹse, ọ keghi do gha họn uyinmwẹ ne ivbi ẹre yin ghe ivbi Izrẹl, kevbe wẹ iran mu avbe ikhuo ni winna vbe onurho Owa Ukpon yagha.