Taitọs 1:13 - Edo Bible (E Baibol Ẹdo) Version 1996

¹³ Ẹmwata ọre ẹmwẹ ne ọ tae khin, rhunmwuda ọnii, u ghi gha kakabọ gu iran gui ye abakuru iran, ne iran miẹn ehe na gha mwẹ iyayi ne egbe rran rẹn.

Taitọs 1:13 ပူးပေါင်းရင်းမြစ်များ

Psalm 119:80

Gun mwẹ sẹtin gha ya iyi ruẹ ru emwi fo ne a ghẹ gie obọ gba mwẹ.

Psalm 141:5

Ọmwa esi sẹtin gbe mwẹ hin ọkhọ rre, kevbe ne ọ vbe gunmwẹ gui vbe itohan, sokpan, mẹ i ra rhan obọ miẹn emwi ne emwa dan ya mu ọghọ yọmwẹ egbe, rhunmwuda, ekhọe hia mẹ ya mu erhunmwu kọ emwi dan ne iran ru.

Itan 27:5

A gu ọmwa gui vbe azagba ọ re ọ maa sẹ ne a kọe ye ẹre ekhọe wẹ ẹ i re igbinna ọghe irẹn ọ re ọmwa ni ye hiehiere.

Levitikọs 19:17

“Ghẹ mwẹ irhiaẹko ghe ọmwarhọkpa, sokpan guẹe dọlọ kugbe ne u ghẹ ya la ekpa ẹre mu orukhọ.

II Kọrinti 13:10

Ọnii ọ si ẹe ne I na gbẹn ebe na vbe I i rre ehe ne uwa ye, otọe ẹre nọ wẹ, I gha ghi rre, ne I ghẹ ye obọ ne ọ tọn mu uwa vbe i a gha lo asẹ ne Nọyaẹnmwa rhie mẹ, asẹ ne a rhie mẹ ne I ya ye uwa digiẹ ighẹ ẹ i re ne I ya duẹ uwa sẹ otọ.

I Timoti 1:10

Iran ni gbe alama oghẹ, iran ne ẹmwẹ oghẹ khian ẹre ọvbehe, iran ni do ọmwa mu, iran ni ta ohoghe, ra ni ta emwi ne aro iran ma sẹ, ra ni ru emwikemwi ne ọ lughaẹn ne iruẹmwi ẹmwata nii.

I Timoti 4:6

U ghi ma avbe etẹn emwi na, u ghi gha re ọguọmwadia ne ọ maa ọghe Kristi Jesu, vbene u na ya ẹmwẹ iyayi na, kevbe iruẹmwi ẹmwata ne uka lele khian, koko egbe uẹ, vbe ekpa ọghe orhiọn.

I Timoti 5:20

Gu ọmwa ne ọ ru khọ gui vbe sirra emwa hia ne emwa nekpa miẹn ehe na gha mwẹ imuohan.

II Timoti 4:2

Gha kpe orhu nene ẹmwẹ, mu yan rẹn wẹ, ne a gha ta ẹe, deghẹ ẹghẹ ke yọ, ra ọ ma ke yọ ne u gha yae la emwa ekhọe, ne u gha gu ọmwa gui, ne u gha rhie igiẹdu ne emwa, kevbe ne u gha ye i ziengbe ma emwa emwi.

Taitọs 2:15

Gha ma emwa avbe emwi na hia, vbe gha lo asẹ hia ne ọ gu ẹe vbe uwu ẹghẹ ne u na rhie igiẹdu ne iran, kevbe ne u na vbe gu iran gui hin ọkhọ rre, ighẹ iran ni danmwehọ ruẹ. Ghẹ gie ọmwa rhọkpa vbe uwu iran ye aro gue uẹ re.

Taitọs 2:2

Tama avbe eniwanrẹn wẹ, te ọ kere ne iran gha re emwa ni gba ọghọ ginna egbe, ni mwẹ ẹwaẹn vbe uhunmwu kevbe ni i balọ egbe, ni iran gha re emwa ni mudia ẹse vbe iyayi, aho ẹmwẹ ọmwa kevbe iziengbe.