Taitọs 1:11 - Edo Bible (E Baibol Ẹdo) Version 1996

¹¹ Ọ kere ne a da iran obọ ẹmwẹ ne iran guan yi, rhunmwuda, igiowa ni bun ọre iran ye emwi ne ọ ma te kei ne iran ma emwa ẹre, gbe sẹ otọ, ba ẹmwẹ emwiekhue wẹ, te iran gualọ igho.

Taitọs 1:11 ပူးပေါင်းရင်းမြစ်များ

Psalm 107:42

Emwa ẹmwata miẹn ọna, iran kegha ghọghọ sokpan, a keghi gue emwa dan hia unu.

Psalm 63:11

Ọba gha ghọghọ rhunmwuda Osanobua gie ẹe khọnmiotọ, iran ni ya eni Osanobua yan eyan gha rho ẹre sokpan a gha gue avbe ọhọn ohoghe unu.

Jerimaia 8:10

Rhunmwuda ọnii, I gha munọ ugbo iran ne emwa ọgbọn ọvbehe, I ghi vbe viọ amwẹ iran ne ikpia ọvbehe. Emwa hia fẹẹrẹ, ke ọ kpọlọ kevbe ọkanmwa, wa ni gha hia ne iran gha la odẹ ne ọ ma khuia khuan igho. Uhin ighe te avbe akhasẹ kevbe avbe ohẹn ghi mu emwa ni ru.

Ezikiẹl 13:19

Wa sirra emwa mwẹ yagha mwẹ ne iran miẹn ehe na zẹ uguobọ ọka eso ne uwa, ne iran vbe viọ iku ebrẹd eso ne uwa. Wa gbele avbe emwa ne uwu ma khẹ ke, emwa ni ma khẹke ne iran gha rre agbọn, wa ghi sẹ iran rae. Erriọ wa ya ta ohoghe ma emwa mwẹ, iran ghi vbe gha rhie ẹmwẹ uwa.”

Ezikiẹl 16:63

I gha ya emwi ne u baku ru hia bọọ. Sokpan wẹ gha ye iran rre, ekhue i ra gie uwẹ vbe rhan unu ruẹn.” E Nọyaẹnmwa ne Udazi tae nẹ.

Maika 3:11

Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Maika 3:5

Emwa mwẹ khian ne avbe akhasẹ mu rẹrẹ, iran ghi bọ ọmọma ne iran ni rhie igho ne iran, sokpan ne ọ ma rhie igho ne iran, iran ghi wẹ re mu egbe khẹ okuo. E Nọyaẹnmwa tama avbe akhasẹ na nian wẹẹ,

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Iyẹn ne ọ Maan Ọghe Luk 20:40

Ohan ma ghi gie iran dọlegbe nọ Jesu ọta ọvbehe.

Iyẹn ne ọ Maan Ọghe Jọn 10:12

Ọmwa ne a rhie vbe iwinna, ne ẹ i re ne ọ su ohuan, ọ ma vbe yan ohuan, ọ ghi sẹ iran rae, ọ ghi lẹ fua vbe ọ gha miẹn ighẹ oduma dee, ẹghẹ nii oduma ghi gua ohuan rhie, ọ ghi duẹ ehia a.

Ebe ne Pọl gbẹẹn gie emwa Rom 3:19

Ma rẹnrẹn wẹ emwa ne ọ yan Uhi ọre emwi ne ọ rre Uhi kan rẹn, ne a miẹn ehe na gbe ukhu aho gui emwa ne agbọn rua, ne a mu agbọn na hia ye obọ ibuohiẹn Osanobua.

II Kọrinti 11:10

Vbe ekpa ẹmwata Kristi ne ọ rre uwu imẹ, I ta ẹe wẹ orhiọnkpa nẹ ọ gha gbe eta orhuọ na yọmwẹ unu, ẹ i rre otọe Gris, vbe ehe ne ọ sẹe kevbe ehe ne ọ rhanmwẹ.

I Timoti 5:13

Iran ghi vbe gha mu ẹghẹ rhia, vbe ne iran na ke owa ọkpa la ọvbehe, ne ọ ghi wa rhia sẹ vbọ ọrọre wẹ, iran ghi gha re ne ọ na iyẹn ẹrrẹe, arraile, iran ghi gha mu ukpẹ ye ẹmwẹ ne ọ ma khẹ ke iran.

I Timoti 5:4

Sokpan, a deghẹ ẹgbẹ mwẹ emọ iwu ra eyẹ, gie iran ka ruẹ ne iran gha yin uyinmwẹ emwa ni yayi ghe emwa iran nẹ, odẹ vberriọ ọre iran gha ya san evbibiẹ iran ke evbibiẹ iran ẹse, rhunmwuda, ọnii ọrọre emwi ne ọ yẹ Osanobua.

I Timoti 6:5

Igbeagbanmwẹ ne iran muhẹn ighẹ emwa ne ekhọe ẹre sohie nẹ, ẹmwata i ghi vbe rre iran unu. Iran ro ighẹ iyayi, emwi ne a ya gualọ igho ọre nọ.

II Timoti 2:18

Iran la hin odẹ ẹmwata rre nẹ, te iran ya iro iyayi han emwa iyayi eso, vbene iran na ta ẹe khian wẹ arhiọkpaegbe mwa sunu gberra nẹ.

II Timoti 3:6

Eso vbe uwu iran ghi gha la owa, iran ghi ya gha lo iran vbene ọ khọn iran, ighẹ avbe ikhuo ne emitan, ne abe oghẹ orukhọ ne iran ru, yẹnyẹn ginna otọ, kevbe ne aho ughughan khu khian,

Taitọs 1:7

Rhunmwuda, ugbẹn vbe a miẹn wẹ, rẹn ọrọre ne ọ gbe aro ghe iwinna Osanobua, ọ kere ne ọkaolotu esọsi gha re ne ẹ i mwẹ abaku ru. Ọma kei ne ọ gha re ọmwa ne ọ tọn egbe mu, ra ne egbe balọ, ra ne ọ da ayọn gbe egbe, ra ọmwa ne ọ khọọ ra ne ọ zuan.

Taitọs 1:9

Ọ ghi gha re ne ọ yobọ da ẹmwẹ nii yi gbangbaangban, ẹmwẹ nii ne ọ gia mu ẹtin yan kevbe ne ọ gu iruẹmwi nii ro. Odẹ vberriọ ọre ọ gha na sẹtin ye iruẹmwi ẹmwata nii, rhie igiẹdu ne emwa ọvbehe, ọ ghi vbe sẹtin rhie ehe ne iran ni gbe odan yọ na ba odẹ ku, ma agbọn.

Taitọs 3:10

Ọmwa ne ọ si iwannegbe rre, u ghi tie ẹre gu ẹe guan igbaeva, vbe iyeke ọnii, u ghi wa zobọ vbe egbe ẹre fẹẹrẹ.