Taitọs 1:10 - Edo Bible (E Baibol Ẹdo) Version 1996

¹⁰ Rhunmwuda emwa ni bun ọre ọ sọtẹ, iran ghi vbe gha ya ẹmwẹ nọ ma khian rẹn iran, rẹrẹ emwa ọvbehe, kpataki iran ne a fi ẹre ekhọe werriẹ hin ugamwẹ avbe Ju nẹdẹ rre.

Taitọs 1:10 ပူးပေါင်းရင်းမြစ်များ

Matiu 23:14

“U miẹn agbọn ne uwa ye, eni ma emwa Uhi kevbe Farisi, ayunukpaegbe! Wa miẹn ehe na la avbe ẹgbẹ egbe, wa do iran emwi hia viọ fo, wa keghi gha na erhunmwu ne ọ taẹn ọ ghe ne a ba bẹghe mwẹ. Ena ọre a gha rhunmwuda ẹre rria uwa ikhi sayọ.]

Iwinna 11:2

Ugbẹn vbe Pita ghi sẹ Jerusalẹm, ivbi iyayi ni re Ju keghi gha gu ẹe gui, iran wẹẹ,

Iwinna 15:1

Emwa eso keghi ke Judia gha die Antiọk, iran keghi suẹn gha ma avbe etẹn emwi wẹẹ, “Vbe ẹ i re te uwa rhuẹre vbene Uhi e Mosis khare, wa i sẹtin miẹn imiẹnfan.”

Iwinna 15:24

Ma họn ẹn wẹ ivbi otu mwa eso bu uwa gha dee, iran keghi do gha guan ẹmwẹ eso ya gha kpokpo uwa, iran na vbe mu uwa orhiọn rueghe. Vbe ne ọ rhirhi gha ye hẹ, ma ma gie iran ne iran do ru emwi vberriọ.

Iwinna 20:29

Rhunmwuda mẹ rẹn ighẹ I gha ghi kpao nẹ nian, avbe oduma ne isamwisan gha la uwu uwa, iran i ra fi yi vbe avbe ohuan.

Galatia 2:4

A gha rhe miẹn wẹ, emwa eso ni tie egbe iran etẹn mwa ni deba ima, te gha ho ne iran rhuẹ ọre. Iran na keghi rẹnrẹn la uwu ẹbu zẹ vbe ọ rhẹ, ne iran do ghe vbene ima ghi re emwa ni fanmwẹ egbe ua hẹ, rhunmwuda ighẹ ma ye egbe ba Jesu Kristi. Iran te ho ne iran ye ima khian eviẹn.

Galatia 3:1

Wa ne emwa Galatia ne akpa. Gha ọ ruan uwa yi? Vbe odaro uwa zẹ, wa miẹn vbene a wa gie ẹre hẹ ighẹ uwu ne Jesu Kristi wu vbe uhunmwu ugbugbe!

Ẹfisọs 4:14

Ẹghẹ nii, ma i ghi ra gha re emọ obọ ne ulẹmwẹ ẹzẹ mu yo mu rre, kevbe ne ẹhoho ẹziza, ọghe iruẹmwi emwa erẹrẹ, bi yo bi rre, emwa ni ya ero ne ọ ke ẹko iran zọ rre de emwa ọvbehe odẹ.

I Timoti 1:4

Wẹ ne iran da obọ avbe uma aranmwẹ nii yi kevbe eni ne ne lọghọọ ọghe avbe erha odede, rhunmwuda, imuan ẹmwẹ ọre ọ si rre, iran iru iyobọ ye ẹmwẹ Osanobua ne a ya iyayi rẹn.

I Timoti 1:6

Emwa eso fi iyeke gbe emwi vberriọ nẹ, iran keghi bibi odẹ la uwu igbagbanmwẹ akpa.

I Timoti 1:9

Sokpan, ọ kere ne a yerre wẹ, emwa ne a rhunmwuda ẹre yi uhi i re avbe emwata, sokpan avbe iran ni de iyi, kevbe izigan, iran ne ẹ i mu ohan Osanobua, kevbe emwa orukhọ, iran ne ẹ i zẹ ye ẹmwẹ ugamwẹ, ra emwi orhiọn, iran ni gbele erha kevbe iye iran uan, avbe izigha.

II Timoti 3:13

Sokpan avbe emwa dan kevbe ayunukpaegbe ghi gha rhia yọ rhia yọ, iran ghi gha mu emwa ọvbehe rẹrẹ, a ghi vbe gha mu iran tobọ iran rẹrẹ.

II Timoti 4:4

Iran gha fi iyeke gbe ẹmwata ne a danmwehọ ẹre, iran ghi gha danmwehọ umaranmwẹ.

Taitọs 1:6

ọ kere ne ọmwa ne ọre ọdiọn gha re ne ẹ i mwẹ abaku ru, okhuo ọkpa ọre ọ kere ne ọ gha mwẹ, ivbiẹre ghi vbe gha re emwa ni yayi, ẹ i re ne a ta ẹmwẹ ọnrẹn khian wẹ iran wa kan ye ẹvbo ra ne ẹ i họn ẹmwẹ.

Jems 1:26

Deghẹ ọmwaikọmwa ro ighẹ ọmwa ne ọ mwẹ iyayi rẹn khin, a deghẹ ẹ i rhie aranmwẹ kọ ẹho guan, iyayi ẹre i mwẹ esa.

I Jọn 2:18

Ivbi mwẹ, ufomwẹ sẹ otọ fo nẹ. A khama uwa wẹ, Oghian Kristi gha rre, banbanna nian, eghian Kristi ni bun rhie egbe ma nẹ, rhunmwuda ọnii, ma rẹnrẹn wẹ, ufomwẹ sẹ otọ fo nẹ.

I Jọn 2:4

A deghẹ orhunmwu ọkpa khare wẹ, “Mẹ rẹn ọnrẹn” ighẹ ẹ i vbe ya uhi ẹre ru emwi, ọmwa vberriọ, ọhọn ohoghe nọ, ẹmwata i vbe rre uwu ẹre.

I Jọn 4:1

Wa ne ọse mwẹ ni ghaan, wa ghẹ gha ya iran hia ni kha ighẹ iran mwẹ nene Orhiọn yi, sokpan wa ghi ka danmwẹ ọẹn ghe nẹ ne uwa miẹn ehe na rẹn a deghẹ obọ Osanobua ọre nene orhiọn ne iran mwẹ ke rre. Rhunmwuda avbe akhasẹ ohoghe ni bun wa vẹ gba ehe hia.

Arhie Maan 2:14

Sokpan, ghe ibozẹghẹ vbe uwu emwi ne I gui ẹzọ ruẹ baa, eso vbe uwu emwa ni lele iruẹmwi Balam wa guẹ rre evba, ọmwa nọ ma Balak vbene a gha ya ye ivbi izrẹl ru orukhọ hẹ, vbe ekpa ne iran na rri evbare ne a ya ru ẹbọ, kevbe ne iran na gha gbe alama oghẹ.

Arhie Maan 2:6

Emwi ne I ghi vbe ya so eni ruẹn ne ọ maa ọre ọna khin wẹ, vbene emwi ne avbe Nikalaitan ru sọnnọ mwẹ, erriọ ọre ọ vbe sọnnọ uwẹ.