Taitọs 1:1 - Edo Bible (E Baibol Ẹdo) Version 1996

¹ E Pọl ne ọguọmwadia Osanobua, kevbe ukọ ọghe Jesu Kristi, ọre ọ gbẹn ebe na rre. Te a hannọ mwẹ zẹ, a na vbe gie mwẹ wẹ, ne I ya ru iyobọ ne iyayi emwa ne Osanobua hannọ zẹ, kevbe ne I vbe dia iran ye odẹ ẹmwata, zẹ vbene iwinna ugamwẹ mwa ma emwa ẹre.

Taitọs 1:1 ပူးပေါင်းရင်းမြစ်များ

I Krọnikol 6:49

Errọn kevbe ivbi uniẹn ọnrẹn ọ re ọ viọ avbe eturari ye imuohan, iran ọ vbe ya emwi ne a ya zọ ese ne a giẹn uan zọ ese vbe Ogiukpo. Obọ iran ọre ọ ye ighẹ ugamwẹ ne a ga vbe uwu Ehe Ne Ọ Huansẹ Ehia kevbe ese na a zọ ne Osanobua ya ye orukhọ bọ ivbi Izrẹl vbene Mosis ne Ọguọmwadia e Nọyaẹnmwa gie odẹ ọ re, ọ re iran ru ẹe.

Iyẹn ne ọ Maan Ọghe Luk 18:7

Wa ma yayi ighẹ Osanobua gha buohiẹn ne avbe emwa rẹn ni kpe tie ẹre asọn kevbe avan? Wa yayi ighẹ ọ gha yae rhẹghẹrẹ?

Iwinna 13:48

Ugbẹn vbe iran ne ẹ i re Ju ghi họn ẹmwẹ na, iran keghi ghọghua, iran keghi rho ẹmwẹ Nọyaẹnmwa, iran ne a hannọ zẹ ye ẹfe ne ẹ i fo nẹ, keghi do yayi.

Ebe ne Pọl gbẹẹn gie emwa Rom 1:1

E Pọl ne Ọguọmwadia Kristi Jesu, kevbe ukọ Osa ne Osanobua tie re ne ọ gha kpe orhu Iyẹn Ne ọ maa ọghe irẹn, ọre ọ gbẹn ehe na rre.

II Kọrinti 1:1

E Pọl ne ukọ vbene Osanobua ho ẹre yi, kevbe ọtẹn mwa ighẹ Timoti, ọre ọ gbẹn ebe na, gie esọsi Osanobua ne ọ rre Kọrinti kevbe emwa Osanobua hia ni rre Gris.

Ẹfisọs 2:8

Rhunmwuda, ẹsọhẹ ọghe Osanobua ọre a ya miẹn uwa fan vbe ekpa iyayi, ẹ i re emwi ne uwa ru, sokpan ẹse Osanobua nọ.

Filipai 1:1

E Pọl kevbe Timoti, emwa ni re eguọmwadia Kristi Jesu, ọre ọ gbẹn ebe ne gie emwa Osanobua hia ni rre Filipai, iran ni ya Jesu Kristi yi, deba avbe olotu esọsi kevbe iran ni ru iyobọ.

Kọlose 2:2

Te I ru vberriọ ne a miẹn ehe na rhie igiẹudu vuọn iran iwu, kevbe ne a vbe ya aho ẹmwẹ ọmwa silo iran koko, kevbe ne iran vbe gha mwẹ ọnrẹn ne ọ vuọẹn, ighẹ a i ghi biro eva ne egbe irẹnmwi vberriọ rhie gie ọmwa. Ẹghẹ nii iran ghi do rẹn oro Osanobua ne ọre Kristi tobọ ẹre.

I Timoti 2:4

Ọmwa ne ọ ho ne emwa hia fe, ne iran vbe do rẹn ẹmwata nii.

I Timoti 3:16

Ọmwa ne ọ gha sẹtin muan rẹn ẹ i rrọọ ighẹ ẹmwẹ oro nọkhua ọghe iyayi mwa: Rẹn rhie egbe ma zẹ vbe ọmwa kẹkan, a miẹn ọẹn vbe ọghe Orhiọn wẹ ọmwata nọ, avbe odibo Osa vbe miẹn ọẹn. A kpe orhu ẹre vbe avbe uhunmwu ẹvbo, a ya ẹe yi vbe otọ agbọn hia, a keghi tọn ẹn mu gha rrie ẹrinmwi.

I Timoti 6:3

Ọmwa ne ọ rhirhi ma emwa emwi ọvbehe, ne ọ ma gu ẹmwẹ ẹmwata ọghe Nọyaẹnmwa Jesu Kristi kevbe iruẹmwi iyayi mwa ro.

II Timoti 2:10

Ọna ọre ọ si ẹe, ne I na ya egbe miẹn emwi hia, rhunmwuda, emwa ne a hannọ zẹ ọghe Osanobua, ne imiẹnfan ne ọ rre uwu Jesu Kristi sẹtin vbe sẹ iran obọ, ke ẹe kevbe uyi etẹbitẹ.

II Timoti 2:23

Sokpan, gha lẹ ne igbagbanmwẹ akpa vbe abobo, u rẹnrẹn ighẹ ẹzọ ọre a ya mu ẹn ye otọ.

II Timoti 2:25

Ọmwa ne ọ ya urhu khuẹrhẹ tama ọmwa ne ọ gu ẹe suan, ehe ne ọ na bae ku. Ughaghe Osanobua gha rhie ẹkpotọ ne iran ya fi uyinmwẹ werriẹ, ne iran vbe do rẹn ẹmwata ne ọ rrọọ.

Jems 1:1

E Jems ne ọguọmwadia Osanobua, kevbe ọghe Nọyaẹnmwa Jesu Kristi; ọre ọ gbẹn ebe na rre. I tuẹ emwa Osanobua hia ni tagha gba uhunmwu otọ agbọn hia.

II Pita 1:3

Ẹtin ne ọ huanrẹn ọghọe viọ emwi hia ne ima ho ne ima nẹ, ne a ya lo ẹdẹ agbọn mwa vbe ne ọ khọ ọghe Osanobua, vbe ekpa ne ima na rẹn ọmwa ne ọ tie mwa, ne ima do ghae vbe uwu uyi kevbe umamwẹ ọghọe.

II Pita 3:11

Vbene a ghi na miẹn nian wẹ erriọ ọre a ra ya fuẹn avbe emwi na hia ua, de egbe emwa ne ọ kere ne uwa gha khin? Wa gie edẹ agbọn uwa gha re ni huanrẹn, kevbe ne a ya fi ohan ne Osanobua,

I Jọn 2:23

Rhunmwuda, ọmwa ne ọ ma rhan obọ miẹn Ọmọ, ọ ma rhan obọ miẹn Erha, ọmwa ne ọ rhan obọ miẹn Ọmọ, Erha wa vbe guẹe rrọọ ba re.

Arhie Maan 1:1

Emwi ne a gbẹn ye ebe na ọrọre avbe emwi ne Jesu Kristi viọ ne a miẹn. Osanobua ọre ọ viọ avbe emwi na nẹẹn ne ọ viọ ma avbe eguọmwadia Osanobua, avbe emwi ne ọ ra do sunu vbe ọ ma he kpẹe. Jesu keghi gie odibosa ne ọ ya viọ avbe emwi na ma e Jọn ne ọguọmwadia ẹre.