Ebe ne Pọl gbẹẹn gie emwa Rom 9:5 - Edo Bible (E Baibol Ẹdo) Version 1996

⁵ Uniẹn avbe erha nikaro iran khin, a gha ta ẹmwẹ Kristi zẹ vbe ọmwa kẹkan, uniẹn iran nii vbe nọ. Osanobua ne ọ kha yan emwi hia ọre a gha rho ẹdẹdẹmwẹdẹ! Isẹ.

Ebe ne Pọl gbẹẹn gie emwa Rom 9:5 ပူးပေါင်းရင်းမြစ်များ

Gẹnẹsis 12:3

“I gha fiangbe iran ni fiangbuẹ Sokpan I ghi tie ihẹn ne ne ọ tie ihẹn nuẹn Vbe ekpa ruẹ, ọre I gha na fiangbe uhunmwu otọ agbọn hia.”

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

I Ọba 1:36

E Benaia keghi kha wẹẹ, “Te a gha ru ẹe, te Nọyaẹnmwa ne Osanobua ruẹ gha vbe so igie yọ.

I Krọnikol 16:36

Rho e Nọyaẹnmwa ne Osanobua Izrẹl wa rho ẹre nia kevbe rhinrin ẹdẹ! Ẹre emwa ni hia na kha wẹẹ, “Ise,” iran na rho e Nọyaẹnmwa.

Psalm 103:19

E Nọyaẹnmwa mu ẹkete ẹre ye ẹrinmwi, rẹn ọrọre ọba yan ehia.

Psalm 106:48

Wa rho e Nọyaẹnmwa ne Osanobua Izrẹl, wa rho ẹre nian kevbe ẹdẹdẹmwẹdẹ! Wa gie emwa hia kha wẹẹ, “Ise!” Wa rho e Nọyaẹnmwa.

Psalm 41:13

Wa rho e Nọyaẹnmwa, ne Osanobua Izrẹl. Rho ẹre nian kevbe ẹdẹdẹmwẹdẹ. Isẹ! Isẹ!

Psalm 45:6

Arriọba ne Osanobua mu ne uẹn, gha rrọ ẹdẹ kevbe ẹdẹdẹmwẹdẹ, wẹ ghi gha ya ẹmwata rriọba avbe emwa ruẹn.

Psalm 72:19

Wa rho eni ẹnrẹn ne ọ mwẹ uyi ẹdẹdẹmwẹdẹ. Te uyi ẹre gha gha otọ agbọn hia. Isẹ! Isẹ!

Psalm 89:52

Wa rho Nọyaẹnmwa ẹdẹdẹmwẹdẹ! Isẹ! Isẹ!

Aizaia 11:1

Uniẹn ọghe Ọba Devid ye vbe erhan ne a tọn gbe otọ nẹ sokpan vbene ẹzi erhan vbe dọlegbe họn, erriọ ọ re ọba ọgbọn gha ke uniẹn e Devid zọ ladian.

Aizaia 7:14

Vbene ọ ghi ye na nian, e Nọyaẹnmwa gha tobọ ẹre rhie iyama nuẹn: okhuo ọvbokhan ọkpa ne ọ ma rẹn okpia gha hanmwa, ọ gha biẹ ọmọ okpia ọkpa, ọ ghi he ẹre ‘Imanuẹl.’

Jerimaia 28:6

“Ogiemwi! I yayi ighe e Nọyaẹnmwa gha gele ru vberriọ! Iyayi ighe ọ gha gele gie ẹmwẹ ruẹn sẹ ne ọ viọ avbe emwiewe Ọgua Osa hia werriegbe ke Babilọn rre deba avbe emwa hia ne iran viọ ẹre oghunmwu kpao.

Maika 5:2

E Nọyaẹnmwa khare wẹẹ, “Bẹtlẹhẹm Efrata, ọkpa vbe uwu ẹvbo ni kanmwa sẹẹ vbe Juda ọre uwẹ khin, sokpan, uwu uwẹ ọ re I gha ke rhie ne ọ khaemwisẹ ladian ne Izrẹl, rẹn gha vbe ke uniẹn nẹdẹ ne a ka ya gha bu ẹvbo nii ladian.”

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Matiu 6:13

Ghẹ gia danmwẹ mwa ghe, rhie mwa lẹre hin obọ Ọkaẹrhia Nii.’

Iyẹn ne ọ Maan Ọghe Luk 20:44

Devid tie ẹre Nọyaẹnmwa, vbe ne ne Mẹzaia ghẹ ghi na vbe gha re ovbi uniẹn Devid hẹẹ?”

Iyẹn ne ọ Maan Ọghe Jọn 10:30

Ọkpa ọ re Mẹ vbe Erha khin.”

Iwinna 20:28

Wa gha gbe aro ghe egbe uwa kevbe ohuan hia ne Orhiọn Ne Ọ Huanrẹn viọ ne uwa gha su, wa gha re ọsuohuan esọsi Osanobua ne ọ ya uwu Ovbi ẹre ya khian oghẹ ẹe.

Iwinna 3:13

Osanobua Ebraham, Aizik kevbe Jekọb, Osanobua avbe erha mwa odede, ọre ọ rhie uyi ne ọ gbae ne Ọguọmwadia ẹre Jesu, ọmwa ne uwa rhie yan iran ni khaemwisẹ obọ, wa keghi hẹẹ ye otọ vbe odaro Pailet, vbe Pailet te gha ho ne irẹn fan ẹn fua.

Ebe ne Pọl gbẹẹn gie emwa Rom 1:25

Iran fi ẹmwata ne ọ rre ẹmwẹ Osanobua werriẹ ya khian ohoghe. Iran keghi ga, iran na vbe gha ya uhunmwu rhanmwẹ otọe ne emwi ne Osanobua yi, ne iran gha na te gha ga Ayi Ne ọ yi tobọ ẹre, ne a gha rhie uyi na ẹdẹdẹmwẹdẹ, Isẹ.

Ebe ne Pọl gbẹẹn gie emwa Rom 1:3

Vbe ekpa ọghe Ovbi ẹre ighẹ Nọyaẹnmwa Jesu Kristi vbe agbọn na, uniẹn Devid ọre ọ la rre.

Ebe ne Pọl gbẹẹn gie emwa Rom 10:12

Emwa hia ọre a kha, rhunmwuda alughaẹn i rrọọ ne Ju ra iran ne ẹ i re Ju, Osanobua ọrọre Nọyan ehia, ọ ghi vbe gha fiangbe iran hia ni datie ẹre wọrhọwọrhọ.

Ebe ne Pọl gbẹẹn gie emwa Rom 11:28

Rhunmwuda ne iran na he Iyẹn Ne ọ maa ọghe Osanobua, avbe Ju keghi la ekpa uwa ne ẹ i re Ju khian oghian Osanobua, sokpan zẹ vbe emwa ne Osanobua hannọ zẹ, iran keghi la ekpa avbe erha mwa odede do gha re ọse Osanobua.

I Kọrinti 14:16

A deghẹ orhiọn ruẹn ọkpa ọre u ya kpọnmwẹ Osanobua, vbe ọmwa kẹkan ne ọ deba ruẹ rre ugamwẹ gha ghi na gbe Isẹ hẹ ye erhunmwu ra ekpọnmwẹ ruẹn? Vbene ọ ra ya rẹn otọ ẹmwẹ ne u guan ẹ i rrọọ.

II Kọrinti 11:31

Osanobua ne Erha Nọyaẹnmwa Jesu Kristi — afiangbe nọ ne eni ẹnrẹn ẹdẹdẹmwẹdẹ rẹn wẹ ẹ i re ohoghe I tae.

Diuteronomi 10:15

Sokpan ahoẹmwọmwa ne Nọyaẹnmwa mwẹ ghe avbe erha uwa odede keghi tọn sẹrriọ wẹ rẹn rhie obọ gberra emwa ọvbehe hia, ọ na hannọ uwa zẹ, ẹmwata ena hia wa khin do sẹ ẹdẹnẹrẹ.

I Timoti 3:16

Ọmwa ne ọ gha sẹtin muan rẹn ẹ i rrọọ ighẹ ẹmwẹ oro nọkhua ọghe iyayi mwa: Rẹn rhie egbe ma zẹ vbe ọmwa kẹkan, a miẹn ọẹn vbe ọghe Orhiọn wẹ ọmwata nọ, avbe odibo Osa vbe miẹn ọẹn. A kpe orhu ẹre vbe avbe uhunmwu ẹvbo, a ya ẹe yi vbe otọ agbọn hia, a keghi tọn ẹn mu gha rrie ẹrinmwi.

I Timoti 6:15

Osanobua gha ruẹe ne ọ ye egbe ladian, vbe ẹghẹ ne ọ kei yi, rẹn ne ọ re Nọkhaemwisẹ ọkpa kẹkan, ne a fiangbe. Ọba iran ne ọba kevbe Nọyan iran ne ni yan ẹvbo.

II Timoti 2:8

Ye Jesu Kristi rre, ọmwa ne a huẹn kpaegbe vbe orinmwi, ovbi uniẹn Devid, zẹ vbene a ta ẹe vbe Iyẹn Ne ọ maa ne I kpe orhu ẹre.

Hibru 7:24

Sokpan te Jesu wa rrọọ ẹdẹdẹmwẹdẹ, iwinna rẹn zẹ vbe ohẹn i vbe re ne a ghi mu ne ọmwa ọvbehe.

I Jọn 5:20

Ma rẹnrẹn wẹ Ovbi Osanobua rre nẹ, ọ keghi vbe rhie irẹnmwi ne ima sẹrriọ wẹ, te ima ghi rẹn Osanobua ẹmwata, uwu Osanobua ẹmwata ọre ẹdẹ agbọn ima ye, vbe uwu Jesu Kristi ne Ovbi ẹre. Ọna ọrọre Osanobua ẹmwata, ọna ọ vbe re ẹfe ne ẹ i fo.

Arhie Maan 1:18

Mẹ ọrọre ọmwa ne ọ rre agbọn, I te ka wu yi, sokpan banbanna nian, I rre agbọn ẹdẹ kevbe ẹdẹdẹmwẹdẹ.” I mwẹ asẹ vbe uhunmwu uwu tobọ ẹre kevbe ẹvbo iran ne orinmwi.

Arhie Maan 22:16

“Mẹ ne Jesu ọre ọ gie odibo mwẹ ne ọ ya ta ẹmwẹ na ma uwa vbe esọsi. Mẹ ne ovbi uniẹn Devid nọ, Orhọnmwẹ owiẹ ne ọ baa siẹẹn.”

Arhie Maan 22:20

Ọmwa ne ọ sẹ osẹe ye emwi na hia khare wẹ, “Erriọ wa nọ zẹẹ, I dee banbanna!” Erriọ ogha ye. Gha dee Nọyaẹnmwa Jesu!

Arhie Maan 5:14

Emwi ne a yi ni ma wu enẹ nii keghi wanniẹn wẹẹ, “Isẹ!” Avbe ediọn nii keghi dele gbe otọ, iran ya uhunmwu rhanmwẹ otọ.