Ebe ne Pọl gbẹẹn gie emwa Rom 9:4 - Edo Bible (E Baibol Ẹdo) Version 1996

⁴ Emwa ne a hannọ zẹ ọghe Osanobua ọre iran khin. Ọ ya iran ye emọ, ọ keghi vbe ghae ne iran vbe uwu uyi ẹre. Ọ gu iran ta ile, ọ na rhie nene uhi ne iran. Iran ọ re ọ rẹn vbene a ya ga hẹ vbe ẹmwata. Iran ọ re Osanobua vbe ve ẹre emwi.

Ebe ne Pọl gbẹẹn gie emwa Rom 9:4 ပူးပေါင်းရင်းမြစ်များ

Gẹnẹsis 15:18

Ẹdẹ nẹdẹrriọ, Nọyaẹnmwa keghi gu Ebram ta ile wẹẹ, “I yanrẹn ighẹ I gha mu otọ na hia ne uniẹn ruẹn, ke ẹzẹ ne ọ rre ehe ne Igipt lae ya sẹ Yufretes ne okpẹzẹ.

Gẹnẹsis 17:10

Emwi ne uwẹ kevbe uniẹn ruẹn gha rhie obọ yi ne uwa ru ọre ọna khin: ọmọ okpiaikọmọ okpia vbe uwe uwa, te a gha rhuẹ ọre.

Gẹnẹsis 17:2

I gha guẹ ta ile, I ghi vbe viọ emọ ivbi uniẹn ruẹn nibun nuẹn.”

Gẹnẹsis 17:7

“I gha mu eyan mwẹ sẹ ne uwẹ kevbe avbe ivbi uniẹn ruẹn vbe orre ne ọ dee zẹ vbe ile itẹbitẹ. Mẹ gha re Osanobua ruẹ kevbe Osanobua ọghe uniẹn ruẹn.

Gẹnẹsis 32:28

Okpia nii keghi kha wẹẹ, “A i ghi ra tie eni ruẹn Jekọb ọvbehe. U gu Osanobua kevbe emwa nagbọn suan nẹ, obọ ruẹ keghi ke okhunmwu, rhunmwuda ọnii eni ruẹn ọ re ọ ghi gha re Izrẹl.”

I Ọba 8:11

Iran ma ghi sẹtin werriegbe la rọ ya winna iwinna iran rhunmwuda uyi e Nọyaẹnmwa vuọn Ọgua Osa.

Nehimaia 13:29

Osanobua, ye rre vbene emwa na ru ẹre awua hẹ ighẹ ukpo avbe ohẹn kevbe ile ne u gu avbe ohẹn kevbe Livai ta.

Psalm 147:19

Ọ gie uhunmwu gie emwa rẹn, igiodẹ ọre ke uhi ẹre ne ivbi Izrẹl.

Psalm 63:2

Gun mwẹ bẹghe ruẹ vbe uwu owa ne ọ huanrẹn nii, gun mwẹ bẹghe vbene u mwẹ ẹtin kevbe uyi hẹ.

Psalm 73:1

Osanobua wa ya obọ esi mu Izrẹl avbe iran ne ekhọe esi ni rrọọ.

Psalm 78:61

Ọ gie avbe eghian mwa khọn mu Ẹkpẹti Ile ne ọ re ama ọghe ẹtin kevbe uyi ẹre.

Psalm 89:3

Wẹ khare wẹẹ, “I gu ọmwa ne I hannọ zẹ ta ile nẹ; I tama Devid ne ọguọmwadia mwẹ nẹ wẹẹ,

Psalm 89:34

Mẹ i ra so ile ne I guẹe ta gọ, ra ne I kie werriegbe vbe emwi ne I ve ẹre re.

Psalm 90:16

Gie ima ne eguọmwadia ruẹ miẹn iwinna ruẹn ni kpọlọ gie avbe ivbi mwa miẹn ẹtin ruẹn ne ọ mwẹ uyi.

Ẹksọdọs 12:25

Wa ghẹ ghi sẹ otọe nii ne Nọyaẹnmwa ra mu ne uwa, wa ghi ru emwiukpo na.

Ẹksọdọs 34:27

E Nọyaẹnmwa keghi tama e Mosis wẹẹ, “Gbẹnnẹ avbe ẹmwẹ na, rhunmwuda te imẹ ye avbe ẹmwẹ na gu uwẹ ta ile kevbe ivbi Izrẹl.”

Ẹksọdọs 4:22

Ẹghẹ nii, u ghi tama rẹn wẹẹ, vbenian ọre Nọyaẹnmwa khare ‘Izrẹl ọrọre ovbi mwẹ ne ọdiọn.

Ẹksọdọs 40:34

Okuku keghi rhu yan Owa Ukpọn nii awanwan ne ẹ i gie a ghe ọghe Nọyaẹnmwa keghi vuọn rẹn.

Aizaia 41:8

“Sokpan, wẹ, Izrẹl ne ọguọmwadia mwẹ, wa ọrọre emwa ne I hannọ zẹ, ivbi uniẹn Ebraham ne ẹse mwẹ.

Aizaia 46:3

“Wa danmwehọ mwẹ, wa ne ivbi uniẹn e Jekọb, wa hia ni ghi kẹe vbe emwa mwẹ, te I gha gbearoghe uwa ke ẹghẹ ne a ya biẹlẹ uwa gha dee.

Aizaia 5:2

Ọ keghi vulo otọe nii, ọ na rhọ avbe okuta ni rrọọ hin, ọ keghi kọ azara ne ọ maa sẹẹ yọ, ọ keghi bọ owa ọkhẹ yọ ne a na gha khẹ ọre. Ọ keghi fian okọ ne a gha na gha minọẹn yọ, ọ keghi gha khẹ ne avbe ọmọ azara ni vbo, sokpan, ehia keghi wa kaan.

Aizaia 60:19

“Ovẹn i ghi ra gha re uwanmwẹ ruẹn vbe avan ọvbehe, ra ne uki gha re uwanmwẹ ruẹn vbe asọn, mẹ ne Nọyaẹnmwa ọ re ọ ra gha re uwanmwẹ ruẹn ọghe etẹbitẹ. Uwanmwẹ uyi mwẹ gha wan mu uwẹ egbe.

Jerimaia 31:20

“Izrẹl, ovbi mwẹ ne ọ ghan sẹẹ ọ re u khin, ọmọ ne I ho ẹmwẹ ọnrẹn sẹẹ. Ẹghẹ ne I rhirhi a ya so eni ruẹn I ghi gha ye aho ẹmwẹ ọmwa mu ẹmwẹ ruẹn ro. Orhiọn mwẹ ghi tin bu ruẹ gha dee, I gha mwẹ itohan.

Jerimaia 31:33

Ile ọgbọn ne I ghi ra gu ivbi Izrẹl ta, enian ọ khian gha ye, I gha rhie uhi mwẹ ye uwu iran, I ghi vbe gbẹnnẹ ọẹn ye iran ekhọe. Mẹ ghi gha re Osanobua iran, iran ghi gha re emwa mwẹ.

Jerimaia 31:9

Avbe emwa mwẹ gha werriegbe rre vbe ne iran na viẹ, iran ghi vbe gha na erhunmwu vbe ehe ne I na viọ iran werriegbe dee ni. I gha ma iran odẹ gha rrie ẹzẹ amẹ, vbe odẹ ne ọ rriẹe kpẹghẹ, ehe ne iran i ra na rrua owẹ. Te I ye vbe erha ne Izrẹl Ifreim ọrọre ovbi mwẹ nọdiọn.”

Ezikiẹl 1:28

awanwan na kegha mwẹ ẹmu ughughan ne ọ rre ere nukhunmwu. Ọnọna ọrọre ne awanwan ne ọ gbe ebiebi ye ọmwa aro, ne ọ vbe rhie ma wẹ e Nọyaẹnmwa rre evba. Ugbẹn vbe I ghi miẹn ọna, I keghi de mu aro rhu otọ, I keghi họn urhu okpa ne ọ khare wẹẹ,

Hozia 11:1

E Nọyaẹnmwa khare wẹẹ, “Ẹghẹ ne Izrẹl na re ọvbokhan, I keghi gha hoẹmwẹ ọnrẹn, I keghi tie ẹre ke Igipt rre, zẹ vbe ovbi mwẹ nokpia.

Nọmbas 7:89

Ẹghẹikẹghẹ ne Mosis ya la uwu Owa Ukpọn Ile nii, ne ọ ya gu e Nọyaẹnmwa guan, ọ ghi họn vbe Nọyaẹnmwa a gha gu ẹe guan ke odukhunmwu ugue Ẹkpẹti Ile, ne ọ rre adesẹneva aranmwẹ eva ni zẹ ifuẹn.

Matiu 21:33

Jesu keghi khama iran wẹẹ, “Wa vbe danmwehọ itan ọvbehe: okpia ọkpa rrọọ ne ọ mwẹ otọ, ọ keghi mu ẹre ugbo emwiokọ, ọ gba ogba ga ẹre, ọ keghi vbe fian okọ ne a na ru ẹdin yọọ, ọ keghi vbe bọọ owa ọbodẹ ne ọ yo yọọ, ọ keghi mu uẹn ne emwa vbe agbeghae, ọ na gha rrie ehe.

Iyẹn ne ọ Maan Ọghe Jọn 1:17

Osanobua rhie Uhi la obọ Mosis rre, sokpan ẹsọhẹ kevbe ẹmwata la obọ Jesu Kristi rre.

Iyẹn ne ọ Maan Ọghe Jọn 1:47

Ugbẹn vbe Jesu ghi bẹghe Nataniẹl Vbe ọ bu ẹre dee, ọ wẹẹ, “Ghe Ovbi Izrẹl vbe ẹmwata, ẹko ne ero i ye.”

Iwinna 2:39

Rhunmwuda, wa kevbe avbe ivbi uwa ọre Osanobua ve ẹre emwi na kevbe iran ni rre urria, kevbe avbe emwa hia fẹẹrẹ ne Osanobua gha tie rrie egbe.”

Ebe ne Pọl gbẹẹn gie emwa Rom 3:2

Ẹsẹse, vbe ẹmwata, vbe odẹ hia. Vbe ne okaro, avbe Ju ọre Osanobua rhie ẹmwẹ ọnrẹn nẹ rhie mwẹ.

Ebe ne Pọl gbẹẹn gie emwa Rom 8:15

Rhunmwuda Orhiọn ne Osanobua rhie ne uwa, ma ya uwa khian ọviẹn, ne ọ gha ya uwa gha fian afianma, sokpan, te Orhiọn ni ya uwa khian ivbi Osanobua, vbe ekpa ẹtin nene Orhiọn ne a gha da tie Osanobua wẹẹ, “Evbavba! Erha mwẹ!”

Ebe ne Pọl gbẹẹn gie emwa Rom 9:6

Ẹ i re te I khare ighẹ emwi ne Osanobua ve firaa nẹ, rhunmwuda ẹ i re ivbi Izrẹl hia ọre ọ wa re emwa ne Osanobua hannọ zẹ.

II Kọrinti 11:22

Ivbi e Hibru iran khin ra? Ọ re imẹ vbe khin. Ivbi Izrẹl iran khin ra? Ọ re imẹ vbe khin. Ivbi uniẹn Ebraham iran khin ra, ọ re imẹ vbe khin.

Galatia 3:16

Banbanna nian, Ebraham kevbe ovbi ẹre, ọre Osanobua ve ẹre emwi na, ọ ma kha wẹ, “Kevbe ivbi ẹre” ọnii nọ wẹ emwa ni bun. Emwi ne ọ kha re ọrọre, “Kevbe ne ovbuẹ” ọnii nọ wẹ, ne orhiọnkpa kẹkan ne ọ re Kristi.

Ẹfisọs 2:12

Ẹghẹ nii, wa kegha rrọọ vbe ne a i na mwẹ Kristi. Ọrriọvbe wa gha khin, wa ma vbe gha re ọkpa vbe uwu ẹbu emwa ne Osanobua hannọ zẹ, wa ma vbe gha mwẹ oghae vbe avbe ile ne a tae, ne a rhunmwuda emwi ne Osanobua ve emwa rẹn re ta. Wa kegha rre agbọn na vbe ne a i na mwẹ idaehọ, vbe ne a i na mwẹ Osanobua.

Diuteronomi 14:1

“Emwa Nọyaẹnmwa Osanobua uwa ọ re uwa khin. Rhunmwuda onii, wa gha khiẹ emwa uwa nii wulo, wa ghẹ ya emwi solo egbe uwa ra ne uwa khiokhio eto ne ọ rre uwa uharo kua.

Diuteronomi 29:1

Enena ọrọre, ẹmwẹ ne a guan ye ile ne Nọyaẹnmwa tama Mosis ne ọ gu ivbi Izrẹl ta vbe ẹghẹ ne iran na gha rre otọe Moab. Te avbe rhie ọna te ile ne Nọyaẹnmwa iran ta vbe Oke Sainai.

Diuteronomi 29:14

Ẹ i re uwa ọkpa ọ re Nọyaẹnmwa gu ta ile na ke ẹe kevbe iwinna ne ọ dekan rẹn hia.

Diuteronomi 31:16

E Nọyaẹnmwa keghi tama e Mosis wẹẹ, “U gha rherhe wu ban, u gha ghi wu nẹ, emwa na gha do khian ne a i ghi mu ẹtin yan ghe mwẹ, iran ghi gha rra ile nii ne I gue iran ta. Iran ghi he mwẹ ye otọ ya gha gho avbe ẹbọ otọe nii ne iran khian lao na.

Diuteronomi 4:13

Ọ tama uwa emwi ne uwa gha ru ne uwa na rhie ẹre mwẹ ighẹ ile ne ọ gu uwa ta; wa ghi vbe gha ya uhi ẹre igbigbe ne ọ gbẹnnẹ ye uhanhan okuta eva ne uwa, ru emwi.

Diuteronomi 7:6

Wa ghi ru ẹe vberriọ rhunmwuda, ọghe Nọyaẹnmwa Osanobua uwa ọ re uwa khin. Te ọ hannọ uwa zẹ hin uwu ẹbu emwa ne agbọn hia rre ne uwa do gha re emwa ughaẹn ọghe irẹn.

Hibru 9:1

Ile ne okaro mwẹ ilele ọghe vbene a ya ga hẹẹ, ọ vbe mwẹ ehe ne ọmwa ye obọ ru ne a na vbe ga.

Hibru 9:10

Emwi ni rrọọ ma gberra evbare, evba da kevbe ulamwẹ ọkpe huan ughughan, ilele ọghe ore egbe kẹkan, ọre ena hia khin, ne a miẹn wẹ, ọ mwẹ esa ne ọ ye, ọ te do sẹ ẹghẹ ne Osanobua gha na fi emwi hia werriẹ ne ọ dọlọ iran yi.

Hibru 9:3

Vbe iyeke ukpọn ne a ya fian ẹn ne ogieva, ọre Ọgua nọkpa ye ne a tie ẹre Ehe Ne ọ Huan Sẹẹ Ehia.

Hibru 9:5

Vbe odukhunmwu ẹkpẹti na, iran keghi sa ama emwi ne a yi ni mwẹ uyi yọ, ena keghi mudia ye ama Ọ rre emwa ọghe Emwi ne Osa ya ru Osa, iran keghi tan ifuẹn gue ehe ne a na ye orukhọ bọ emwa. Sokpan ma i he miẹn ẹghẹ ya rhan otọ emwi hia fo fẹẹrẹ nian.

Hibru 9:6

A ghẹ ghi mwamwa emwi na hia nẹ, ẹdẹgbegbe ọre avbe ohẹn ya la Ọgua ukpọn ne ọ ke ore, ne iran ya gha winna iwinna iran.