Ebe ne Pọl gbẹẹn gie emwa Rom 9:28 - Edo Bible (E Baibol Ẹdo) Version 1996

²⁸ Rhunmwuda Nọyaẹnmwa ra do tae rhuan ne ọ vbe mu ẹmwẹ agbọn na ye vbe ne ọ ra mu ẹn yi ẹgiẹgiẹ.”

Ebe ne Pọl gbẹẹn gie emwa Rom 9:28 ပူးပေါင်းရင်းမြစ်များ

Psalm 65:5

Wẹ rhie ewanniẹn ma vbekpa ne u na gie ima khọnmiotọ u keghi winna iwinna ọyunnuan nibun ya miẹn ima fan. Emwa ni rre otọ agbọn hia kevbe iyeke avbe okun ni rrei mu ẹtin yan ruẹn.

Psalm 9:8

Odẹ ẹmwata ọ re ọ ya khaemwisẹ yan agbọn na. Ohiẹn ẹmwata ọ re ọ bu ne agbọn vbọ.

Aizaia 10:22

A gha rhe miẹn wẹ banbanna, te ivbi Izrẹl ye vbe ekhae ni rre ọkpẹn okun vbe ubunmwẹ, ibozẹghe ọ re ọ ra werriegbe rre. Ọfuan wa diakhẹ emwa na, vbene ọ wa ma iran zẹẹ.

Aizaia 10:23

Ẹn, e Nọyaẹnmwa ne Ogie ne Udazi gha gie ọfuan la ẹvbo nii khinkhian, zẹ vbene ọ tae ighe rẹn gha ru ẹe.

Aizaia 28:22

Ghẹ giẹ ye obọ ne I ya sa ekhae ne uwa, wa gha danmwẹ ọẹn ru vberriọ, ọ gha baa gbe wa ke miẹn uhunmwu. I họn ẹn vbe Nọyaẹnmwa ne Oghodua tae wẹ te irẹn ra fuẹn otọe ẹvbo nii hia a.

Aizaia 5:16

Sokpan, e Nọyaẹnmwa ne Oghodua rhie maa vbene irẹn kpọlọ hẹ vbekpa ne ọ na ru emwi ne ọ kere, ọ keghi vbe rhie uhuanmwẹ ọnrẹn maa vbekpa ne ọ na bu ohiẹn avbe emwa.

Matiu 24:21

Rhunmwuda ọkhọ ne ọ ra sunu ẹdẹnẹdẹrriọ keghi re egbe ne a ma he miẹn ke ne abuagbọn tuagbọn gha dee do sẹ ẹdẹnẹrẹ na. A i ra vbe dọlegbe miẹn egbe ọre ẹdẹ.

Iwinna 17:31

Rhunmwuda ọ bu ẹdẹ ọkpa ye otọ nẹ ne irẹn gha wẹ ne ọmwa ne irẹn hannọ zẹ nẹ, bu ohiẹn agbọn na hia vbe ne a i na bu eku. rẹn keghi vbe gie aro emwa da ọ na vbe ekpa ne ọna huẹn ọmwa ne a kha na kpaegbe vbe idin orinmwi!”

Arhie Maan 19:11

I keghi miẹn vbe ẹrinmwi kie ye otọ, ẹsin nọfua ọkpa kegha rrọọ, a kegha tie ọmwa ne ọ hin ẹnrẹn, Ọmwata kevbe Ne ọ ta uhunmwu ẹmwẹ. Ẹmwata ọre ọ ya bu ohiẹn kevbe ne ọ vbe ya khọn okuo ẹre.