Ebe ne Pọl gbẹẹn gie emwa Rom 9:26 - Edo Bible (E Baibol Ẹdo) Version 1996

²⁶ Ihe ọkpa nii ne a na tae zẹẹ wẹ, ‘Wa i re emwa mwẹ,’ ọre a gha na tie iran ivbi Osanobua ne ọ rrọọ.”

Ebe ne Pọl gbẹẹn gie emwa Rom 9:26 ပူးပေါင်းရင်းမြစ်များ

Psalm 42:2

Ohanmwẹ amẹ ruẹn gbe mwẹ, Osanobua ne ọ rrọ de ẹghẹ ni I gha ya yo ne I do ga vbe odaro ruẹ?

Aizaia 43:6

I gha tama odẹ okuọ ne ọ gie iran gha rrie kevbe odẹ ekẹn wẹ ne ọ ghẹ da iran yi. Wa gie emwa ke otọe urria gha dee kevbe ehe hia vbe otọ agbọn gha dee.

Daniẹl 6:26

I yii ẹre iyi wẹ la ehe ne otọ arriọba mwẹ sẹe, ehe ne ọ rhanmwẹ, o kere ne emwa hia gha mu ohan ne a vbe gha ya ọghọ ne Osanobua e Daniẹl. “Osanobua ne ọ rrọọ nọ, te ọ khian gha khaemwisẹ ẹdẹdẹmwẹdẹ. A i sẹtin fuẹn arriọba ẹre ẹdẹdẹmwẹdẹ, ẹtin ẹnrẹn i vbe sẹ ufomwẹ ẹdẹdẹmwẹdẹ.

Matiu 16:16

Saimọn Pita wanniẹn wẹẹ, “Wẹ ọrọre Mẹzaia, ovbi Osanobua ne ọ rrọọ.”

Iyẹn ne ọ Maan Ọghe Jọn 11:52

Sokpan ẹ i re ne iran ọkpa, sokpan ne ọ vbe si ivbi Osanobua ni zagha kua koko ye otu ọkpa.)

Ebe ne Pọl gbẹẹn gie emwa Rom 8:14

Avbe emwa ne Orhiọn Osanobua ma re odẹ, ivbi Osanobua ọre iran khin.

Ebe ne Pọl gbẹẹn gie emwa Rom 8:16

Orhiọn Osanobua keghi deba Orhiọn ima ta ẹe wẹ ivbi Osanobua ma khin.

Ebe ne Pọl gbẹẹn gie emwa Rom 8:19

Te emwi ne a yi hia heko ziengbe gha khẹ wẹ ne Osanobua viọ ivbi ẹre ladian ne a miẹn.

II Kọrinti 6:18

Mẹ ghi gha re erha uwa, wa ghi gha re ivbi mwẹ ne ikpia kevbe ne ikhuo, erriọ Nọyaẹnmwa Oghodua kha re.”

Galatia 3:26

Rhunmwuda, vbe ekpa iyayi, ọre uwa hia na re ivbi Osanobua, vbe uwu a ya egbe ba Kristi Jesu.

Diuteronomi 14:1

“Emwa Nọyaẹnmwa Osanobua uwa ọ re uwa khin. Rhunmwuda onii, wa gha khiẹ emwa uwa nii wulo, wa ghẹ ya emwi solo egbe uwa ra ne uwa khiokhio eto ne ọ rre uwa uharo kua.