Ebe ne Pọl gbẹẹn gie emwa Rom 9:20 - Edo Bible (E Baibol Ẹdo) Version 1996

²⁰ Sokpan, vbe uwẹ a ke rre yi ọse mwẹ ne ọ zẹ azẹ wanniẹn ma Osanobua? Akhe vbe nọ ọmwa ne ọ maẹn wẹẹ, “Vbua na ma mwẹ vbenian hẹ yi?”

Ebe ne Pọl gbẹẹn gie emwa Rom 9:20 ပူးပေါင်းရင်းမြစ်များ

II Samuẹl 16:10

Ọba keghi khama Abisiai kevbe Joab ne ọtiọnrẹn wẹẹ, “Ọ ma zẹdẹ kan uwa, adeghẹ ọ rhovbiẹ mwẹ rhunmwuda wẹ e Nọyaẹnmwa ọ re ọ wẹ ne ọ rhovbiẹ mwẹ, gha ọ ghi ra rri ọre unu ẹnrẹn?”

Job 16:3

Te uwa ra wa gha guan khian ẹdẹdẹmwẹdẹ ra? Te awua vbe a gha miẹn wẹ, ẹ i re uwa ọre ọ guan kiekie ra?

Job 33:13

Vbe uwa na ba Osanobua ifi ẹzọ hẹ wẹ, ẹ i zẹyọ vbe ọmwa a ya gui ma rẹn?

Job 36:23

Orhiọnkpa i sẹtin tama Osanobua wẹ ghe emwi ne Ọ gha ru, ra ne ọ ba ẹre ifi ẹzọ wẹ Ọ ru emwi dan.

Job 40:5

I guan gberra vbene ọ te kei mẹ nẹ.”

Job 40:8

Ẹ i re te u ho ne u rhie maa wẹ, mẹ I ru emwi ẹmwata? Ne u bu ohiẹn gbe mwẹ kevbe ne u bu asẹ ne egbe uẹ?

Job 9:32

Akpawẹ ọmwa kẹkan ọ re Osanobua khin, te I gha zẹ ẹmwẹ wanniẹn ọẹn, ma gha gba gha rrie iko ya gui ẹzọ ima.

Aizaia 10:15

Sokpan, e Nọyaẹnmwa khare wẹẹ, “Ughanmwa gha kha ighe rẹn ọ re ọ sẹ ọmwa ne ọ ya ẹe winna ra? Ọsara ọ re ọ vbe kpolo sẹẹ ọmwa ne ọ yae va erhan ra? Orhokhua i tọn ọmwa mu, ọmwa ọ re ọ tọn orhokhua mu.”

Aizaia 29:16

Iran mu emwi hia ihan. De ne ọ re kpataki sẹẹ vbọ yi, ọmakhe ra obuẹ? Emwi ne ọmwa maẹn gha vbe khama rẹn wẹẹ, “Ẹ i re uwẹ ọ re ọ ma mwẹ” ra? Ra ọ gha sẹtin tama rẹn wẹẹ, “U ma rẹn emwi ne u ru”?

Aizaia 64:8

Sokpan, wẹ ọrọre erha mwa, Nọyaẹnmwa, te ima yevbe obuẹ, wẹ keghi yevbe ọmakhe. Wẹ ọ re ọ yi ima,

Jerimaia 18:6

“Mẹ i mwẹ asẹ ne I ya ru uwa ne ivbi Izrẹl zẹ vbene ọmakhe ru obuẹ ra? Te uwa ye vbene obuẹ ye vbe obọ ọmakhe vbe obọ mwẹ.

Daniẹl 4:35

Te irẹn ghe emwi ni rre agbọn na zẹ vbe emwi kẹkan avbe odibosa ni rre ẹrinmwi avbe emwa ni rre agbọn ototọ asẹ ọre ọ re ehia ye. Ọmwa i sẹtin gbodan ye iho ẹre ra ne a nọ rẹn wẹ vbe ọ ru na.’

Maika 6:8

Ẹn o, e Nọyaẹnmwa ta ma ima nẹ emwi ne ọ maa. Emwi ne ọ ho vbe obọ mwa ọre ena khin: ne a gha ru emwi ẹmwata, ne a gha mwẹ itohan ne ẹ i rueghe; kevbe ne ima gha ye a mu egbe rriotọ lele Osanobua mwa khian.

Matiu 20:15

Wẹ ma yayi ighe I sẹtin lo igho mwẹ vbe ne ọ khọnmwẹ, ra te ohu mwẹ ghi mu uẹn rhunmwuda ighe I ze emwi obọ?’ ”

Iyẹn ne ọ Maan Ọghe Luk 12:14

Jesu wanniẹn wẹẹ, “Ọkpia na, gha ọ rhie asẹ mẹ ne I ya gha bu ohiẹn ra ne I ya gha gha ukhu ne uwa yi?”

Ebe ne Pọl gbẹẹn gie emwa Rom 14:4

Vbe uwẹ a ke rre yi ne ọ bu ohiẹn ọguọmwadia ẹrrẹe. Arowa ẹre ọ ra tae a deghẹ ọ ru ne a gban ra deghẹ te ọ bubu ua. Ẹi mwẹ ọ ma ru na gban, rhunmwuda Osanobua gha giẹe ru na gban.

Ebe ne Pọl gbẹẹn gie emwa Rom 2:1

Ọse mwẹ, te uwẹ bu ohiẹn ọmwa ọvbehe ra? U i miẹn ẹmwẹ ọkpa ta ya fan egbe ruẹ ye otọ, ọmwa ne ọ rhirhi khọn ruẹn ne u gha khin. Rhunmwuda wẹ gha bu ohiẹn emwa ọvbehe, wẹ na vbe gha ru egbe emwi ne iran ru, ẹghẹ ni, u bu ohiẹn gbe egbe uẹ nẹ.

Ebe ne Pọl gbẹẹn gie emwa Rom 2:3

Sokpan, wẹ ne ọse mwẹ, wẹ ne ọ ru egbe emwi ne uwẹ bu ohiẹn ọnrẹn gbe emwa ọvbehe na, te uwẹ ro ighẹ ibuohiẹn Osanobua gha la uwẹ baan ra?

Ebe ne Pọl gbẹẹn gie emwa Rom 9:21

A rẹnrẹn ighẹ ọmakhe sẹtin ya obuẹ ma emwi ne ọ khọn rẹn, ọ sẹtin fian vbe obuẹ ọkpa nii ya ma akhe ọpuẹkẹ ra ọghe aghanghan.

Ebe ne Pọl gbẹẹn gie emwa Rom 9:22

Erriọ emwi ne Osanobua ru wa vbe ye zẹẹ. Ọ ho ne ọ rhie ohu ẹre maa kevbe ne ọ vbe rhie iwegbe ẹre ladian ne a miẹn. Ọ keghi wa kakabọ ziengbe ya mu ẹmwẹ iran ne ohu ẹre muẹn woo egbe, emwa ne ọ te kei ne a rẹnkhẹn uan.

I Kọrinti 1:20

De ehe ne avbe umẹwaẹn ghi ye vbọ khekherriọ ra iran ni rẹn emwi? Ra iran ni guara muan ẹmwẹ vbe agbọn na. Osanobua rhie maa nẹ ighẹ ẹwaẹn agbọn na, ukọnmwẹ nọ.

I Kọrinti 7:16

Vbe uwẹ a ya rẹn hẹ yi, wẹ ne amwẹ ne ọ yayi, ighẹ u i ra sẹtin miẹn ọdafọn fan? Ra wẹ ne ọdọ ne ọ yayi, vbe uwẹ ya rẹn hẹ ighẹ wẹ i ra sẹtin miẹn amwọ ọn fan?

I Timoti 6:5

Igbeagbanmwẹ ne iran muhẹn ighẹ emwa ne ekhọe ẹre sohie nẹ, ẹmwata i ghi vbe rre iran unu. Iran ro ighẹ iyayi, emwi ne a ya gualọ igho ọre nọ.

II Timoti 2:20

Vbe owa ne ọ ghi kpolo nẹ, okpan kevbe uyẹngbe ughughan ọre ọ rrọọ, a ya igoru kevbe esiliva ru eso vbọ, a vbe ya erhan kevbe obuẹ ru eso vbọ, a ru eso ne a lo vbe ẹghẹ eso kpataki, eso vbọ keghi re ne a lo vbe ẹghẹ hia.

Taitọs 2:9

Te ọ kere ne avbe eviẹn gha họn ẹmwẹ ne arowa iran, ne iran vbe gha ru vbene ọ gha yẹ iran vbe emwi hia. Iran ghẹ gha zẹ ẹmwẹ wanniẹn iran.

Jems 2:20

Akpa! Te u ho ne a rhie maa ruẹn wẹ, iyayi, vbe ne iwinna ina rrọọ i ghẹ ẹ i mwẹ esa.