Ebe ne Pọl gbẹẹn gie emwa Rom 9:19 - Edo Bible (E Baibol Ẹdo) Version 1996

¹⁹ Emwa eso vbe uwu uwa gha kha nian wẹẹ, “A deghẹ vberriọ ọre ọ ye, vbe Osanobua ghi na vbe gualọ ọmwa ẹmwẹ ne unu hẹẹ. De ọmwa ne ọ gha sẹtin wẹ ne ọ ghẹ ru emwi ne ọ rre ọre ekhọe yi?”

Ebe ne Pọl gbẹẹn gie emwa Rom 9:19 ပူးပေါင်းရင်းမြစ်များ

Gẹnẹsis 50:20

Te uwa te si uma ne uwa ru mwẹ emwi dan, sokpan Osanobua keghi fiẹe werriẹ yae khian emwi esi, ne ọ miẹn ehe na sinmwi emwa nibun ye agbọn, emwa na miẹn wẹ, ọnii ọ zẹe ne iran na rre agbọn ẹre na.

II Krọnikol 20:6

Ọ keghi ya urhu ne ọ la na erhunmwu wẹẹ, “E Nọyaẹnmwa ne Osanobua avbe erha mwa odede, wẹ ọ re ọ ke ẹrinmwi khaemwisẹ yan avbe okpẹvbo ni rre otọ agbọn hia. Wẹ mwẹ ẹtin, u kevbe kpolo, ọmwa ọkpa i rrọ ne ọ gha sẹtin muan ruẹn ẹmwẹ,

Job 9:19

Te imẹ ghẹ ghi ze vbe udu ra? Ne I ze vbe udu ma Osanobua? Te I gha mu ẹẹn ye iko ra? De ọmwa ne ọ ra si ẹe gha khian yi?

Psalm 76:10

Te ohu ne emwa nagbọn mu, dọlegbe rhie urhomwẹ ne uẹn sayọ, iran ni miẹn uhunmwu vbe okuo nii gha ru emwi ukpo ruẹ.

Aizaia 29:16

Iran mu emwi hia ihan. De ne ọ re kpataki sẹẹ vbọ yi, ọmakhe ra obuẹ? Emwi ne ọmwa maẹn gha vbe khama rẹn wẹẹ, “Ẹ i re uwẹ ọ re ọ ma mwẹ” ra? Ra ọ gha sẹtin tama rẹn wẹẹ, “U ma rẹn emwi ne u ru”?

Daniẹl 4:35

Te irẹn ghe emwi ni rre agbọn na zẹ vbe emwi kẹkan avbe odibosa ni rre ẹrinmwi avbe emwa ni rre agbọn ototọ asẹ ọre ọ re ehia ye. Ọmwa i sẹtin gbodan ye iho ẹre ra ne a nọ rẹn wẹ vbe ọ ru na.’

Iyẹn ne ọ Maan Ọghe Mak 14:21

Ovbi Ọmwa gha gele wu zẹ vbene Ebe khare ighe ọ gha ya wu, sokpan, ọsọre ighe ọmwa ne ọ gha rhie Ovbi Ọmwa ma an! A ma zẹdẹ biẹ ọe ọre ọ gha maa nẹ ẹn sẹẹ!”

Iwinna 2:23

Osanobua tae nẹ, ọ kevbe tobọ ẹre mwamwaẹn zẹ vbe iho ọghọe, ne a rhie Jesu yan uwa obọ. Wa keghi gbe ẹe rua, wa keghi gie iran ne emwa orukhọ kan rẹn mu ugbugbe.

Ebe ne Pọl gbẹẹn gie emwa Rom 11:19

Wa sẹtin kha nian wẹẹ, “Ẹn, ẹ i re te a gia abọ kua ne a miẹn ehe na rhie otọ mẹ?”

I Kọrinti 15:12

Banbanna nian, ugbẹn vbe a miẹn wẹ emwi ne ima kpe orhu ẹre ma uwa ọrọre wẹ, a huẹn Jesu kpaegbe vbe idin nẹ, vbe eso vbe uwu uwa a ghi na vbe kha hẹ wẹ, a i ra huẹn avbe orinmwi kpaegbe?

I Kọrinti 15:35

Emwa eso gha nọ ọta wẹẹ, “Vbe a ra sẹtin huẹn emwa ni wulo nẹ kpaegbe hẹ yi? De egbe ikinnegbe ne ọ ghẹ ghi gha gue iran?”

Jems 1:13

A deghẹ a ya egbe edanmwẹ vberriọ rhuan ọmwa ghe, wẹ ne ọ ghẹ gha kha wẹ, “Obọ Osanobua edanmwẹ na ke rre.” Rhunmwuda a i sẹtin ye ọkhọ danmwẹ Osanobua ghe, rẹn tobọ ẹre i vbe danmwẹ ọmwa rhọkpa ghe.

Jems 2:18

Sokpan orhiọnkpa sẹtin kha wẹ, “Wẹ mwẹ iyayi, mẹ mwẹ iwinna.” Ewanniẹn mwẹ ọrọre wẹ, “Tama mwẹ vbene u gha sẹtin gha mwẹ iyayi hẹẹ vbene iwinna ina rrọọ, mẹ gha ya iwinna rhie iyayi mwẹ ma ruẹn.”