Ebe ne Pọl gbẹẹn gie emwa Rom 9:18 - Edo Bible (E Baibol Ẹdo) Version 1996

¹⁸ Ọnii rhie maa khekherriọ wẹẹ, ọmwa ne ọ khọn Osanobua ọre ọ tohan rẹn, ọ ghi vbe ya ne ọ khọn rẹn ze vbe ẹkoko udu.

Ebe ne Pọl gbẹẹn gie emwa Rom 9:18 ပူးပေါင်းရင်းမြစ်များ

Ẹksọdọs 10:1

E Nọyaẹnmwa keghi tama e Mosis wẹẹ, “Bu ọba gha khian. I gie irẹn kevbe ekhaẹmwẹ ọnrẹn yin ehọ nẹ ne I miẹn ehe na winna avbe iwinna ọyunnuan ma iran.

Ẹksọdọs 10:20

Sokpan e Nọyaẹnmwa keghi ya ọba yin ehọ, ọ ma gie ivbi Izrẹl kpao.

Ẹksọdọs 10:27

E Nọyaẹnmwa kevbe ya ọba yin ehọ, ọ ma vbe gie iran kpao.

Ẹksọdọs 11:10

E Mosis kevbe Errọn keghi winna iwinna ọyunnuan na hia ye ọba Igipt aro, sokpan E Nọyaẹnmwa keghi ya ẹe yin ehọ, ọ ma gie ivbi Izrẹl kpao hin ẹvbo ẹre rre.

Ẹksọdọs 14:17

I gha ya ivbi Igipt ze vbe udu sẹrriọ wẹ iran ghi vbe lele iran larọ, vbene I gha ya khọn iran muotọ ighẹ ọba Igipt, ivbi iyokuo ẹre hia, ikẹkẹ okuo ẹre kevbe iran nii gua ẹe nẹẹn, ọ na gha rhie usi gunmwẹ.

Ẹksọdọs 14:4

Mẹ gha gie ọba Igipt yin ehọ, ọ ghi zẹ iran khu, vbe ne obọ mwẹ nọ gha ke ukhunmwu ne ọba Igipt kevbe ivbi iyokuo ẹre, gha na rhie uyi gunmwe. Ivbi Igipt gha rẹn wẹ mẹ ọrọre Nọyaẹnmwa.” Ivbi Izrẹl keghi ru vbene a khama iran.

Ẹksọdọs 4:21

E Nọyaẹnmwa keghi dọlegbe tama e Mosis wẹẹ, “Vbene u ghi na rrie Igipt na nian, ghẹ mwẹ u ma winna avbe iwinna ama ne I rhie ẹtin nuẹn ya gha ru. I gha ya ọba ze vbe udu, rẹn i ra gie emwa nii kpao.

Ẹksọdọs 7:13

Ọba keghi yin ehọ, ọ ma zẹ ye Mosis kevbe Errọn re zẹ vbene Nọyaẹnmwa khare.

Ẹksọdọs 7:3

Sokpan, I gha ru ẹe ne ọba ze vbe udu, uhin vbe I gha ye winna iwinna ọyunnuan kevbe ọghe ama nibun nẹ vbe Igipt.

Ẹksọdọs 9:12

Sokpan, e Nọyaẹnmwa keghi ya ọba ze vbe udu, ọ ma zẹ ye Mosis kevbe Errọn re zẹ vbene Nọyaẹnmwa khare zẹẹ.

Ẹksọdọs 9:7

Ọba keghi nọ emwi ne ọ sunu, iran keghi tama rẹn wẹẹ emwirri ọkpa kẹkan ma wu vbe ọghe ivbi Izrẹl. Sokpan, rẹn keghi yin ehọ, ọ ma gie emwa nii gha khian.

Aizaia 63:17

Vbua ghi na gie ima bibi hin odẹ ruẹ rre hẹ yi? Vbua ghi na gie ima zevbudu sẹrriọ, ne ima ghi na fi iyeke gbe uwẹ? Werriegbe rre, rhunmwuda iran ni ga uwẹ, rhunmwuda iran ni wa re ọwuẹ, ke otọe gha dee.

Iyẹn ne ọ Maan Ọghe Jọn 12:40

“Osanobua rhu iran aro nẹ, ọ vbe gbe iran ekhọe ẹwaẹn ruan nẹ, ne aro iran ghẹ miẹn ehe na bẹghe odẹ, ne ọ ghẹ miẹn ehe na la iran ekhọe, ne iran ghẹ ya bu mwẹ rre ne imẹ mu iran egbe rran.”

Ebe ne Pọl gbẹẹn gie emwa Rom 11:25

Ẹmwata ọkpa rrọọ. oro wa nọ, sokpan i ho ne uwa rẹn ọnrẹn etẹn mwẹ, ọnii gha kie uwa ukpẹ ne uwa na ro ighẹ uwa wan gbe. Ọre ọnii khin wẹẹ, Izevbudu ivbi Izrẹl, ẹ i re emwi etẹbitẹ, sokpan, ọ gha ye gha khian rhinrin emwa ne ẹ i re Ju ne ogha bu Osanobua rre to do gba.

Ẹfisọs 1:6

Wa gie ima rho Osanobua ye ẹsọhẹ nọ mwẹ uyi ọghọe, kevbe emwi ọhẹ ne ọ ya ru ima ẹse, vbe uwu ovbi ẹre ne ọ ghan!

Diuteronomi 2:30

“Sokpan e Sihọn ne ọba ma kue ne ima la ẹvbo ẹre gberra. E Nọyaẹnmwa ne Osanobua uwa keghi ya ẹe ze vbe udu, ọ kevbe sọtẹ, ne ima miẹn ehe na khọn miẹn ẹre otọe ne ima mu otọ ẹre ne ima ye ye na.

Jọsua 11:20

E Nọyaẹnmwa keghi gie iran wa kha wẹ te iran gha gu ivbi Izrẹl gbinna, ne a miẹn ehe na tie iran emwa ne a gha fuan fẹẹrẹ, ne a vbe gbele iran an vbe ne a i na mwẹ itohan. Emwi ne Nọyaẹnmwa tama Mosis ọre onii khin.