Ebe ne Pọl gbẹẹn gie emwa Rom 9:11 - Edo Bible (E Baibol Ẹdo) Version 1996

¹¹ Sokpan, ne a miẹn ehe na miẹn wẹẹ, ne a na zẹ ọkpa vbe uwu emọ nii ighẹ vbene Osanobua mwamwaẹn nọ, Osanobua keghi tama rẹn wẹẹ,

Ebe ne Pọl gbẹẹn gie emwa Rom 9:11 ပူးပေါင်းရင်းမြစ်များ

Psalm 51:5

Emwi dan ọ re I wa khin, kevbe ne a ya biẹ mwẹ gha dee, I keghi wa vuọn ne orukhọ ke ẹdẹ ne a biẹ mwẹ kpao.

Aizaia 14:24

E Nọyaẹnmwa ne Oghodua vẹn ihẹn nẹ wẹẹ, “Te emwi ne I mwamwaẹn gha sunu. Emwi ne I kha nẹ wẹ a gha ru ẹe, te a ra ru ẹe.

Aizaia 23:9

E Nọyaẹnmwa ne Oghodua ọ re ọ mwamwa ẹn. Te ọ mwamwa ẹn ne ọ miẹn ehe na dobọ uhiomwẹ ne iran hio ye emwi ne iran he ye obọ ru yi, kevbe ne ọ silo emwa iran ne a yọghọ na kẹ otọ.

Jerimaia 51:29

Otọe guọe zẹzẹzẹ, ọ kevbe mu rueghe, rhunmwuda, e Nọyaẹnmwa mu ẹẹn sẹ nian ighe ne ọ na wẹ te irẹn ra ya Babilọn khian ato, ehe ne ọmwarhọkpa i ghi ye.

Ebe ne Pọl gbẹẹn gie emwa Rom 4:17

Zẹ vbene ebe kha re, “Mẹ ya uwẹ khian erha uhunmwu ẹvbo ni bun nẹ.” Ọnii nọ wẹ, emwi ne a ve na wa maa vbe aro Osanobua ne Ebraham yayi, Osanobua ne ọ huẹn ne ọ wu kpaegbe, ne ẹmwẹ ọnrẹn ye emwi ne ẹ i te ka rrọọ khian ne ọ ghi rrọọ.

Ẹfisọs 2:3

Vbe ẹmwata, vbene iran ye ọre ima hia te ka gha ye, ma na wa gha ru vbene ikinnegbe mwa wa hoo, ma na gha ru emwikemwi ne egbe kevbe ekhọe mwa ghi ho. Zẹ vbene emwa nekpa hia gha ye, ma kegha re emwa ne a yi ẹre ama wẹ, ọ gha rri oya vbe obọ izohu Osanobua.

Ẹfisọs 2:9

Emwi ne a ya rhuọ i rre emwa na ugbẹn vbe a miẹn wẹ, ẹ i re ẹtin obọ ruẹ ọre ọ ya gha ye rrọ.

Ẹfisọs 3:11

Vbene Osanobua mwamwa ẹn ke ne a bu agbọn tua agbọn gha dee ọre ọ ru ẹe, rẹn keghi la ekpa Kristi Jesu Nọyaẹnmwa ru ẹre ne a ru fo.

I Tẹsalonaika 1:4

Ma rẹnrẹn, etẹn mwa, wẹ, Osanobua ho ẹmwẹ uwa, ọ kevbe hannọ uwa zẹ, ne uwa do gha re ọghe irẹn.

I Tẹsalonaika 2:12

Ma rhie ẹtin ye uwa iwu, ma fu uwa ẹko rre, ma kegha kan rẹn ye uwa ehọ wẹ, ne uwa gha yin vbene ọ gha yẹ Osanobua, ọmwa ne ọ tie uwa ne uwa do gu irẹn ghae, vbe Arriọba kevbe uyi ẹre.

II Timoti 1:9

Ọ miẹn ima fan, ọ kevbe tie mwa ne a do gha re emwa irẹn, ẹ i re rhunmwuda emwi ne ima ru, sokpan vbe ọghe ekhọe obọ ẹre kevbe ẹsọhẹ. Ọ rhie ẹsọhẹ na ne ima nẹ, vbe uwu Kristi Jesu, ẹghẹ te do suẹn.

Taitọs 3:5

Ọ keghi miẹn ima fan. Ẹ i re rhunmwuda iwinna esi ne ima tobọ mwa winna, sokpan, rhunmwuda itohan rẹn ọre ọ na miẹn ima fan, vbe ekpa akhuẹ ne Orhiọn Ne Ọ Huanrẹn ya dọlọ mwa biẹ, ọ na vbe rhie arrọọ ọghe ọgbọn ne ima.

I Pita 5:10

Sokpan, u ghẹ ghi rri oya la ẹghẹ eso vberriọ nẹ, Osanobua ẹsọhẹ hia, ọmwa ne ọ tie ruẹ ne u do ghae vbe uyi etẹbitẹ ọghọe, vbe uwu a yegbe ba Kristi, gha tobọ ẹre ya uwẹ khian ne ọ gbae, ọ ghi rhie a mudia gbain nuẹn, ẹtin kevbe ẹyotọ ne ọ de ziẹn.

II Pita 1:10

Rhunmwuda ọnii khekherriọ, wa ne etẹn mwẹ, wa kakabọ hia ne uwa ya vbene uwa miẹn ọẹn hẹ ighẹ utiemwẹ ne Osanobua tie uwa, kevbe ne ọ na hannọ uwa zẹ, khian ọghe etẹbitẹ: rhunmwuda, wa gha ruẹe vberriọ, ẹ i mwẹ wa ma mu sọe.

Arhie Maan 17:14

Iran gha gu Oteghe Ohuan nii gbinna, sokpan Oteghe Ohuan nii ke ẹe kevbe emwa rẹn ne a tie re, kevbe ne a hannọ zẹ, iran ni ya ẹko ata lele ẹe khian, gha khọn iran muotọ, rhunmwuda rẹn ọrọre Nọyan eniyaẹnmwa kevbe Ọba iran ne ọba.”