Ebe ne Pọl gbẹẹn gie emwa Rom 9:1 - Edo Bible (E Baibol Ẹdo) Version 1996

¹ Ẹmwẹ ne I ta ẹe, ẹmwata nọ, ọghe Kristi mẹ khin, I ma ta ohoghe. Ekhọe mwẹ ne Orhiọn Ne Ọ Huanrẹn khaemwisẹ yan, vbe tama mwẹ wẹ ẹ i re ohoghe ọre I ta.

Ebe ne Pọl gbẹẹn gie emwa Rom 9:1 ပူးပေါင်းရင်းမြစ်များ

Ebe ne Pọl gbẹẹn gie emwa Rom 1:9

Osanobua ne imẹ ya ekhọe mwẹ hia ga vbe uwu ne I na ya ekhọe mwẹ hia kpe orhu Iyẹn Ne ọ maa rẹnrẹn ighẹ ẹghẹ ne I ya na erhunmwu hia ọre I ya ye uwa rre.

Ebe ne Pọl gbẹẹn gie emwa Rom 2:15

Uyinmwẹ iran rhie maa ighẹ a gbẹnnẹ egbe emwi ne Uhi ni ho ye ekhọe iran. Ekhọe iran vbe rhie maa wẹ ẹmwata ọna khin vbe ne a na miẹn wẹ, ekhọe iran zẹdia bu asẹ ne iran, ugbẹnso, ọ ghi vbe gha gu iran gui.

Ebe ne Pọl gbẹẹn gie emwa Rom 8:16

Orhiọn Osanobua keghi deba Orhiọn ima ta ẹe wẹ ivbi Osanobua ma khin.

Ebe ne Pọl gbẹẹn gie emwa Rom 9:2

U miẹn vbene I khiẹ hẹ, u miẹn vbene ekhọe mwẹ vuọn ne orriara ne ẹ i fo hẹ rhunmwuda emwa mwẹ ne ima gba re egbe ọkpa kevbe esagiẹn ọkpa.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

II Kọrinti 1:23

Osanobua ọre I rhie ye osẹe mwẹ, ọ rẹn vbene ekhọe mwẹ ye hẹ, Ne a ghẹ miẹn ehe na rri uwa oya, ọre ọ zẹe ne I ma na ghi rrie Kọrinti.

II Kọrinti 11:10

Vbe ekpa ẹmwata Kristi ne ọ rre uwu imẹ, I ta ẹe wẹ orhiọnkpa nẹ ọ gha gbe eta orhuọ na yọmwẹ unu, ẹ i rre otọe Gris, vbe ehe ne ọ sẹe kevbe ehe ne ọ rhanmwẹ.

II Kọrinti 11:31

Osanobua ne Erha Nọyaẹnmwa Jesu Kristi — afiangbe nọ ne eni ẹnrẹn ẹdẹdẹmwẹdẹ rẹn wẹ ẹ i re ohoghe I tae.

II Kọrinti 12:19

Ọ gha kẹe nian, te uwa ro ighẹ te ima ho ne a gui fan egbe mwa ye otọ vbe obọ uwa. Hiehiere. Vbene Kristi ho ne ima guan ọre ima guan na, vbe odaro Osanobua, emwi hia ne I a rhirhi ru, iho mwa, te ima ru ẹe ne a ya ye uwa obọ.

Galatia 1:20

Emwi ne I gbẹnnẹ na, ẹmwata nọ. I ya Osanobua yan ighẹ I ma ta ohoghe.

Filipai 1:8

Osanobua rẹnrẹn wẹ ẹmwata ọre I ta vbe i a kha wẹ, vbene ẹmwẹ uwa rrọ mwẹ ekhọe, uwu ekhọe Kristi Jesu tobọ ẹre ọre ọ ke rre.

I Tẹsalonaika 2:5

Rhunmwuda, wa tobọ uwa rẹnrẹn wẹ, ẹ i re ẹmwẹ ọrhiẹnrhiẹn vbe ukpẹ ọre ima do tama uwa, ra ne a ye ẹmwẹ ne unu zẹ asa gue orriarria ẹko mwa, Osanobua ọrọre osẹ ima.

I Timoti 1:5

Emwi ne I rhunmwuda ẹre yi iyi na ọrọre, ne ọ gua ẹe kpao ighẹ aho ẹmwẹ ọmwa ne ekhọe sẹẹnrẹn, orhiọn ne ekhọe ẹre i gu gui, kevbe iyayi ne ẹ i re ọghe ababa.

I Timoti 2:7

Ọna ọre ọ vbe zẹ ne a na gie mwẹ zẹ vbe ukọ kevbe ọmamwaemwi avbe iran ne ẹ i re Ju, ne I ya gha kpe orhu iyayi kevbe ẹmwata. Ẹ i re ohoghe I ta, ẹmwata I ta.

I Timoti 5:21

Vbe sirra Osanobua kevbe Kristi Jesu, kevbe avbe odibo Osa ni huranrẹn, I ya imuegberriotọ tama ruẹn, ne u gha ye avbe ẹmwẹ na ru emwi vbe ne a i na zẹ ọmwa ẹkpe, ra ne a gha ghe ọmwaikọmwa ikpanro vbe uwu emwi ne u ru hia.