Ebe ne Pọl gbẹẹn gie emwa Rom 8:9 - Edo Bible (E Baibol Ẹdo) Version 1996

⁹ Sokpan ẹ i rre vbene egbe uwa zẹ vbene a yi ẹe ho, ẹre uwa wa ru, emwi ne Orhiọn kha re ọre uwa ya ru emwi a deghẹ Orhiọn Osanobua gele rre uwu uwa vbe ne ẹmwata. Ọmwaikọmwa ne ẹ i mwẹ Orhiọn Kristi, ẹ i re ọghọe.

Ebe ne Pọl gbẹẹn gie emwa Rom 8:9 ပူးပေါင်းရင်းမြစ်များ

Ezikiẹl 11:19

I gha rhie orhiọn kevbe ekhọe ọgbọn ne iran. I gha miẹn iran ekhọe okuta ni zevbudu nii, I ghi rhie orhiọn ne ọ họn ẹmwẹ ne iran.

Iyẹn ne ọ Maan Ọghe Luk 11:13

Vbene uwa ghi vbe rhia sẹ, wa rẹn ya gha viọ emwi esi ne ivbi uwa. Vbe uwa ghi ye Erha uwa ne ọ rre ẹrinmwi khẹ, ẹ i re te ọ gha rhie Orhiọn Ne Ọ Huanrẹn ne iran hia ne ọ vbu vbe obọ ẹre!”

Iyẹn ne ọ Maan Ọghe Jọn 14:17

Agbọn i sẹtin rhan obọ miẹn ẹnrẹn rhunmwuda ighẹ agbọn i sẹtin dẹghe ẹre amawẹ, ọ gha rẹn ọnrẹn. Sokpan wa rẹn ọnrẹn, rhunmwuda, ọ gu uwa ọ vbe rre uwu uwa.

Iyẹn ne ọ Maan Ọghe Jọn 14:23

Jesu wanniẹn wẹẹ, “Ọmwa ne ọ rhirhi ho ẹmwẹ mwẹ gha ru vbene I khare, Erha mwẹ gha ho ẹmwẹ ọnrẹn, kevbe imẹ kevbe Erha mwẹ ghi bu ẹre gha dee, ma ghi do di owa ẹre ya.

Iyẹn ne ọ Maan Ọghe Jọn 3:34

Ẹmwẹ Osanobua, ọre ọmwa ne Osa gie guan rhunmwuda te Osanobua rhie uvuọnmwẹ Orhiọn rẹn nẹẹn.

Iyẹn ne ọ Maan Ọghe Jọn 3:6

Ikinnegbe ọre ikinnegbe biẹ, orhiọn ọre Orhiọn vbe biẹ.

Iwinna 16:7

Ugbẹn vbe iran ghi sẹ ehe ne otọ Misia lae, iran keghi te ho ne iran la otọ Bitinia sokpan Orhiọn Jesu ma kue ye iran re.

Ebe ne Pọl gbẹẹn gie emwa Rom 7:5

Rhunmwuda, ẹghẹ ne ima na gha ru vbene ọ khọn ikinnegbe mwa, avbe emwi orukhọ ne nene Uhi gi ẹe gha viẹn ye ọmwa aro, keghi ya ima winna ẹsẹse ne uwu.

Ebe ne Pọl gbẹẹn gie emwa Rom 8:1

Banbanna nian, a ma ghi bu ohiẹn gbe iran ni ye egbe ba Jesu Kristi gha rrọọ.

Ebe ne Pọl gbẹẹn gie emwa Rom 8:11

A deghẹ Orhiọn Osanobua ne ọ huẹn Jesu ke orinmwi ladian, rre uwu uwẹ, ẹghẹ nii, ọmwa ne ọ huẹn Jesu kpao vbe orinmwi rre, gha rhie arrọọ ne egbe ruẹ ne ọ sẹtin wu, la ekpa Orhiọn ne ọ rre uwu uwẹ rre.

Ebe ne Pọl gbẹẹn gie emwa Rom 8:2

Rhunmwuda, uhi ọghe Orhiọn ne ọ rhie a ya egbe ba Kristi Jesu ghae arrọọ gie ima, fan mwẹ ye otọ nẹ vbe obọ uhi ọghe orukhọ kevbe uwu.

I Kọrinti 15:23

Sokpan, dọmwadẹ ọghọe vbe ehe ne ọ na sẹ ọre egbe, Kristi, ne ọ re ne okaro vbe uwu ehia, vbe iyeke ọnii, iran ni re ọghe Kristi vbe ẹghẹ ne ọ gha ya rre.

I Kọrinti 3:16

Vbe ne ẹmwata, wa rẹnrẹn ighẹ, Ọgua Osa ọre uwa khin, kevbe wẹ, Orhiọn Osanobua di uwu uwa ya.

I Kọrinti 6:17

Sokpan ọmwa ne ọ ku egbe ẹre gbe ba Nọyaẹnmwa, ghi do gha gu irẹn re ọkpa vbe ekpa ọghe orhiọn.

I Kọrinti 6:19

Wa ma rẹn ighẹ owa Orhiọn Ne Ọ Huanrẹn ọ re egbe uwa khin, Orhiọn Ne Ọ Huanrẹn ne Osanobua rhie ne uwa, ne ọ rre uwu uwa? Wa i ghi re ọghe egbe uwa, ọghe Osanobua ọre uwa khin.

II Kọrinti 10:7

Vbene emwi hia ye vbe ikinnegbe ọre uwa ghe. Arhiọnkpa rrọ vbe uwu uwa, ne ọ ka egbe ẹre ye ọghe Kristi ra? Wẹ ne ọ dọlegbe mu ẹmwẹ enegbe ẹre roro, rhunmwuda vbene irẹn re ọghe Kristi ọre ima vbe re ọre.

II Kọrinti 6:16

Vbe Ọgua Osa kevbe amazẹ ọghe iran nigẹbọ ra ya gue obọ egbe hẹ yi? Rhunmwuda Ọgua osa ọghe Osanobua nọ rrọọ, ọre ima khin. Zẹ vbe ne Osanobua tobo ẹre kha re: “I gha bọ owa mwẹ ye ehe ne iran ye. I ghi yin ehe ne iran ye. Mẹ ghi gha re Osanobua iran, iran ghi gha re emwa mwẹ.”

Galatia 4:6

Ne ọ miẹn ehe na rhie maa ighẹ ivbi irẹn wa khin, Osanobua keghi gie Orhiọn Ovbi ẹre ye uwu ekhọe mwa, Orhiọn ne ọ datu wẹẹ, “Evbavba ne Evbavba.”

Galatia 5:24

Iran ni re ọghe Kristi vbe fuẹn emwi ni re ọghe egbe uan nẹ, ke ẹe kevbe oguegue kevbe orriarria ẹre.

Ẹfisọs 1:13

Erriọ ọre ọ wa vbe gha ye ne uwa bare, ugbẹn vbe uwa họn ikporhu ẹmwata nii, nene Iyẹn Ne ọ maa ne ọ rhie imiẹnfan gie uwa, wa keghi ya Kristi yi, Osanobua keghi yi uwa ama mẹ ọ yan rẹn, vbe ekpa ne ọ na rhie Orhiọn Ne Ọ Huanrẹn ne ọ ve ne uwa.

Ẹfisọs 2:22

Vbene a na ku egbe kugbe ba irẹn, wa tobọ uwa vbe khian ne a ghi bọ deba iran nekpa hia nian, ne ọ do khian owa ne Osanobua gha la ekpa Orhiọn irẹn gha dia.

Ẹfisọs 3:17

Kevbe, wẹ ne Kristi la ekpa iyayi bọ owa ẹre ye uwu uwa, I vbe na erhunmwu wẹ, ne uwa gbe inian, kevbe ne uwa gbe ẹyotọ uwa yan aho ẹmwẹ ọmwa.

Filipai 1:19

Rhunmwuda, mẹ rẹnrẹn wẹ, rhunmwuda erhunmwu uwa, kevbe rhunmwuda iyobọ ne ọ ke Orhiọn Jesu Kristi rre, a gha fan mwẹ fua.

II Timoti 1:14

Viọ iran mwẹ ighẹ avbe emwi esi ne a ka yuẹ obọ, vbe ekpa ẹtin ọ ghe Orhiọn Ne Ọ Huanrẹn ne ọ rre uwu ima.

I Pita 1:11

Iran keghi hia ne iran gualọ ẹe miẹn, ẹghẹ ne ọ ghẹ gha khin, kevbe vbene ọ gha ya rre hẹ, rhunmwuda, Orhiọn Kristi ne ọ rre uwu iran keghi ta ẹmwẹ ẹghẹ na, vbene iranna ta ẹmwẹ oya ne Jesu gha re ye otọ, ke ẹe kevbe uyi ne ọ gha lele ẹe.

I Jọn 3:24

Ọmwa ne ọ rhirhi ye ẹmwẹ Osanobua ru emwi, Osanobua rre uwu irẹn, rẹn vbe rre uwu Osanobua, vbene ima ya rẹn ighẹ Osanobua rre uwu ima ọre ọre ọna khin: ma rẹnrẹn rhunmwuda Orhiọn ne ọ rhie ne ima.

I Jọn 4:13

Ọnọna ọre ọ ye aro ima dae wẹ ma rre uwu Osanobua kevbe wẹ rẹn vbe rre uwu ima, ọ rhie Orhiọn ẹnrẹn ne ima.

I Jọn 4:4

Sokpan, wa ne ivbi mwẹ, ọ ghe Osanobua ọre uwa khin, wa vbe munọ avbe akhasẹ ohoghe gbe otọ nẹ, rhunmwuda Orhiọn ne ọ rre uwu uwa wo vbe egbe sẹ orhiọn ne ọ rre uwu iran ni re ọ ghe agbọn na.

Arhie Maan 13:8

Emwa ni rre agbọn hia gha ya uhunmwu rhanmwẹ otọ nẹẹn, ọnii nọ wẹ, avbe emwa hia ne a ma he gbẹnnẹ eni iran vbe agbọn te do suẹn, ye ebe emwa ni rrọọ, iran ni re ọghe Oteghe Ohuan ne a te gbe ua.

Arhie Maan 20:15

Avbe emwa hia ne eni ẹnrẹn i rre ebe emwa ni ma he wulo, a keghi filo iran ku uwu odighi erhẹn nii.