Ebe ne Pọl gbẹẹn gie emwa Rom 8:7 - Edo Bible (E Baibol Ẹdo) Version 1996

⁷ Rhunmwuda ọnii, a deghẹ egbe zẹ vbene a yiẹe ọre ọ gie odẹ emwi ne ọmwa gha ru ma ọmwa, ọmwa ni khian oghian Osanobua nẹ, rhunmwuda, ẹ i ghi zẹ ye vbene uhi Osanobua kha re, vbe ẹmwata, rẹn i ghi vbe sẹtin zẹ yọ.

Ebe ne Pọl gbẹẹn gie emwa Rom 8:7 ပူးပေါင်းရင်းမြစ်များ

II Krọnikol 19:2

Akhasẹ ọkpa, e Jehu ne ovbi e Hanani keghi ya vba ọba, ọ tama rẹn wẹẹ, “Wẹ yayi we emwi ne ọ gbae nọ ne a gha yi iran ne emwa dan obọ ra, ra ne a yegbe ba iran ni khuiwu e Nọyaẹnmwa? Emwi ne u ru si ohu e Nọyaẹnmwa yan ruẹn uhunmwu nẹ.

Job 15:13

Ohu Osanobua muẹn ẹsẹse, te u gha niẹn ukpe ghe ẹre.

Psalm 53:1

Avbe akpa ghi gha ye ekhọe ta ẹe wẹẹ Osanobua i rrọ; te iran hia wa kulo iran keghi vbe ru emwi ne ọ mu ohan okpa ne ọ ru emwi ne ọ gbae i rrọ.

Ẹksọdọs 20:5

Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

Jerimaia 13:23

Ọmwa nekhui gha sẹtin fi ikpakpa egbe ẹre werriẹ ra, ra ne ogioha khiẹn ekẹnnẹkẹnnẹ ne ọ rre egbe ẹre kua. Adeghẹ iran gha sẹtin, ẹghẹ nii ọ re uwa ne ọ ma rẹn vbe a ru emwi ọvbehe hẹ gberra orukhọ, gha na vbe sẹtin ruẹ vbene a ru emwi ne ọ kere hẹ.

Ezikiẹl 14:5

Avbe ẹbọ nii ni ye ivbi Izrẹl fi iyeke gbe mwẹ, sokpan, I yayi wẹ ewanniẹn ne I gha rhie ne iran gha ya iran dọlegbe bu mwẹ rre.

Matiu 12:34

Wa ne ẹyẹn ne emwi dan, vbe ẹmwẹ esi ighi te ra ke uwa unu ladian hẹẹ? rhunmwuda, emwi ne ọ rre ekhọe ọre unu na ta ladian.

Matiu 5:19

Rhunmwuda ọnii, ọmwaikọmwa ne ọ rra ọkpa ne ọ kanmwa sẹ vbe uwu avbe Uhi na, ọ na vbe ma emwa ọvbehe re ne iran ru vberriọ, rẹn ọre ọ gha re ne ọ kanmwa sẹ vbe Arriọba ẹrinmwi. Odẹ nogieva, ọmwaikọmwa ne ọ mu avbe uhi na sẹ, ọ na vbe ma emwa ọvbehe re ne iran ru vberriọ, rẹn ghi gha re ne ọkpọlọ ẹsẹse vbe Arriọba ẹrinmwi.

Iyẹn ne ọ Maan Ọghe Jọn 7:7

Agbọn i sẹtin gha khuiwu uwa, sokpan mẹ ọre ọ khuiwu ẹre rhunmwuda ne I na tama rẹn wẹ iwinna rẹn ẹ i ma.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

Ebe ne Pọl gbẹẹn gie emwa Rom 1:30

Iran ta ewẹwẹwẹ, iran ta egbe ọtakhọ, iran khui iwu Osanobua, iran zẹ vbe udu, iran tọn egbe mu, iran rhuọ, iran ghi gha gualọ iba ọgbọn ne iran gha zẹ, iran i họn ẹmwẹ ne evbibiẹ iran.

Ebe ne Pọl gbẹẹn gie emwa Rom 3:31

Ọnii rhie maa ra ighẹ te ima ya iyayi gbe ukhu nene Uhi rua? Hiehie re, vbene ẹmwata, te ima rhie nene uhi mwẹ.

Ebe ne Pọl gbẹẹn gie emwa Rom 5:10

Eghian Osanobua ọre ima te gha khin, sokpan rẹn keghi la ekpa uwu ovbi ẹre ya ima khian ọse ẹre. Vbe ne a ghi na miẹn na ighẹ ọse Osanobua ma ghi khin, u ma rẹn ẹ i mwẹ ọ ma ye arrọọ ọghe Kristi miẹn ima fan.

Ebe ne Pọl gbẹẹn gie emwa Rom 7:22

Sokpan otọ ẹko mwẹ ghi gha sẹ ọyẹnmwẹ ye uhi Osanobua.

Ebe ne Pọl gbẹẹn gie emwa Rom 8:4

Emwi ne ọ ya Osanobua ru ọna ọrọre ne a miẹn ehe na mu ẹn sẹ ighẹ uyinmwẹ ẹmwata ne nene Uhi nọ rẹn vbe obọ mwa, ma ne a miẹn wẹ ẹ i re vbene egbe zẹ vbene a yi ọmwa ho, ma ghi ru, sokpan vbene Orhiọn ho.

I Kọrinti 2:14

Sokpan ọmwa ne ẹ i mwẹ nene Orhiọn Ne Ọ Huanrẹn, ẹ i sẹtin rhan obọ miẹn ọhẹ ne ọ ke obọ Osanobua rre. Ẹmwata ẹ i rẹn emwi ne a ya ẹe kha, ẹmwẹ oya ehia khin vbe ehọ ẹre rhunmwuda orhiọn ne ọ huanrẹn ọre a ya sẹtin rẹn vbene uyi ẹre sẹ hẹ.

I Kọrinti 9:21

Erriọ vbe nọ, I gha miẹn iran ne ẹ i re Ju, I ghi gha ru vbe ọmwa ne ẹ i re Ju, ne ẹ i vbe rre ototọ Uhi avbe Ju, ne I miẹn ehe na silo iran ne ẹ i re Ju ba egbe, rhunmwuda vbe ẹmwata, ototọ uhi Kristi ọre I mẹ ye.

Kọlose 1:21

Vbe ẹghẹ ọkpa, wa keghi te wa khian rrei ne Osanobua, wa na ya eghian su ẹe vbe ekpa emwi dan ne uwa roro kevbe ne uwa ru.

Kọlose 2:18

Ghẹ gie ọmwaikọmwa ne ọ wẹ irẹn sẹ ruẹ, rhunmwuda ighẹ rẹn miẹn umian suẹ gọọ, ne ọ gba ẹmwẹ imuegberriotọ ọghe abawẹ mu unu, deba avbe odibosa ne a ghoo. Egbe ọre ọ mu emwa vberriọ, vbe. ne ẹ i na vbe mwẹ emwi ne ọ si ẹe, rhunmwuda, erriọ iro ekhọe ẹre la ghe, zẹ vbe ọmwa kẹkan.

II Timoti 3:4

Iran ghi gha si uma isọtẹ, iran ghi gha zẹ esu, uhiomwẹ ghi zẹ iran udu ua. Iran ghi gha hoẹmwẹ egberọkhọmwẹ vbe ne iran i na hoẹmwẹ Osanobua.

Hibru 8:10

Banbanna nian, ile ne U ghi ra gu iran ta ọna khin. Vbe iyeke avbe ẹdẹ nii, erriọ Nọyaẹnmwa khare: I gha rhie uhi mwẹ ye ẹko iran, I ghi vbe gbẹn ọẹn ye iran ekhọe, Mẹ ghi gha re Osanobua iran, Iran ghi gha re emwa mwẹ.

Jems 4:4

Wa ne ẹ i mwẹ iyayi, wa ma rẹn wẹ, ne a gha re ọse agbọn na, ighẹ te a ya ẹe khian oghian Osanobua?

II Pita 2:14

Iran i ho ne iran bẹghe emwi ọvbehe gberra ikhuo ni ku ogboi, ẹko i sẹtin vuọn ohanmwẹ orukhọ iran ẹdẹ. Iran ghi gha sua ọmwa ne ọ ma wo vbe egbe fi ifi. Te a wa ma ekhọe iran ẹre ne iran gha zuan. Te Osanobua fi iran unu.