Ebe ne Pọl gbẹẹn gie emwa Rom 8:6 - Edo Bible (E Baibol Ẹdo) Version 1996

⁶ A deghẹ egbe zẹ vbene a yiẹe, ọre ọ tama ọmwa emwi ne ọ gha ru, uwu ọre ọ ke ẹre ikian. Sokpan, a deghẹ Orhiọn ọre ọ gie odẹ emwi ne a gha ru ma ọmwa, ẹfe kevbe ọfumwegbe ọre nọ.

Ebe ne Pọl gbẹẹn gie emwa Rom 8:6 ပူးပေါင်းရင်းမြစ်များ

Iyẹn ne ọ Maan Ọghe Jọn 14:27

“Ọfumwegbe ọre I ya we uwa, ọfumwegbe mwẹ ọre I ya we uwa, ẹ i re. Vbene agbọn ya we ọmwa ọre I ya we uwa. Wa ghẹ fian afianma, wa ghẹ gie ohan mu uwa.

Iyẹn ne ọ Maan Ọghe Jọn 14:6

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.

Iyẹn ne ọ Maan Ọghe Jọn 17:5

Evbavba ne Evbavba, rhie uyi mẹ vbobọ vbobọ nian, egbe uyi ne I ka guẹ mwẹ vbe a ma he yi agbọn.

Ebe ne Pọl gbẹẹn gie emwa Rom 13:14

Sokpan wa viọ emwi igbinna ọghe Nọyaẹnmwa Jesu Kristi mwẹ obọ, wa ghẹ gie ẹmwẹ egbe orukhọ uwa mu uwa, vbe ekpa ne uwa na rhie emwi ne ọ ho nẹẹn ne ẹko vuọẹn.

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

Ebe ne Pọl gbẹẹn gie emwa Rom 5:1

Vbene a ghi na miẹn wẹ a la ekpa iyayi ya ima khian emwa ni gu Osanobua mudia ẹse, te ima ghi mwẹ ọfumwegbe vbe ehe ne Osanobua ye vbekpa Nọyaẹnmwa Jesu Kristi.

Ebe ne Pọl gbẹẹn gie emwa Rom 5:10

Eghian Osanobua ọre ima te gha khin, sokpan rẹn keghi la ekpa uwu ovbi ẹre ya ima khian ọse ẹre. Vbe ne a ghi na miẹn na ighẹ ọse Osanobua ma ghi khin, u ma rẹn ẹ i mwẹ ọ ma ye arrọọ ọghe Kristi miẹn ima fan.

Ebe ne Pọl gbẹẹn gie emwa Rom 6:21

Sokpan, de ere ne uwa ghi miẹn re vbe ne uwa na gha ru avbe emwi ni ne ekhue ẹre ghi mu uwa ẹghẹ na? Uwu ọre ọ ke avbe emwi ni ikian.

Ebe ne Pọl gbẹẹn gie emwa Rom 6:23

Rhunmwuda, uwu ọre orukhọ ya ha osa. Sokpan ẹse ọhẹ Osanobua keghi re ẹfe arrọọ, vbe ayegbe ba Jesu Kristi Nọyaẹnmwa.

Ebe ne Pọl gbẹẹn gie emwa Rom 7:11

Rhunmwuda, orukhọ keghi miẹn ehe la la mwẹ egbe, ọ na rhie uhi mwẹ obọ gha rẹrẹ mwẹ, nene uhi nii ọre orukhọ ya gbe mwẹ uan.

Ebe ne Pọl gbẹẹn gie emwa Rom 7:5

Rhunmwuda, ẹghẹ ne ima na gha ru vbene ọ khọn ikinnegbe mwa, avbe emwi orukhọ ne nene Uhi gi ẹe gha viẹn ye ọmwa aro, keghi ya ima winna ẹsẹse ne uwu.

Ebe ne Pọl gbẹẹn gie emwa Rom 8:13

Rhunmwuda, deghẹ wa wa ru vbene egbe, zẹ vbene a yi ẹe tama uwa, wa gha wulo, sokpan deghẹ wa la ekpa Orhiọn fuẹn iwinna orukhọ uwa, wa gha fe.

Ebe ne Pọl gbẹẹn gie emwa Rom 8:27

Osanobua ne ọ sẹtin bẹghe uwu ekhọe emwa ne agbọn. rẹn emwi ne nene Orhiọn mu roro, rhunmwuda, te nene Orhiọn rinmwian ne emwa rẹn vbe ehe ne Osanobua ye, zẹ vbe ne ọ gua emwi ne irẹn ho ro.

Ebe ne Pọl gbẹẹn gie emwa Rom 8:7

Rhunmwuda ọnii, a deghẹ egbe zẹ vbene a yiẹe ọre ọ gie odẹ emwi ne ọmwa gha ru ma ọmwa, ọmwa ni khian oghian Osanobua nẹ, rhunmwuda, ẹ i ghi zẹ ye vbene uhi Osanobua kha re, vbe ẹmwata, rẹn i ghi vbe sẹtin zẹ yọ.

Galatia 5:22

Sokpan Orhiọn Ne Ọ Huanrẹn ọre ọ biẹ avbe aho ẹmwẹ ọmwa, oghogho, ọfumwegbe, iziengbe, itohan, ekhọe esi, amuẹntinyan,

Galatia 6:8

Ọ gha kọ emwi ne egbe ho ye ugbo, evba ọre ọ ra na ya rhọ emwiorhọ uwu, a deghẹ ọ vbe kọ emwi ne ọre ọghe Orhiọn, ke uwu Orhiọn ni rre, ọre ọ gha na rhọ emwiorhọ ẹfe ne ẹ i mwẹ ọfo.