Ebe ne Pọl gbẹẹn gie emwa Rom 8:5 - Edo Bible (E Baibol Ẹdo) Version 1996

⁵ Rhunmwuda, emwa ni ru vbene egbe zẹ vbene a yiẹe ho, egbe zẹ vbene a yiẹe, ọre ọ ta ma iran emwi ne iran gha ru. Sokpan iran ni ru vbene Orhiọn ho, Orhiọn ọre ọ vbe tama iran emwi ne iran gha ru.

Ebe ne Pọl gbẹẹn gie emwa Rom 8:5 ပူးပေါင်းရင်းမြစ်များ

Iyẹn ne ọ Maan Ọghe Mak 8:33

Sokpan Jesu fi egbe werriẹ ọ keghi ghe avbe erhuanegbe ẹre, ọ keghi suẹn gha gu Pita gui wẹẹ, “Kpao vbe ehe ne I ye rre Setan, iziro ruẹ ọghe emwa ne agbọn nọ, ẹ i re ọghe Osanobua.”

Iyẹn ne ọ Maan Ọghe Jọn 3:6

Ikinnegbe ọre ikinnegbe biẹ, orhiọn ọre Orhiọn vbe biẹ.

Ebe ne Pọl gbẹẹn gie emwa Rom 8:9

Sokpan ẹ i rre vbene egbe uwa zẹ vbene a yi ẹe ho, ẹre uwa wa ru, emwi ne Orhiọn kha re ọre uwa ya ru emwi a deghẹ Orhiọn Osanobua gele rre uwu uwa vbe ne ẹmwata. Ọmwaikọmwa ne ẹ i mwẹ Orhiọn Kristi, ẹ i re ọghọe.

I Kọrinti 15:48

Emwa ni re ọghe agbọn na keghi ye vbe ọnii ne a ya ekẹn ma, iran ni re ọghe ẹrinmwi keghi ye vbe ọnii ne ọ ke ẹrinmwi rre.

I Kọrinti 2:14

Sokpan ọmwa ne ẹ i mwẹ nene Orhiọn Ne Ọ Huanrẹn, ẹ i sẹtin rhan obọ miẹn ọhẹ ne ọ ke obọ Osanobua rre. Ẹmwata ẹ i rẹn emwi ne a ya ẹe kha, ẹmwẹ oya ehia khin vbe ehọ ẹre rhunmwuda orhiọn ne ọ huanrẹn ọre a ya sẹtin rẹn vbene uyi ẹre sẹ hẹ.

II Kọrinti 10:3

Ẹmwata nọ wẹ ma rre agbọn na, sokpan ẹ i re iro ẹmwẹ agbọn ma ya gbinna.

Galatia 5:17

Rhunmwuda emwi ne ikinnegbe mwa ho, wa lihan ne emwi ne Orhiọn Ne Ọ Huanrẹn ho. Emwi ne Orhiọn Ne Ọ Huanrẹn ho, vbe lihan ne emwi ne ikinnegbe ho, oghian egbe ọre iran eva khin, ọnii rhie maa wẹ, wẹ i sẹtin ru emwi ne ọ rre uẹ ekhọe.

Ẹfisọs 5:9

Rhunmwuda, uwanmwẹ ọre ọ rhie otọ ne avbe emwi esi, vbene umamwẹ, emwi ne ọ gbae kevbe ẹmwata ye, ne a mọ ọmọ wọrhọwọrhọ.

II Pita 2:10

Ibiba avbe emwa ni lele orriarria emwi ohọhọ egbe iran, iran na vbe yagha ẹtin Osanobua. Avbe emamwaemwi ohoghe na keghi re emwa itengbemu, ni vbe ze vbe udu. Iran i ya ọghọ ne emwi ni rrọ ni mwẹ uyi, ni rre odukhunmwu, sokpan, iran ghi gha ya ukpẹ sakan iran.