Ebe ne Pọl gbẹẹn gie emwa Rom 8:39 - Edo Bible (E Baibol Ẹdo) Version 1996

³⁹ Agbọn ne ọ rre odukhunmwu ra ne ọ rre ototọ, emwi ọkpa i rrọọ vbe uwu emwi ne a yi hia, ne ọ gha sẹtin wannọ ima hin ahoẹmwọmwa Osanobua ne ọre ọghe ima rre vbekpa Kristi Jesu Nọyaẹnmwa.

Ebe ne Pọl gbẹẹn gie emwa Rom 8:39 ပူးပေါင်းရင်းမြစ်များ

Psalm 64:6

Iran gha si uma dan nẹ iran ghi kha wẹẹ, “Iba ne ọ defiọ fo, ọ re ima wa mwamwa ye otọ na.” Ọkpaodin ọ re ekhọe kevbe orhiọn ọmwa nagbọn khin.

Itan 20:5

Iro ne ọ rre ọmwa ẹko, te ọ yevbe amẹ ne ọ rre uhae ne ọ dinmwi, sokpan ọmwa ne ọ sẹtin ghe umian emwi gha sẹtin sa ẹe ladian.

Ihuan Ne Ọ Sọọ Ihuan Hia 3:4

I ghi wa da kpao vbe ehe ne iran yerre I keghi miẹn ọẹn I keghi gbae ginna egbe, I ma ghi sẹ ọẹ rae. Rhinrin I te do rhie ẹre gha die owa iye mwẹ, gha die ughugha ne a na biẹ mwẹ.

Aizaia 10:33

E Nọyaẹnmwa ne Oghodua gha rrua iran guọghọ ua vbe abọ erhan ne a gia hin erhan rre. Ne ọ tọn egbe mu sẹẹ, kevbe ne ọ kpọlọ sẹẹ; vbe uwu iran, a gha gia ehia gbotọ, a ghi fa iran an.

Aizaia 24:21

Ẹdẹ dee ne Nọyaẹnmwa gha rri avbe ẹtin ni rre odukhunmwu oya deba avbe iran nikhaemwisẹ vbe agbọn.

Daniẹl 4:11

Ọ keghi gha wanyọ wanyọ, ọ te do tan sẹ iso a na ghi vbe gha bẹghe ẹre vbe ehe hia vbe otọ agbọn.

Matiu 24:24

Rhunmwuda, avbe akhasẹ kevbe Mẹzaia ohoghe gha rre. Iran gha winna iwinna ama kevbe iwinna ọyunnuan ni bun ne iran ya rẹrẹ emwa ne Osanobua hannọ zẹ re deghẹ ẹtin iran sọe.

Iyẹn ne ọ Maan Ọghe Jọn 16:27

Rhunmwuda Evbavba tobọ ẹre vbe ho ẹmwẹ uwa. Rẹn ho ẹmwẹ uwa rhunmwuda ighẹ wa ho ẹmwẹ mwẹ, wa vbe yayi nẹ ighẹ ọghe Osanobua mẹ ke gha dee.

Iyẹn ne ọ Maan Ọghe Jọn 17:26

I rhie ma iran nẹ, erriọ ọre I khian ye gha ru ẹe khian, ne ahoẹmwọmwa ne u mwẹ ghe mwẹ sẹtin sẹ iran egbe, ne imẹ sẹtin gha rre uwu iran.”

Iyẹn ne ọ Maan Ọghe Jọn 3:16

Rhunmwuda Osanobua ho ẹmwẹ agbọn na sẹrriọ zẹẹ ọ na rhie Ovbi ẹre ukpọmọkpa ne ọmwa, ne ọmwaikọmwa ne ọ rhirhi ya ẹe yi ghẹ wirua, sokpan ne ọ gha mwẹ ẹfe ne ẹ i mwẹ ọfo.

Ebe ne Pọl gbẹẹn gie emwa Rom 1:7

Rhunmwuda ọnii, ọre I na gbẹn ebe gie uwa hia ni rre Rom ne Osanobua ho ẹmwẹ ọnrẹn, ọ na tie uwa ne uwa do gha re emwa irẹn. Te Osanobua ne Erha mwa kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.

Ebe ne Pọl gbẹẹn gie emwa Rom 11:33

U miẹn vbe ẹfe Osanobua bun hẹẹ! U miẹn vbene ẹwaẹn kevbe irẹnmwi ọnrẹn dinmwi hẹẹ! De ọmwa nọ gha sẹtin rhan otọ vbene ọ ta ẹmwẹ yi hẹẹ? Gha ọ rẹn vbene ọ ru emwi hẹẹ.

Ebe ne Pọl gbẹẹn gie emwa Rom 5:8

Sokpan Osanobua rhie ma ima nẹ vbene irẹn kakabọ ho ẹmwẹ mwa sẹ hẹ ẹghẹ ne ima na gha re emwa orukhọ ọre Kristi na wu ne ima.

Ebe ne Pọl gbẹẹn gie emwa Rom 6:23

Rhunmwuda, uwu ọre orukhọ ya ha osa. Sokpan ẹse ọhẹ Osanobua keghi re ẹfe arrọọ, vbe ayegbe ba Jesu Kristi Nọyaẹnmwa.

Ebe ne Pọl gbẹẹn gie emwa Rom 8:1

Banbanna nian, a ma ghi bu ohiẹn gbe iran ni ye egbe ba Jesu Kristi gha rrọọ.

Ebe ne Pọl gbẹẹn gie emwa Rom 8:35

De ọmwa ne ọ gha sẹtin wannọ ima hin ahoẹmwọmwa ọghe Kristi rre yi? Orueghe nọ ra ọlọghọmwa, ra ukpokpo ra ohanmwẹ ra ogue, ra ẹbe ra uwu?

II Kọrinti 11:3

Afianma fian mwẹ ne iran ghẹ ya ruẹn ẹmwẹ ye uwa ekhọe mu ẹn rhia, wa ghi zobọ vbe ne uwa na te wa guobọ Jesu vbe ne a i gbe ikhan yi, zẹ vbene ẹyẹn ye ẹkẹ vbe ero, rẹrẹ Ivi.

II Kọrinti 2:11

Ne a ghẹ miẹn ehe na rhie otọ ne obọ Setan ya ke odukhunmwu ne ọghe ima, rhunmwuda ma rẹn ehe ne ọ ghae yi.

Ẹfisọs 1:4

Vbe a te do yi agbọn, Osanobua hannọ ima zẹ nẹ ne ima gha re ọghe ẹe vbe uwu Kristi, ne ima sẹtin gha re ne ọ huanrẹn kevbe ne ẹ i mwẹ abe vbe odaro ẹre. Rhunmwuda aho ẹmwẹ ọmwa rẹn.

Filipai 3:12

I ma kha ighẹ I ru rho obọ nẹ vbe ọnọna, ra wẹ I guẹ fo nẹ, te I ye yẹn egbe ghe odaro, ne ọ miẹn ehe na sọ mwẹ obọ, ighẹ ive emwi ne Kristi Jesu ya yan mwẹ nẹ.

Filipai 3:3

Rhunmwuda, mẹ nọ, ẹ i re iran ọ re a rhie arhuẹ ẹmwata na, rhunmwuda, Orhiọn ọre ima ya ga Osanobua, ma ghi vbe gha ghọghọ ye agbọn ne ima ye vbe uwu Kristi Jesu. Ma i mu ẹtin yan emwi iruemwi ọghe ore egbe.

Filipai 3:8

Ẹ i re avbe emwi nii ọkpa, te I ghi ka emwi hia ye ọ rhiae rhunmwuda emwi ọvbehe ne ọ ru ighobioye sẹẹ enii, ọnii ọrọre, a rẹn Kristi Jesu Nọyaẹnmwa. Rhunmwuda ẹre, I keghi filo emwi hia kua, I keghi ka ehia ye emwi ne ẹ i mwẹ esa, ne I miẹn ehe na gha mwẹ Kristi.

II Tẹsalonaika 2:4

Rẹn gha ghe odan ye emwi hia ne emwa ghi gho nẹ, kevbe emwi hia ne emwa ghi tie ẹre ne ọ huanrẹn. Rẹn ghi tọn egbe ẹre mu sẹ ehia fẹẹrẹ, uhin ọ ghi ya tota ye Ọgua Osa ọghe Osanobua, ọ ghi wẹ rẹn ọre ọ ghi re Osanobua!

I Jọn 4:16

Ma tobọ mwa rẹnrẹn, ma keghi vbe yae yi ighẹ aho ẹmwẹ ọmwa ne Osanobua mwẹ ghe mwa. Aho ẹmwẹ ọmwa ọre Osanobua khin, ọmwaikọmwa ne ọ rre uwu aho ẹmwẹ ọmwa ọ rre uwu Osanobua, Osanobua vbe rre uwu irẹn.

I Jọn 4:19

Ma mwẹ aho ẹmwẹ ọmwa, rhunmwuda Osanobua ọre ọ ka ho ẹmwẹ mwa.

Arhie Maan 12:9

A keghi mu Ugbogiorinmwi ne gẹdẹgbẹ nii fua. Rẹn ọrọre ẹyẹn nẹdẹ nii, ne a tie ẹre Setan, ne ọ mu otọ agbọn hia rẹrẹ. A keghi fi ẹe fi agbọn ke ẹe kevbe avbe odibo ẹre hia.

Arhie Maan 13:14

Ọ keghi ye iwinna ọyunnuan ne a rhie ẹghẹ nẹẹn ya winna mu emwa hia ni rre agbọn rẹrẹ vbe sirra aranmwẹ oha ne okaro nii. Aranmwẹ oha na keghi wẹ ne emwa ne agbọn hia ma amazẹ ọkpa ne a ya ya ọghọ nẹẹn ighẹ aranmwẹ oha nii ne a ya umozo kuan rẹn egbe ne ọ ma wu.

Arhie Maan 19:20

A keghi mu aranmwẹ oha nii oghunmwu ke ẹe kevbe akhasẹ ohoghe nii ne ọ winna iwinna ọyunnuan vbe odaro ẹre. (Ama ọyunnuan nii ọre ọ ya rẹrẹ iran re ighẹ iran ni vin ama aranmwẹ oha ni ye egbe, ne iran na vbe gha ye uhunmwu rhanmwẹ otọ ne amazẹ ọre.) Aranmwẹ oha nii ke ẹe kevbe akhasẹ ohoghe nii, a keghi munọ iran ke ẹmwẹ ne unu fi lo ku uwu odighi erhẹn ne ọ giẹn emwi ne ọ ye vbe ugbofi ladian.

Arhie Maan 2:24

“Sokpan wa ni ghi dekẹe Vbe Tiatira, ma lele iruẹmwi dan na, wa ma he ruẹ emwi ne iran nekpa tie ẹre ‘oro ne ọ dinmwi ọghe Setan.’ Emwi ne I tama uwa ọrọre wẹ, I i ra ghi kun ihẹ ba uwa ihẹ.

Arhie Maan 20:3

Nene odibosa keghi fi ẹe fi uwu uvun ne ẹ i mwẹ otọ nii, ọ keghi ya isanhẹn khui ẹre, ọ keghi khiọ ẹre gbua, ne ọ ghẹ ghi sẹtin mu agbọn rẹrẹ ọvbehe, ọ te ya sẹ ukpo arriaisẹn nii, vbe iyeke ọnii, a ghi vbe fan ẹn fua vbe ẹghẹ kherhe.

Arhie Maan 20:7

Ukpo arriaisẹn nii ghẹ ghi gba nẹ, a ghi rhan Setan hin uwu eghan rẹn rre.